هاگاداری پەی نویسەرا، شاعێرا و قەڵەم بەدەساو هەورامانی پەی گلێرکەردەیەو شێعرەکاو عەبدوڵڵابەگوو هەورامانی

بە پاو هەواڵوو مامۆسامەڵڵاموحسێن ڕوستەمی،پەی"هەورامان هانەبەرچەم"ی هاگاداریێو پەی نویسەرا، شاعێرا و قەڵەم بەدەساو هەورامانی پەی گلێرکەردەیەو دیوانوو شێعرەکاو عەبدوڵڵابەگوو هەورامانی ،وەڵا کریانەو ،ئاوات وازێنمێ ئەچی هەرمانەفەرهەنگیێنە و کۆکەردەیەو دیوانووشێعرەکاو مامۆسای ،چەمەڕاو یاردٚینمێ. 
دەقوو هاگاداریەکەی:

سڵام پەی دیاروو وەش دیارا
ئازیزا کێن کە نەزانۆ مەنەیوه و هەر میللەتێ به مەنەیوه فەرهەنگ و کەلتووریشا و خاس دیارا کە وەختێ فەرهەنگوو هەر میللەتێ بار و بنەش بەستش و نەمەن هۆویەتوو ئا میللەتیچە بە تەبەعیەت چادٚیوە ملۆ و وردٚە وردٚە ڕوە منیۆ نابوودیوە.
گوزەروو زەمانی فەقەت وەختێ تاوۆ فەرهەنگما جە دەسۆ بسانۆ کە وێما قەدروقیمەتش نەزانمێ ئەننا ئەگەر بە عەشقۆ بڕیەیمێ وەنە و فەرهەنگیما پارێزنمێ و خزمەتش کەرمێ گوزەروو زەمانی چە جیا ئانەی مەتاوۆ بەرۆش بەیننە پەرەش پەی مدٚۆ و جە جارانی خاستەر مدٚۆش وەروو چەموو فەرهەنگ دۆساوە.
جا ئەگەر دووربای فەرهەنگ پارێزێ نەبیمێ و قەدر و قیمەتش نەزانمێ و خزمەتش نەکەرمێ ئاوەختەن کە مەجبووریێنە دەس بە دامانوو ئی فەرهەنگ و ئەو فەرهەنگی بیمێ و پەی ئەبەدی نوقمێ بیمێ 
بەشێ گەورە جە فەرهەنگیچ زوانا و یۆ چا چیوا کە زوانی پارێزنۆ شێعرەنە.
  یانێ بە هەر میزانێ کە قیمەتما نیابۆرە پەی شێعرێ و حەریمش پارێزنا بۆما پا میزانیچە قیمەتما دان بە فەرهەنگی و حەریمش پارێزنانما.
هەورامان جه ویەردٚەی دوورنه تا ئیسه سەروو شێعرێوه کارشا کەردٚەن و بە شاهێدی دیوانوو شێعرەکاشا هەورامان شاعێرش نەبڕیان چەنە و هەمیشەی هەواروو ناسک خیاڵا بیەن.
یۆ چا ناسک خیاڵا هەورامانی کە هەڵای  ئاوازەو شێعراش دلێو ئی کەش و کۆ هەورامانینە زڕیۆوە و دەنگ مدٚۆنا دەنگ عەبدۆڵڵا بەگوو هەورامانی بیەن.
جه ژیوای پەڕ سەر و واریش کە ویەرمێ داخە ئینا چاگەنە کە بە داخێ گرانەوە گردٚوو شێعرەکاش نیەنێ دەسمانە و جەمێ نەکریێنێ و پەخش و پەڵێنێ.
بڕێ جه ئازیزا پێسه خاتوو ژوان هەورامی چن ساڵێن زەحمەتشا کێشتەن و چن بەشێ جە شێعرەکاو ئی شاعێرە ئازیزەیشا کۆ کەردٚێنێوە که پەنە وازا پەی چاپ کەردٚەیشا کەمتەر خەمێ نەبیمێ
داواکاریم جه میللەتوو هەورامانوو ئی دیم و ئەو دیمی به تایبەت قەدیمیەکێ و تاقمەو شاعێره ئازیزەکا ئینەن ئەگەر کەسێ شێعروو عەبدۆڵڵا بەگیش هەنه لاوه یا ژنیێنەش و وەرشنە زەحمەت کێشۆ کیانۆش پەیما تا بە یاری خودٚای گەورەیوە تاومێ دیوانوو شێعرەکاش دەیمێ چاپ و یادگارێ زەڕین و نازار پێسەو جارانی ئیزافە کەرمێ بە فەرهەنگوو هەورامانی.
براتا: موحسێن ڕوستەمی


برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،هاگاداری پەی نویسەرا،شاعێرا و قەڵەم بەدەساو هەورامانی پەی گلێرکەردەیەو شێعرەکاو عەبدوڵڵابەگوو هەورامانی،
نوشته شده در تاریخ یکشنبه 10 فروردین 1399 توسط همایون محمدنژاد
پەی سڵامەتی سەیادٚوو هەورامانی دەس بە دوعا لاڵیەمێوە/هومایون موحەممەدنژاد

فێنکی هه‌وارگاو سه‌یادٚوو هه‌ورامانی/ هومایون موحه‌ممه‌دنژاد

ئه‌گه‌ر گه‌ره‌کما بۆ جه باره‌و که‌سایه‌تیێ هه‌ورامانی پێسه‌و مامۆسا باقی شه‌فیعی قسه و باس که‌رمێ، مه‌شیۆ ڕاویه‌روو هه‌وار و هانه‌چه‌ماو هه‌وڵی،ویمیری، که‌ریسان،شاهۆ،داڵانی و کۆساڵانی بیه‌ بی و هه‌ناسه‌و ژیوایت هۆرکێشته بۆ؛مه‌شیۆ تاڵی و وه‌شی ڕۆزگاریت چه‌نی چه‌رمایی تاجوو سه‌ره‌یت ، وێش ئه‌رمانا بۆ ، مه‌شیۆ کۆگاو وه‌شه‌ویسیت پێسه‌و باباتاهێری و سه‌یادٚی جه ئه‌ڵوه‌ند و شاهۆنه، هه‌رزه‌له‌ش به‌ستێ بۆ ، مه‌شیۆ چه‌نی ده‌نگوو شمشاڵوو سه‌یادٚوو پاوه‌ی و قاقبه‌و ژه‌ره‌ژاو هه‌ورامانی، تێکه‌ڵیت که‌رده‌ بۆ ،مه‌شیۆ پێسه‌و به‌قوو کۆساری، جه دامگاوسه‌یادٚینه هه‌وارگات به‌سته‌ بۆ، مه‌شیۆ یانه‌ودڵیته‌نه‌، پێسه‌ویانه‌وسه‌یادٚی مووزه‌وهه‌ورامانیت که‌رده‌ بۆ .مه‌شیۆ ده‌رسوو ژیوای و ئاوه‌و حێکمه‌ت و ئاوه‌زوو شێعریت جه لاو مه‌کته‌بوو مامۆساسه‌یادٚی جه وه‌ر که‌رده‌ بۆ،مه‌شیۆ کۆڵ نه‌دٚای په‌رێ فام و زانایی جه فێکر و ویرته‌نه بنجه‌ش دابۆره،هەتا بتاوی چه‌نی به‌قوو شاهۆی به سه‌ربه‌زی جه هه‌وارگاو  سه‌یادٚینه ماوات گێرته ‌بۆ، تا فێنکی هه‌واریش جه‌سته و ڕۆحیت شادٚ که‌رۆوه‌. 

مامۆساباقی! بزاندێ ئارگاو زوانه‌که‌یما، ڕۆشن بیه‌ن و هه‌راڵه‌و وه‌هاروو فه‌رهه‌نگیما، ته‌نگیانه و ئاوه‌زوو زاڕۆڵه‌کاو هه‌ورامانی چووزه‌شا دان‌به‌ر  و  جه هه‌ر یاگێ و هه‌وارێ،فێرگه‌و زوان و بیه‌یما مه‌رزیانه‌ره و کۆڵه‌کێو یانه‌یما جه دیمه‌که‌و واته‌کاو شاعێرا و نویسه‌را، پێسه‌و جه‌نابیت ،هێقم و هێقم ته‌ر بیه‌ن.

#هومایون موحه‌ممه‌دنژاد/مانگه‌و پاژه‌ره‌ژوو ۱۳۹۴

#کاکەباقی گیان! ئەژنەویەنم دووربای تەشریفت ئینا نەوەشخانەنە، جە لاو تاقمەو دۆسا و ڕەفێقەکاوە هەواڵت پەرسام ، کرۆنا بەینەکەما دوورتەرش کەردەنەو، ئاواتم ئانەن لەش ساقی و سڵامەتێ بێدێ و بە وەشی و شادٚی گێڵدێوە لاو یانەیتا و دیسان دەنگوو شمشاڵەکەیت وەهارەکەو ئێساڵیما، لاونۆوە و دڵما ڕۆشن کەرۆوە.

#فێنکی_هەوارگاو_سەیادٚوو_هەورامانی(کاکەباقی)

#هومایون_موحەممەدنژاد


برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،پەی سڵامەتی سەیادٚوو هەورامانی دەس بە دوعا لاڵیەمێوە/هومایون موحەممەدنژاد،
نوشته شده در تاریخ جمعه 8 فروردین 1399 توسط همایون محمدنژاد
مووچیاری تاتەی/کتێبوو"گولستانوو سەعدی شیرازی/هۆرگێڵنایەو سەروو زوانی هەورامی:هومایون موحەممەدنژاد


هۆشم مەیو کە جە دەورەو زاڕۆڵەیی، خودٚاپەرەس و شەوبێدٚار بێنێ. 

شەوێوە جە خزمەتوو تاتەیم ـ ڕەحمەتوو خودٚایش سەر بۆ ـ نیشتەبێنێرە و تەماموو شەوێ، چەمێم نەبەستێ و قورئانی وەشەسیا جە پاڵمەنە بێ و تائێفێو دەوروبەرما وتێ بێنێ.

بە تاتەیم واتم: ئی تائێفە ،یۆشا هۆر نمەئێزۆوە و دوێ ڕەکعەتێ نماو ساحبێ بوانا. ئێننە جە وەرموو بێ خەبەری وتێ نێرە ، ماچی نەوتێنێ ، کە مەردێنێ.

واتش: گیانوو تاتەی! تۆیچ ئەگەر وەرمت کەوتەیپۆرە و بووسی،خاستەر ئەچانەین دلێ پۆسوو خەڵکی بووسیرە(پەشتوو سەرەو کەسی قسێ نەکەری ،و غەیبەت نەکەری ).

#بابوو ۲(ئەخلاقوو دەروێشان) گولستانوو سەعدی

#هومایون_موحەممەدنژاد
http://haneberchem.mihanblog.com/post/1906

برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،مووچیاری تاتەی/گولستانوو سەعدی شیرازی/هۆرگێڵنایەو سەروو زوانی هەورامی:هومایون موحەممەدنژاد،
نوشته شده در تاریخ پنجشنبه 7 فروردین 1399 توسط همایون محمدنژاد
نامێ بڕێو جە گیواوە‌کا بە زوانی هەورامی و نامەکێشا بە زوانی فارسی/هومایون  موحەممەدنژاد

دڕیێ هەرانێ،قنگەری=شکرتیغال
خۆژێ،خوژە=سریشم
کنیواڵی،کنیواڵ=ترەوحشی،ترەکوهی
بە‌رزە‌ڵنگ=درمنە هاوسکنختی
وە‌ر‌کە‌مە‌ر= درمنە ایرانی،بومادران کوهی
بۆژانە‌=بومادران
بەنا=زو
خازێ،غازێ=گل شیپوری پاییزی
هەرمە‌ڵی=گل ختمی
هەراڵەبرەمی،قاقڵەبازی =لالەواژگون هورامانی
گوڵ نیشان=مینا چمنی
مێوەمارانێ ،هەنگورەمارانێ=انگورمار
گۆزروانە،گوزروان=گل گاوزبان
گیواوە سە‌ود٘ا=گاوزبان گیلانی
چەق‌چە‌قە=کاسنی
لەولاو=نیلوفر
شۆتیلە=فرفیون
قاقڵی=انجدان رومی
بە‌لە‌ک=شیرین بیان
قانگڵە‌=اسفند‍
گیلاخە=گل آقا
قنگەری=کنگر
کاشمه=گلپر،کرفس کوهی
گەبڵە/بەگڵە= سینەکبکی
گەبڵە/بەگڵە"ی،بژناسمێ/هومایون موحەممەدنژاد (گەبڵە/بەگڵە)بە زوانی هەورامی جە بەشوو ( هەورامانوولهۆنی(ئێران و کوردەسانوو عێراق) و هەورامانوو تەختی)ئی گیواوه کە لاو ئێمەو وریۆ نامێ فارسیەش سینەکبکی و نامێ عێلمیەش Bongardia chrysogonum جه خانوادەو Podophyllaceae 
جە دگاوداریانی هەورامانوو لهۆنی بەشوو ئێرانی نامێش"گۆڵە) و ئەڵبەت جە هەورامانوو ژاوەرۆینە تایبەت جە دەگاوپاڵنگانی بە نامێ "پەلەژەرەژ" مژناسیۆ .
شوتیلێنه =زنگولەگیاە
ڕیواوی =ریواس
بەڕەزا:رازیانە صخرەروی تا قبل از سال ۱۳٨۷ اسم فارسی آن جعفری کوهی ،یا جعفری پرشاخە (جعفری کوهی و جعفری پرشاخەPimpinella affinis بودە از سال ٨۷ بە بعد دکتر مظفریان آن را رازیانه تشخیص دادند باتشکر از آقایان: فهمی سلیمانی نام علمی(Zerauchania aucheri.Boiss
Peucedanum aucheri)و(
Muretia amplifolia
و آقای محفوظ ادوای *************

ئامادٚەکەردەی: #هومایون موحەممەدنژاد 


ادامه مطلب برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،نامێ بڕێو جە گیواوە‌کا بە زوانی هەورامی و نامەکێشا بە زوانی فارسی/هومایون  موحەممەدنژاد،
نوشته شده در تاریخ پنجشنبه 7 فروردین 1399 توسط همایون محمدنژاد
حورمەتو ئازادی قەڵەمی/موحەممەدشەریف عەلی ڕەمایی   

ئازادی قەڵەمی، پا مانای نیەن کە ساحێب قەڵەم کە هەرچیە ئامە دەمشەرە حەواڵەو خەڵکیش کەرۆ و چێروو نامێ ئازادی قەڵەمینە  وێش بشارۆوە . 
جە سنەتی ئەدەبی گۆرانی بە عام و هەورامان بە خاس قەڵەم ،جە خزمەتو ئێنسانیەتینە بیەن تۆ جە ‌هیچ یاگیەوە نمەوینی دلێ ئی ئەدەبیاتینە،بە کەسیە چ دۆس چ دژمەن ، تەوهینیەش پەنە کریا بۆ ئینە نیشانە مەدٚۆ کە ئی خەڵکە چانەیە ئاگاهتەرێنێ ،کە وێشا بە حەق بزانا و باقی ناحەق وێشاخاسو ئەویشان خراو جیا جە وەشەویسی هیچشا نەویەن.ئیسە ئەسڵو مەتڵەبی:
   ئەگەر ئێمە چێویە دڵمانە بۆ وسوالیە،ئەوەپەرسایە یا نقدیە جە کەسیە یامەوزوعیە ،باشتەر ئانەنە ، واچیۆ تا ئینە واچمێ:نەوا کەسیەما چەنە عاجز بۆ وێما زێهنیەتیە خیاڵی وەش کەرمێ.ئارۆ کاریەش سەرئامەن،نویسەندێ هەورامانی ،دوچارو وێ سانسووری بیێنێ ،نەوا ئێدٚ عاجز بۆ نەوا ئەو عاجز بۆ .ئەگەر ئێمە ئیستە فێرو نویسیای نەومێ فێرو تەحلیلی نەومێ چەنی مەتاومێ تەعامڵما چەنی یۆترینی بۆ .
   پەی هیچ کەسی و هیچ باند و دار و دەسیە ،حەسارێ ئەمن نیەن کە نەقدش نەکریۆ یا هەرچی نەزەرەش بۆ ئێتر کەس مەشیۆ هیچ نەواچۆ بە رەعایەتو حورمەتو قەڵەمی،با بتاومێ چەنی یۆترینی دیالۆگ کەرمێ پەی سازناو دنیایە وەشتەرێ .
     جە بارەو ئا کارو پاوەیوە نە ئا برایانە کە لۆگوەکەشا نویستەن، نمایندەوکوردی و جافینێ و نە ئا کەسێ سوالێشا کەردێنێ نمایندەو هەوررامانینێ،بەڵکو ئینە جەماعەتیە کاریەشا کەردەن و ئی پەرسێچە پەی کەسانیەتەر ئامێنە وەروە بە راحەتی و بێ دەڵوەری مەتاو جواو دریۆوە،ئێتر هیچ رەبتیەش بە کوردو گۆرانیوە نیەن مەگەر جافەکان هەمیشە جە سەفەی ئەوەڵو دێفاعە جە زوانو هەورامی و هونەرو هەورامانی ،نەویێنێ،مەگەر هەورامان جە تولو تاریخینە نەویەن خزمەتو ئادٚیشانە .جافو جوانڕۆی،باوانی قەوی گۆرانین .ئیسە چێش قۆمیان کە هەورامی نویسیای  خەتەرەن پەی ئیدٚو ئەوی ئەگەر نویسیای بە زوانیە خەتەر بۆ قسەکەردەیش پەنەش خەتەرەن نویسیای بە هەر زوانیە،یانێ کومەک بە عێلمی بە دانشی جە سەرو گردیوە بە ئێنسانیەتی،ئەگەر کەسیە موخالێفو نویسیای بە هەر زوانیە بۆ ،تەنیا جە ویریە دیکتاتور مەنشانەوە سەرچەمە مەگێرۆ ئێتر ئیسە پەی کەسی جواو نمەدٚۆوە ویر و ئێحتێرام بە یۆی و خزمەتی فەرهەنگی و کومەڵایەتی مەلاکەن نەک تەوەهمو حاشیە بەردەو مەسەلەکان  وات و واچو دیالۆگ و نویسیای ، مەوا بە بایێسو شناسایی و بەرکەوتەو مەوزوعەکا کە خەڵک عەلاقەشا پێدا کەردەن بزانا چێش  بە چێشەن و ئێمە سەرو گردیمانەن کومەک کەرمێ بە نهادینە کەردەو ئازادی قەڵەمی جە چوار چێوەو دۆسایەتی و حورمەت بە یۆترینی و کومەڵگای .

برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،حورمەتو ئازادی قەڵەمی/موحەممەدشەریف عەلی ڕەمایی،
نوشته شده در تاریخ پنجشنبه 7 فروردین 1399 توسط همایون محمدنژاد
کاکەعوسمان هەورامی جە زوانوو کاکەئەکرەم وەلەدبەیگی

‍ دەنگووکاک ئەکرەم وەڵەدبەیگی"ی وەشەویسی جە فایلەسەوتیەنە کە پەی کاکەهومایون موحەممەدنژاد"ی کیاستەنش،جە بارەو فایلەدەنگیەکەیش کە پەی دەنگوو هونەرمەندەی گەورە "مامۆساعوسمان هەورامی" پێشکەش کەردەن


سەرچەمە:دەنگوو کاکەئەکرەم وەلەدبەیگی

کاناڵەو دەگاو کێمنەی

http://s6.picofile.com/file/8392035768/4_6042017811415434703.ogg.html

شیعر : بۆ تیک چونی دەنگی مامۆستا عۆسمان هەورامی

هۆنراوە و دەنگی : ئەکرەم  وەڵەدبەیگی

http://s6.picofile.com/file/8392038026/4_5828087556280944270.mp3.html

برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کاکەعوسمان هەورامی جە زوانوو کاکەئەکرەم وەلەدبەیگی،
دنبالک ها: دەنگووکاک ئەکرەم وەڵەدبەیگی"ی وەشەویسی جە فایلەسەوتیەنە کە پەی کاکەهومایون موحەممەدنژاد"ی کیاستەنش،جە بارەو فایلەدەنگیەکەیش کە پەی دەنگوو هونەرمەندەی گەورە "مامۆساعوسمان هەورامی"، : بۆ تیک چونی دەنگی مامۆستا عۆسمان هەورامی هۆنراوە و دەنگی : ئەکرەم  وەڵەدبەیگی،
نوشته شده در تاریخ چهارشنبه 6 فروردین 1399 توسط همایون محمدنژاد
.: Weblog Themes By Abdollah Habibi :.

تعداد کل صفحات : 419 :: 1 2 3 4 5 6 7 ...