مەریوان و هەورامان


خەیاڵ وێنەی مەل هەر نە  پەروازەن
هەمڕای ئەو خەیاڵ،سەوت و ئاوازەن

خــــونچەی دڵ لانەی خەیاڵانی خاو
مەیان مەویەران  وێنەی  جۆگەی ئاو

دەروون وێنەی دەشت نەحیەی مەریوان
دڵ قەڵای ئەسڵی قــــوللـەی  ئیمامان

جە سەر قــــــەڵاوە خاس تەماشاکە
وەشی جەو وەشتەر،سەد ٘جار حاشاکە

گۆمی زرێبار مەوج  مەد٘ۆ وە هـــەم
وێنەی چەمەی چەم  بێ زیاد٘ و کەم

قاز و مراوی ، لەق لەق  و  ســــۆنە
بەت و ماسا و چین  مەگێڵاش  پۆنە

ئەر پەی تەماشای  ساتێــو  بنیشی
جە سەر تەپەی قەبر وینا دەروێشی

دەشتی مەریوان  چوون  لالەزارەن
لای جـووجەسازی  و کانی  دینارەن

هــــــەردوونژماری ، لاو دەرزیانی
بالک و مـــــــڕگ ، هەتا  شارانی

ناحیــەی جنووب  باوەری  نەزەر
کۆساڵان چەنی  بووک و کاڵیسەر

ڕشتەکۆی بۆڵەند جە دوور دیارەن
کەلی عاشقان، یا مێـــــرگەوارەن

واوەی دەور و بەر قەڵاو وەر قەڵا
قـــەبرووئیمامی داربەلوو و گەڵا

ڕێخـەڵان، چەنی هەر دوێ  کاڵێ
وەیسە و سیاناو چەودیموو  یاڵێ

ولــــــەژێر نزیک بە کەڵکەجانی
نێێ و دۆڵاش،چەنی کانی سانانی

دەرەتفێ وسەردۆش میراجی بەرزەن
بەناوکـــەماولۆ،گــوڵ هــەزارتەرزەن

ئێبراهیم یانێ کابل مەشهوورەن
پیرسەفانزیک،ئـەند٘ەکێو دوورەن

کانی سپی هەتا دەگاوئینگیجەی
تابەردەڕەشە،مەزرەعەو وێنجەی

جە کانی میران  هەتا سەد٘ائاوا
باشماخ، بایـــەوە، نەبیەنۆ  ئاوا

ساوجێ وکیکن و خاو و میرائاوا
تاحەفتـەوانەی لای  جەژنی ئاوا

قــــەڵای قەد٘یمی میرزا میران شا
فەرمان ڕەوای دەور، ساحێب بارەگا

ملەی کۆترکۆژ،بەرزی قـــووچ سوڵتان
سوورێن ڕووبەڕووی ئەسکۆڵ وپیران

کەماجەڕ چەنی مەهدی و عەود٘اڵان
قولەی پیر ڕۆسەم، گۆزەرگای ساڵان

گـــــۆزەڵی و بەد٘هۆ تا قەڵاخانی
جە کەلووتەتەی  تا  تەختووسانی

کەلووگــــــۆڵیجێ،گوڵەچنووری
تەماشاودەشتی پەی شارەزووری

خۆڕخۆڕە و هەیات لای سەڵوەکاوەن
داڵانی وەشتەر، هـــەوارگە و  ئاوەن

لاکــــــەرەلاو وە ڕووی کۆساڵان
ڕووبەڕووی بەند٘ۆڵ،دەربەن دواڵان

ئێــرتێفاعاتی  کوڕی  میانە
بەرزی  هەجمنە، پیازەن ئانە

یاقـــەلەبەردەن هەر جە دوورەوە
وەسڵەن بە  مەرتەع  بلچەسوورەوە

یاحـەسەن بەسەر، یا چلەخانە
مەرتەعی ئەسڵی  چۆڕ و ئاڵمانە

ناحیەی نشکاش، دەری وبلچەسوور
ناوتاقی گـــاڕان دیارەن جە  دوور

مەحاڵی سەرشیو ، هاڵەکـۆکانەن
یا بەردەڕەشە یا  تووەسوورانەن

ئینە من واتم  گرد کۆسارێنێ
جە سەرقــەڵاوە گرد دیارێنێ

مەریوان وەشەن هەر بەو بۆنەوە
بە هـــــەورامان و بە لهـــۆنەوە

گرد برای دینی شان بە شانەوە
ناوچــەی ژاوەرۆ، بە شامیانەوە

خود٘ا نەشێونۆ  ڕۆزگارێ  خاسا
ئیسە وڵاتما بێ دەنگ و باسا

"سەعد"پیرەمەرد، وامەند٘ەی دەوران
بەزوان هەورامی،شاعێری گــــۆران

یاسای قەد٘یمی نەشیەن جە یاد٘م
لیباسی ڕەسەن ئابا و ئەجـــداد٘م

خۆد٘ابۆحافێزکـــــــــۆتایی کەلام
سەڵوات بە ڕەسوول(عەلەیهی سەلام)

#میرزاسەعدوڵڵا  خەدیری



طبقه بندی: فرهنگی و هنری، اجتماعی، ادبیات/شعر، تاریخ، جفرافیا، زوانی هه‌ورامی، شهرها و روستاهای هورامان، تصاویرومناظرطبیعی وتاریخی، میرزاسه‌عدوڵڵا خه‌دیری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،مەریوان و هەورامان:شێعرێوە جە مەرحووم میرزاسەعدوڵڵای خەدیری،
نوشته شده در تاریخ شنبه 23 دی 1396 توسط همایون محمدنژاد
 کەلەبەروو شێعرا(8)
په‌ی مه‌رگوو مامۆساسه‌عدوڵڵا خه‌دیری


داخی  داخانم   پەی  هەورامانی
کۆسێ تەرش کەوت چەنی زمسانی

کتێبخانیەتەر جە بەین شی لوا
زانای تەر پێسەو میرزاخەدیر کوا؟

شەختەی سیا وای ئەجەل ئی جارە
دانی  هەجیجی   کەردەن   وەهارە

هاڕەکەی ئەجەل هەم خۆل وەردەوە
چوون یاران دانەی ئێد٘یچ هەڕدەوە

هەرچەن هونەرمەند٘ مەرگش پەی نیەن
تا ڕووی سەر بێسات واتەش باقیەن

بەڵام داخەکەم  جە دمای مەردەن
 خەڵک تازە زانا خزمەتش کەردەن

#سەیوان ئێبراهیمی(گوازی)


په‌ی مه‌رگوو مامۆساسه‌عدوڵڵا خه‌دیری

مامۆسای وه‌ش زه‌وق، شاعێری وەش زوان
واته‌ی شیرینت ئارامی ڕه‌وان

هەستی ناسک وین، خامەی پەڕ نگین
مایەو سەربەرزی هەم دنیا و هەم دین

بە زوانی شیرین هەورامیانە
شێعرێت گێڵاینێ یانه‌ به‌ یانه‌

به‌ دڵێوی په‌ڕسۆز لاونێنی دڵبه‌ر
تەمەنت بەرد سەر،بە واتەی گەوهەر

فێکر و خیاڵت، هەورامان ماوا
ئاوازه‌و شێعرات، ئەو عالەم یاوا

بوڵبوڵوو تەبعێت، ئارۆ نەواناش
بایەقوش دەنگوو کۆچەکەیت یاوناش

خامەت بێ ناز کەوت، بێ یار و هامدەم
جە دەرد٘ه‌و دووریت مەر بنویسۆ خەم

جە نەبیەیت ئازیز، دڵم بێزار بۆ
یا خودٚا ماواکەت گوڵ و گوڵزار بۆ

شاعێر مەمرۆنە، شێعرێش هەر مەنا
هەتا دنیا هەن، شێعرەکاش وه‌نا

#فه‌رید زاوه‌ری

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، تسلیت ها، میرزاسه‌عدوڵڵا خه‌دیری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(8)په‌ی مه‌رگوو مامۆساسه‌عدوڵڵا خه‌دیری،
نوشته شده در تاریخ شنبه 23 دی 1396 توسط همایون محمدنژاد
هه‌ورامان هانه‌به‌رچه‌م

ژیوانامەو میرزاسەعدوڵڵای خەدیری

 میرزاسەعدوڵڵای خەدیری نامدار بە سەعد هەجیجی کۆڕوو حەبیبەڵڵای شاعێر و شارەزا و ئەدیبی پایەبەرزو  وەڵاتوو هەورامانی، جە ساڵوو 1302 ڕۆجیاری چەنی فێنکایی هامنەهەواروو گاهۆڵوو هەجیجی جە شاهۆی چەمش بە دنیا واز بی . میرزا شۆنەو پەنج ساڵا ژیوایرە چەنی خانەوادەیش ئاوارەو دەگاو کۆلیژو فەقیەکانی بی و نیشتەگاو وێش پەی ماوێو ئاست جیا ، تەمەنش یاوا حەوت ساڵێ ئەد٘اوتاتەو میرزای پەی پەروەرد٘ە کەرد٘ەی ئاد٘ی جە لاو مەڵڵا سەلاحی فەقیەکانی نیاشا وانای . یانەو میرزای ،دماتەر دیسان گێڵەیوە پەی  دەگاوهەجیجی و چاگە بە یارد٘ی و هانی دای ئەد٘او تاتەیش سەنگەروو عێلم و زانایێش چۆڵ نەکەرد٘ و جە شاروو پاوەی و دەگاو ئەسپەرێزی و هەجیجی درێژەش دا بە وانای ئایینی ، ئی زانیارە ڕۆشن ویرە بە داخەو جە تەمەنوو 11سالینە بەختوو سیاوۆ ڕۆزگاری بەرەکە گێرت و بە تەقایوە چاشنی دانەمیتێ پەنجەی چەپش نۆقسان و چەمێوش جە دەسش دان،و ئەپی جۆرە و پی حاڵ و بارەو بە ئەو پەروو غیرەت و سەربەرزیەو ژیوای وێش بەرد٘ەنش سەر ، وهەرپاسە چی بابەتەنە وێش فەرماوۆ :
            "بەد٘بەختی بەختم ئەحواڵ نەپەرسەم            
   نۆقسانی  دەسم  نۆقسانی   دەرسم 
   پەی نۆقسانی وێم   چن دڵم  ئێشا
      هەر پاسە دەسم جە  وەنەی  کێشا" 
یانەو مامۆسای واوەی پەی جارێوتەری جە نیشتەگاو وەشەویسەکەش دەگاو هەجیجی ماڵ ئاوایشا کەرد٘ و پەی هەمیشەی جە دەگاو هانەو حسەین بەگی سەر بە ژاوەرووی نیشتە جا بیێ . میرزا بە پاوو ئانەی دەس و چەمش نۆقسان بیەبێ سنعەتگەریوی ژیر و زانا بێ و جە ڕاو سنعەتوو تەنەکەوەش کەرد٘ەی و کڵاش چنیەیەو ژیوای وێش بە ئەوپەروو شانازیوە بەرد٘ەن سەر و چی بابەتەنە کەمتەر خەم نەبیەن و تاوانش نانی بێ منەت بە دەس بارۆ . ئی شاعێرە پەڕ جە زەوقە شۆنوو ئی گرد چەرمەسەریرە و کێشە جۆراو جۆرەکاو ڕۆزگاری وەرە وەرە گۆشش کاسێ بیێ و ژنیەیچش جە دەس دا ، چی بابەتەنە وێش فەرماوۆ:
"سامێعم خامۆش پای سەفەر لەنگەن"
     مەسافی وەزن   و   قیافەم   تەنگەن"    
بەڵام جە گرد٘ی وەشتەر ، وەشبەختانە جە پاڵوو ئی گرد٘ گیر و گرێفتانە و مەینەتاو ڕۆزگاری، و ئی کارەساتە سەرسڕمەنەی  خود٘ای گەورەی تۆلەوی عالی ئەوە نەبریاش پەنە داوە و بەهرەی گەورەی ناسک خەیاڵی شێعرو شاعێری جە فکرومەژگوو میرزاینە پەروەرد٘ە کەرد٘ ،و ئەچا سەردەمیچنە ، میرزا چڵاکیارە و دەس بە قەڵەم بی زوان و ئەدەبیاتوو هەورامانیچ بە جۆرێو ڕۆ بە کزی گێڵا بێ ،بەڵام ئی ئینسانە بلیمەتە  ئاوەزی بەرزش جووڵیاوە و فاماش بێ خەریکا  ها! زوان و فەرهەنگوو وەڵاتەکەیش بێ بەزەی بێ ناز بیەن و پاییزش ئامان ملەرە و ڕوەش ئارد٘نە پەی وشکەساڵی و خێڵ خانەوو نویسەی و وانای ئەدەبیاتوو هەورامانی کۆسش کەوتەن و دەواروو ناهۆمێدیش هۆر دەینە . چێگەنە شایانوو واتەین، جە کێشەو مەینەتە جۆراوجۆرەکاو دنیا و نەداری و زامداری و لاشە نۆقسانی  کڕو کاسی بە یەکجار نەتاواشا وەروو زەوقی شێعری و هەست و باوڕ و میرزای گێرۆ ، رۆح و دڵش وەقرەش نەگێرت ،غیرەتی هەورامیانەش جماوە کەمەروو هێمەتیش بەسە نەمانە قەلەموو زانایی و ئاڵایەو نویسەی و زانایی و شارەزای وەڵاتەکەیش بەرزە کەرد٘ەو، ئی ئەدیبە نامدارە پەی خزمەت کەرد٘ەی پەی زوان و فەرهنگیش کەمتەر خەمیش بە خەرج نەد٘ان و وەشی و شاد٘ی و تەمەنوو ژیوای وێش هەراج کەرد٘ەن و تاوانش بە ئەوپەڕوو ئاوەزی و ناسک خیاڵی شاعێرانەش سرۆشتە رەنگینەکەو هەورامانی کەش و کۆ و کەمەر دەشت و دەر و سارا رازنۆوە و بە لاونایەو  ڕازنایوە میرو مەڵڵا ،شێخ و مەشایێخ ، گەورەو ورد٘ی ،قەوم ،کەس ،رەفێق و دۆس بە زوانی پاراوش وزۆ سەروو قەڵەموو خامەکەیش .میرزا بە ویری هۆشیارانەش چن جۆر شێعرێ پێسەو  غەزەڵێ ، قەسیدێ ، مەسنەویێ ، چوار خشتیێ ،شێعر مەتەڵیێ و بێ نۆختێ و پێچەوانێ بە یەرێ زوانێ: هەورامی، سۆرانی و فارسی تاوانش بنویسۆ و ئی هەرمانە گەورێ بیێ  هۆ ئانەی کە ژیوایە تازە وزۆنە دلوو رۆح و گیانوو ئەدەبیاتوو وەڵاتەکەیش کە هەمیشەی پێسەو هەدیە و سەوقات و یادگاری ئەوە نەبریا جە مەیدانوو شێعرو فەرهەنگوو ئەدەبوو کوردەوارینە بە تایبەت هەورامان، ماندگار مانۆوە، و پەی گلێرەو کەرد٘ەی شێعرەکا کاکەجەمیل فارۆقی هەرمان و زەحمەتی فرەش کێشتەن. میرزا،دماو۹٤ساڵ ژیوای،جە ڕۆجومعەی دنیای فانیێش ئاست جیا و جە شاروو مەریوانی کوچی هەتاهەتایش کەرد٘ ، پەی فەوتوو میرزای ناسک خیاڵی سەروەشی وێما ئاراستەو  یانە و خانەوادەیش جە دەگاوهەجیج و کانی حسەین بەگ و گرد٘وو خەڵکووهەورامانی و مەریوانی ، عەرز کەرمێ، ئاواتما ئانەن خود٘ای تاقانە بە ڕەحموووێش بەخشۆش و ماواش بەهەشتی بەرین بۆ.
هۆمێد٘وارێنمێ! ویری بەرزش و خەیاڵی پەڕ جە ئاوەزش فەرامۆش نەکەرمێ و گرد٘ وەخت و هەمێشە جە دڵمانە زیند٘ە بۆ .

#نویسەر :جەزا کامران (ادوایی)
#ویراستار:هومایون موحەممەدنژاد


ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، جه‌زا کامران(ئه‌دوای)، میرزاسه‌عدوڵڵا خه‌دیری،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،ژیوانامەو میرزاسەعدوڵڵای خەدیری(زندگی نامە میرزاسعداللە خدیری)،
نوشته شده در تاریخ شنبه 23 دی 1396 توسط همایون محمدنژاد
هه‌ورامان هانه‌به‌رچه‌م
یانەو ئەنجۆمەنوو بێسارانی هه‌ورامانی (یاهۆر) بۆنەو ساڵیادوو کاکەموحەممەد مستەفازادەی وێرەگانە غەزەڵێوە بەرۆ ڕاوە

 ‍ بە پاو هه‌واڵووکاکهئێحسان کەرەمێ یۆ جه ئه‌ندامه‌کاو یانەو ئەنجۆمەنوو بێسارانی هه‌ورامانی په‌ی'هه‌ورامان هانه‌به‌رچه‌م'ی:یانەو فەرهەنگ و ئەدەبوو بێسارانی هەورامانی جە درێژەو هەرمانە ئەدەبیەکاشەنە،بۆنەو ساڵیادوو کاک موحەممەد مستەفازادەی یۆ جە نویسەرەکاو هەورامانی وێرەگانە غەزەڵێوە بەرۆ ڕاوە.
مەریوان:فەرهەنگسەراـ۲٦ئارگاو۱۳۹٦ـ ساعەتوو۳:۳۰هەتا٦دمانیمەڕۆی


‍ ‍ دەسوەشی جە کاکەئێحسان کەرەمێ  پەی کیاستەو هەواڵەکەی

هه‌ورامان هانه‌به‌رچه‌م
یانه‌و فه‌رهه‌نگ وئه‌ده‌بو بێسارانی هۆرامانی(یاهۆر)
انجمن فرهنگی ادبی بیسارانی هورامان



طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، ئەنجومەنووبێسارانى(یاهۆر) ، موحەممەد مسته‌فازاده،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،یانەو ئەنجۆمەنوو بێسارانی هه‌ورامانی (یاهۆر) بۆنەو ساڵیادوو کاک موحەممەد مستەفازادەی وێرەگانە غەزەڵێوە بەرۆ ڕاوە،
نوشته شده در تاریخ چهارشنبه 20 دی 1396 توسط همایون محمدنژاد
(خەزێنەی کولتووری هەورامان)کاکەهومایون موحەممەدنژاد:شێعرێوە جە کاکەساسان مۆنفەرێد (بێ وەر)


مه‌ریوانه‌که‌مان

(خەزێنەی کولتووری هەورامان)
کاک هومایون موحەممەدنژاد!

شاخی بەرزی بیروبڕوا
هەتاوی سەرکەلی هیوا
ڕووباری پڕخرۆشی حەز
گوڵخانەی فەرهەنگ و ئەدەب
خەمەوەرەی هەورامانم
ڕۆح وگیانم
پێشوای کاروانی خزمەت
شاوشەی شێعری زمانم
دڵسۆز،فەرهەنگ نیشتمانم
من نازانم 
هەڵسی هەڵاڵەی کام شێعرم؟
بەرامەی کام چڵە هەزبیم
مەستت دەکا؟
بەشنەبای کام هەڵبەستم
ئارەقەی دڵت بسڕم؟
بەڵام هاوڕێم دڵنیابە
لەهەرکوێ بم
بەرەو لووتکەی خۆشتەویستیت
بە دڵ دەفڕم
ڕێبازە پیرۆزەکەی تۆ
بە قەڵەمێ پیرۆز دەبڕم
بۆ بەرزی ناوی هەورامان
سیاچەمانەی ئەڤینم
بە چەندوشەی سانا دەچڕم
وەک ئاگری ئاتەشگای شێعر
لەدڵ منداڵێ ڕەش وڕووت
هەردەم دەگڕم
ملوانکەیەک لە شێعری تۆ
تاهەتایە
بۆ گەردنی
خەزاڵە کاڵە کەم دەکڕم.
          
#ساسان مۆنفەرێد (بێ وەر)

18ی بەفرانباری 2717ی کوردی
پێشکەش بە شاتەواری چیای فەرهەنگی هەورامان..کاکە هومایونی موحەممەدنژاد



طبقه بندی: فرهنگی و هنری، اجتماعی، ادبیات/شعر، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،(خەزێنەی کولتووری هەورامان)کاکەهومایون موحەممەدنژاد: شێعرێوە جە کاکەساسان مۆنفەرێد (بێ وەر)،
دنبالک ها: قەڵەموو هەورامانی،
نوشته شده در تاریخ دوشنبه 18 دی 1396 توسط همایون محمدنژاد
بە گۆچانوو خەموو بروات هەزاران بار خەمێم ڕەمنێ
بە ئیشارەو چەمات ئازیز فراوان جار  چەمێم چەمنێ

بە گیانت  قامەتم  ئارۆ  مدٚۆ   تانە  خەموو  بروات
کە گۆچانوو شوانەین ،  تووڵە پێشێما بە خەم نەمنێ


#عەباس غەریبی

هه‌ورامان هانه‌به‌رچه‌م



طبقه بندی: فرهنگی و هنری، ادبیات/شعر، زوانی هه‌ورامی، عەباس غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،شێعرێوە جه کاکه عەباس غریبی،
نوشته شده در تاریخ یکشنبه 17 دی 1396 توسط همایون محمدنژاد
.: Weblog Themes By Abdollah Habibi :.

تعداد کل صفحات : 262 :: 1 2 3 4 5 6 7 ...