هۆرامان هانه‌به‌رچه‌م

وه‌شڵه‌ی به‌ ئه‌وسای !:ئیبراهیم شه‌مس

وه‌شڵه‌ی به‌ ئه‌وسای!وه‌ختێو یۆ تووڕه‌ بێ،یا جه‌نگێو کریایا،فه‌قه‌ت وه‌سێبێ گه‌وره‌ته‌رێو ، ڕیش چه‌رمێو ئامایا دلێ جه‌نگه‌که‌ی و واتایاش:ئارام به‌ سه‌ڵواتێوه‌ کیانه‌.ئاوه‌خته‌ گرذ به‌ حورمه‌توو گه‌وره‌ته‌ره‌که‌ی سه‌ڵواتێوه‌ کیانێنێ و ئارامێ بێنێوه‌.ئه‌گه‌ریچ دوه‌ ته‌ره‌فوو جه‌نگه‌که‌ی فاسڵه‌وعه‌مریشا فره‌ بیایا،به‌ مه‌حزوو ئانیه‌ یۆی واته‌یاش:تۆ گولاله‌ته‌ره‌نی حرمه‌توو سنعیش گێره‌،گولاله‌که‌ ئارام بێوه‌ و جه‌نگ ته‌مامیێ.حه‌ر پی ساذه‌یه‌.بۆناخاتره‌و ئینه‌یه‌ بێ که‌ فره‌ که‌م شایێذێ جه‌نگ و مه‌رافێعه‌ی بێنمێ و ئه‌گه‌ریچ جه‌نگێو کریایا فره‌ زوو ته‌مامیێ.

ئانه‌ که‌ ماچوو ئه‌وسا،مه‌به‌ستم قاڕنێو چه‌یوه‌ڵته‌ر نیا.قه‌زیێ هینه‌و ویس سی ساڵێ چه‌‌ی وه‌ڵته‌ریه‌نه‌.به‌ڵام ئیسه‌ وه‌زعه‌ فاڕیه‌ینه‌.ئێمه‌ گرذه‌روێ شایێذێ دگل‌دگل و ده‌مه‌ن به‌عاشوو خه‌ڵکیه‌نمێ.ئێختلافاتێو که‌ ڕه‌نگا ته‌مام بێ ده‌لیل و سه‌روو هیچی بۆ.ئه‌گه‌ر دوه‌ ته‌ره‌ف له‌حزێو ویر که‌راوه‌، مزانا ئی گێچه‌ڵه‌ گولالێ هه‌میه‌توو تووڕه‌یی گه‌وره‌ی چێمنه‌یشه‌ نه‌بیه‌ن.



ادامه مطلب

طبقه بندی: فرهنگی و هنری، اجتماعی، تاریخ، ادبیات/شعر، جفرافیا، مدیریت وبلاگ، ئێبراهیم شه‌مس،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،سه‌فه‌ره‌کێ گالیوێری،همایون محمدنژاد،سفرهای گالیوربه هورامی،وه‌شڵه‌ی به‌ ئه‌وسای !:ئیبراهیم شه‌مس،
نوشته شده در تاریخ شنبه 15 آذر 1393 توسط همایون محمدنژاد
                                                                                                                                                                                                                                                                                                           
هورامان هانه به رچه م
    
هه‌وه‌ره ترێشقه
:کوورش یوسفی(ئاریا)   

کناچه‌گۆلالێۆه‌ گرد ڕۆێۆ به‌ په‌ێ لوێ په‌ی فێرگه‌ی.ئا ساحبانه‌ هه‌وا وه‌ش نه‌بێ،هه‌وای ئاسمانشا پۆژنابێره‌،ئاسمان دابێش پێۆه‌ره‌.پێسه‌و جارا کناچڵه‌کێ کۆته‌ ڕا.نیمه‌رۆ دما هه‌وا خه‌رابیا،هه‌ورێ نزیکێ زه‌مینی بیۆه‌،بی به‌ گه‌رده‌لوول، هه‌وره‌ترێشقا ده‌سشا که‌رد به‌ گرمنای.ئه‌داو کناچه‌کێ وڕکه‌ش بێ،ئاخۆ کناچه‌کێش وه‌ختێۆ مه‌ێۆه‌،جه‌ گه‌رده‌لووله‌که‌ی یا هه‌وره‌ترێشقا نه‌ته‌رسۆ.بڕیارش دا به‌ ماشین  بلۆ شۆنۆ کناچه‌کێش.

به‌ گرمه‌گرمۆ هه‌وره‌ترێشقه‌ی و به‌ دیه‌ی نووره‌که‌یش پێسه‌و خه‌نجه‌رێ ئاسمانی که‌رێ دۆێ لتێ.به‌ په‌له‌ سوواروو  ماشینه‌که‌یش بیه‌و کۆته‌ ڕا په‌ی فێرگه‌و کناچه‌کێش.به‌ینۆ ڕه‌ینه‌ چه‌مش که‌ۆت به‌  کناچه‌کیش،پێسه‌و جارا ڕوه‌ و یانه‌ ئێ. به‌ڵام هه‌ر نوورێۆ گنێ و هه‌ورێۆ گرمنێ،کناچڵه‌کێ کۆچێۆ مدرێۆ،ته‌ماشێۆ ئاسمانی که‌رێۆ زه‌رده‌ خوێۆ که‌رێ.ئی کرده‌ۆه‌ چنی هه‌رکه‌ڕه‌تێۆی هه‌وره‌ترێشقه‌ گنێ دووباره‌ش که‌رێوه‌.وه‌ختێۆ یاوا لاو کناچه‌کێش په‌رساش چێش که‌ری؟چی گورج  نمه‌ی ڕانه‌،بینۆ ڕێنه‌ چی مدری و خوینه؟کناچه‌کێ واتش:خوا گۆڕاوگۆر عه‌کسێم  گێرێ،گه‌ره‌کم بێ  ڕوومه‌ته‌م  وه‌شڵێ گنۆ وه‌رۆ چه‌ماش.

   ئی بابه‌ته‌ جه‌ فارسیۆه  هۆرگێڵیانه‌و  به‌ هۆرامی




طبقه بندی: فرهنگی و هنری، اجتماعی، تاریخ، ادبیات/شعر، کۆڵه‌داستانه‌و هه‌‌ورامی، کوورش یوسفی(ئاریا)،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،سه‌فه‌ره‌کێ گالیوێری،همایون محمدنژاد،سفرهای گالیوربه هورامی،هه‌وه‌ره ترێشقه،کوورش یوسفی(ئاریا)،
نوشته شده در تاریخ پنجشنبه 13 آذر 1393 توسط همایون محمدنژاد

کۆچۆ خاتوو نازیمه ڕه‌زایی  ژه‌نوو مه‌رحوموو ‌عابێد کیانی

(فوت خانم نازیمه رضایی همسرمرحوم عابد کیانی)

1393/9/11تاریخ انتشارخبر

به‌داخۆ ئاگاداربیه‌یمێ

 خاتوو نازیمه ڕه‌زایی ژه‌نوو مه‌رحوموو ‌عابێد کیانی

خه‌ڵکو ده‌گاو زاوه‌ری

نیشته‌ره‌و شاروو
پاوه‌ی

جه ڕۆ
یه‌ره‌شه‌مه‌ی ڕاکه‌وتوو-1393/9/11

به بۆنه‌و نه‌وه‌شی دنیای فانیش ئاسته جیا.

په‌لیانۆهۆرامان هانه‌به‌رچه‌می

 پی بۆنۆ به ئه‌رکۆ وێش زانۆ سه‌ره‌وه‌شی جه یانه‌وێشا که‌روو

ئاواتمائانه‌ن خۆای بێ هامتا سه‌بووری یانه‌وه‌یا دۆوه.

یاگێو په‌رسه‌ی:

مه‌ریوان:گه‌ره‌که‌وموسک2-مزگی مه‌وله‌وی

  ڕۆ:
جمعه‌ی- 1393/9/14
 
وه‌خت :2تا4دمانیمه روی

په‌ی هاگاداری:په‌رسه‌و ژه‌نا جه یانه‌و حاجی ن
ه‌زیف ڕه‌زایی ملۆ ڕاوه.

.......................................................................

بااندوه مطلع شدیم

 خانم نازیمه رضایی همسر ‌‌مرحوم عابد کیانی

اهل روستای دزآور

ساکن شهرپاوه

براثربیماری درروز سه شنبه به تاریخ -1393/9/11

موجب تألم وتأثر گردید.

وبـــــلاگ(هورامان هانه‌به‌رچه‌م)

این ضایعه تأسف انگیزرابه خانواده محترمشان تسلیت عرض می نماییم

امیدآن داریم که خداوندیگانه برای بازماندگانش،صبرجزیل عطافرماید.

مکان  تعزیه:

مریوان:محله موسک 2-مسجد مولوی

 روز: جمعه - 1393/9/14

زمان :2تا4عصر

توجه:

درضمن ختم زنانه درمنزل آقای حاج نظیف رضایی برگزارمی شود.



طبقه بندی: ده‌گاو زاوه‌ری/روستای دز‌آور،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،سه‌فه‌ره‌کێ گالیوێری،همایون محمدنژاد،سفرهای گالیوربه هورامی،
نوشته شده در تاریخ سه شنبه 11 آذر 1393 توسط همایون محمدنژاد

هه‌ورامان هانه‌به‌رچه‌م

ئه‌ذای غیرتی و لالۆی قه‌وم دوس:کاکه محه‌مه‌دغه‌ریب مه‌عازی‌نژاد

                                                                                                                                        

-ئه‌ذاگیان!ئی ده‌فته‌رچێو قستوو بانکیه‌ پچی چێنه‌ که‌وتێنێره‌؟      

-مه‌لێحێ ڕۆڵه‌ نمه‌زانی ئی برجه‌ نمیاوو پۆره‌ قسته‌کانمان بذه‌ونه‌؟ئینه‌یچه‌ لێباس ئه‌سه‌و تۆ و پووڵ خه‌رج که‌رده‌و ئه‌ویچێ.که‌س نمه‌زانۆ چێشش په‌نه‌ مه‌که‌رۆ .

مه‌لێحێ قسێش ئه‌وردێ سه‌روو قسانه‌ره‌ و ماچۆ:

چ وه‌ختوو گزی داین ده‌یخۆ خه‌فێ بیێمێ.

سه‌ماوه‌ریچ چه‌ولاوه‌ هه‌ر قۆڵته‌ش مه‌ی وه‌خته‌ن بته‌قۆوه‌.

دماو چن ده‌یێقێ مه‌لێحێ که‌ردشه‌و جواو و ماچۆ:  

ئه‌ذا!نزیکوو یه‌رێ مانگێن سه‌ره‌م مێشۆ نمه‌زانوو چێش که‌روو دڵم به‌ دنیای وه‌ش نیه‌ن ماچی ته‌خته‌و سه‌روو ئاوێنان هیچ مه‌به‌ست و ئاره‌زوێوم نیه‌ن به‌ خوذا وه‌خته‌ن شێته‌ بوو ده‌ی دڵم به‌ چێشی وه‌ش بۆ ؟ به‌ ده‌رس وه‌نه‌یم یا به‌ کاره‌ ده‌وڵه‌تیه‌که‌یم ؟

-ڕۆڵه‌گیان!خه‌فه‌ت موه‌ره‌ بۆ سۆحانه‌که‌یت بوه‌ره‌.

-تۆخوذا مه‌گه‌ر ئیسه‌ وه‌ختوو سۆحانه‌ وارده‌یه‌ن؟ئی‌ یانه‌و ئێمه‌ که‌س نمه‌زانۆ شه‌وه‌نه‌ یا ڕۆن.جه‌ ڕوێوه‌ ئی یانه‌و واریمانه‌ کریاوه‌،دنیامان وه‌نه‌ تاریکه‌ بیێنه‌.خوذا په‌یت نه‌سازۆ ده‌ی با یه‌رێ ته‌به‌قێت که‌ردێبیاوه‌ به‌رده‌نت تا ئاسمان حه‌فت ته‌به‌قێت دان وه‌نه‌ یانه‌و مه‌ردمیت که‌رده‌ن وێرانه‌ و مانگێو ده‌ ملیۆنێ کرها مه‌سانی.به‌ خوذا ماچی شه‌وه‌زه‌نگه‌نه‌.ئه‌ها چه‌نی ڕه‌نگه‌م زه‌رده‌ بیێنه‌؟ئه‌ی خوذا جه‌ دنیای ڕۆشنه‌نه‌ یانه‌مان بیه‌ن به‌ زیندان خۆ شه‌هرداری ماچی گۆشێ گاوێنه‌ وته‌ن .

-ڕۆڵه‌گیان!پێسه‌ که‌ری به‌ وێت نمه‌مانی لاوه‌ره‌ بۆ چایه‌که‌ت بوه‌ره‌.

-ئه‌ذا گیان!کێ ئا په‌نیرێ مه‌وه‌رۆ ڕه‌قه‌ بیێنه‌ بنه‌و مقه‌واکێره‌.خۆ سۆحانه‌که‌و یانه‌و ئا ڕه‌فێقیمه‌ نیه‌ن؟!.

ئه‌ذایچ هه‌ر مه‌ذیۆ په‌ی کناچه‌کێش و قۆریه‌کێش گێرتێنه‌ ده‌س و مه‌ذیۆ په‌ی کناچه‌کێش بزانۆ چێش ماچۆ:

باشه‌ن ئه‌ذا بۆنه‌و تۆوه‌ مه‌وه‌روو ئه‌ذاگیان هه‌ر تۆ عاجزه‌ نه‌وی.ده‌ی ڕاسی ئه‌ذا زمسانێ چێش که‌رمێ ده‌یخۆ ڕه‌قێ مه‌ویمه‌ی هیچ وه‌ره‌تاو نمه‌ی چوه‌ری ماچی تاریکخانه‌و عه‌کاسی و چێویه‌ن.

-ده‌ی ڕۆڵه‌ ده‌سته‌و په‌نه‌ که‌رد نمه‌وزه‌شه‌و یاذم.تاریکه‌ن،تاریکه‌ن!کوره‌ تاریکه‌ن به‌ توون.تاریکه‌ن به‌ فینناره‌ سه‌قه‌ت.ده‌ی ئه‌من چێشم چه‌نه‌ مه‌ی خوذا حه‌قه‌مان چانه‌یه‌ پسانۆ پێسه‌شه‌ په‌نه‌ که‌ردیمێ.ڕۆڵه‌گیان بازه‌مان به‌ به‌ذبه‌ختی وێمانه‌و.ئینه‌ نه‌غمه‌و مه‌سته‌راوه‌که‌ی گیریان ئانه‌یچه‌ قستێ ئی برجیه‌نێ نه‌دریه‌ینێ. به‌شکم ئینه‌ خوان ئا ‌کوڕه‌ ئامان داوات په‌شیمانه‌و نه‌وۆ و شوێوه‌ که‌رینه‌ نه‌جاتت بۆ چی تاریکخانه‌یه‌.

سه‌عات ده‌وروو دوانزه‌و نیمه‌ڕۆیه‌ن و بۆ ته‌ماتێ سووره‌وکریای پیچیه‌ینێ دلێ یانه‌ی و ئه‌ذای فه‌قیره‌ دماو ئا ناڕه‌حه‌تی کناچه‌کێش،لوه‌ینه‌ چیرخان ته‌شتێوه‌ نانه‌یچش که‌ردێنه‌ و نانوو نیمه‌ڕۆیچش یاونه‌ینه‌ په‌نه‌ و دیسان پێسه‌و جارانی کوڕی گه‌وره‌و یانه‌ی هۆرنه‌ێزان.

-ئا مه‌لێحێ ڕۆڵه‌ بزانه‌ جه‌نابوو قاسمی هۆرنه‌یزان؟

-به‌ خوذا ئه‌ذا من وه‌شم نمه‌ی هه‌ر بلوو دلێ ئۆتاقه‌کێش بۆ هه‌ری تۆپه‌ێ مه‌ذۆ.شه‌وێ وه‌ختێو مووسۆ، گۆره‌وێش نمه‌شۆرۆ.هیزی شه‌وێ سه‌عات دوێ نیمه‌ شه‌وی ئامه‌نۆ.ئینه‌ قلیان و دووکه‌ڵ مه‌کێشۆ.چیروو به‌ره‌کێره‌ نمه‌وینی چه‌نی بۆش مه‌ی به‌ر؟

:کناچێ!که‌م قسێ که‌ره‌ ده‌نگمان مه‌ژنه‌وۆ مه‌ی مه‌خنیکنۆمان هۆرزه‌ خه‌وه‌رشه‌و که‌ره‌.

مه‌لێحێ دوێ ده‌نگێ چڕیش:

قاسم هه‌و قاسم!بۆ نانۆ نیمه‌ڕۆی بوه‌ره‌.

قاسم ئێننه‌ جگه‌رێش کێشتێبێنێ ده‌نگش نووسیا بێ.وه‌ختێوه‌ جواو دێوه‌ واچێشی نه‌ها لێ قرۆڵوو وه‌زێنه‌.به‌ ده‌نگی گپ و گیریاش و قفه‌ قفه‌،به‌ لار و له‌نجه‌وه‌ ئاما به‌ر:

-ئه‌رێ ئه‌ذا سه‌عات چننه‌ن ده‌ی خۆ نیمه‌ شه‌وه‌ن ئیسه‌ ئه‌منت چڕیێنان په‌ی سۆحانه‌ وارده‌ی.

-کوره‌ هه‌تیم نیمه‌ڕۆن سه‌عات دوانزه‌ن.

قاسم قژێش دژێ بیێبێنێ و بێ ئینه‌یه‌ ده‌س و پلش بشۆرۆ،ئاما سه‌روو سفره‌ی ده‌سش که‌رد به‌ نان وارده‌ی. مه‌لێحێ چیره‌نه‌ مه‌ذیۆ په‌ی برایش مه‌ذیۆوه‌ په‌ی ئه‌ذایش زاتش نیه‌ن هیچ بواچۆ نه‌کا ته‌ماته‌کان که‌رۆ سه‌ره‌شه‌ره‌.قه‌یرێش واردێ و ماچۆ:

ئه‌ذا به‌ خوذا وه‌شێنێ خاست سووره‌و که‌ردێنێ ده‌ست وه‌ش بۆ به‌ خوذا ماچی مانگێوه‌ن هیچم نه‌وارده‌ن.

-ڕۆڵه‌گیان نووشوو گیانیت بۆ به‌شکم ئارۆ ئا کاروو حه‌وشێمانه‌ په‌ی که‌ری.نه‌غمه‌که‌مان گیریان ئاوه‌کێش نمه‌لۆ به‌ر دنیا بۆی هۆر گێرتێنه‌.

ئه‌ذا هه‌ر ئینه‌شه‌ وات واچێشی گه‌نمه‌و سه‌روو ساجیه‌نه‌ هۆر ئاما و که‌وته‌ره‌ ماچۆ:

په‌من چێش کارێگه‌رش په‌ی گێره‌ بازه‌م به‌ذبه‌ختی وێمه‌و.

-ڕۆڵه‌گیان ته‌رێقه‌و به‌ خه‌جاڵه‌ت کێشه‌ زل بیه‌نی دانژگایچت ته‌مام که‌ردێنه‌ چی زلته‌ر نمه‌وی هۆرزه‌ ئانه‌ زه‌نگه‌نه‌که‌ن لێ چیرخانیه‌نه‌ ئه‌منیچ یاریت مه‌ذه‌ونه‌.

-دانژگا دانژگاو چێشیته‌نه‌؟مه‌وزه‌شه‌و یاذم زیڵیم مه‌شیویۆوه‌ چی قسانه‌.

مه‌لێحێ ده‌موو ئه‌ذایشه‌و ئه‌سه‌ش ماچۆ:

ده‌ی هازیش نه‌هاچه‌نه‌؟ده‌ی با هه‌ر جوان بۆ!ئێننه‌ سیگارێش کێشتێنێ حێڕه‌و سینه‌یش مه‌ی.ڕه‌فێقێ ئاذی خه‌ریکێنێ جه‌ سه‌ده‌نه‌ پووڵ به‌ر مه‌وران کار که‌رده‌ی غیره‌تش گه‌ره‌که‌ن.

ئه‌ذاش دیسان ناڕه‌حه‌ته‌ بیه‌ و ماچۆ:

به‌شکم بابه‌تان قه‌وره‌نه‌ به‌یوه‌ وه‌شش که‌رۆ!ئه‌ی خوذا مه‌شیایا منت وه‌ڵێ ئاذی کوشتێبیایا.وه‌ز نه‌وێ دوێ قرانێ حقۆقیچش په‌ی ئاسیمێ جیا مه‌شیا لێ به‌رانه‌نه‌ گه‌ذاییم که‌ردێبیا.

قاسم وێش که‌رد نابه‌ڵه‌ذ نیمه‌ولت نانه‌کێش وارده‌ و که‌وت بۆڵه‌بۆڵ سیگارێوش گیسنانه‌ و دووکه‌ڵه‌که‌ش پێچیا و چه‌م چه‌می نه‌وینێ.ماچۆ:

ئه‌ذا!پووڵم گه‌ره‌که‌ن ئی قسێ قرانێوه‌ نمه‌ئێژان پووڵم په‌ی په‌یذا مه‌که‌ری یا دنیای مه‌وروو واری.ئیسه‌ گه‌ره‌کشه‌ن وێم بنیه‌و دلێ فازڵاوی.وێت گه‌ره‌کت نیه‌ن.خوذا خوذات بۆ به‌رت نه‌که‌روو.په‌رسانم جه‌ ڕفێقانم ماچان مه‌تاوی یانه‌کان به‌ مه‌یلوو وێت بوڕیشی.خۆ وێت ڕه‌فێقانم مه‌وینی چێش سوارێ مه‌وان!ئه‌منیچ ئینه‌ وه‌زع و حاڵمه‌ن.

ئه‌ذای فه‌قیره‌ هیچش په‌ی نه‌مه‌نه‌بێوه‌.ئی وه‌زعێ بیێبێ هه‌رچی ڕوێ بێنێ یانه‌شان ئاژاوێ و جه‌نگ بێ. سنعش په‌نجانه‌ ویه‌رده‌ بێ واچیشی ژه‌نی هه‌شتا ساڵێنه‌.سه‌ره‌ش ته‌مام چه‌نی خه‌فه‌توو زه‌رۆکان چه‌رمه‌ بیه‌بێ.کوڵ‌جارێوه‌ گنێوه‌ یاذوو ئه‌وسای شوه‌که‌یش.وه‌ختێ نه‌مه‌رده‌بێ نامه‌یبێنێ دلێ شاری وه‌ختێوه‌ ده‌گه‌یوه‌نه‌ مۆعه‌لێمێ بیێبێنێ چننه‌ وه‌ششا په‌نه‌ بیه‌رده‌بێ.زه‌ورۆ‌کێش هێشته‌ی گولالێ بێنێ و قاسم تازه‌ کواوپانتۆڵمان که‌رده‌یێ وه‌رش و خرپه‌خرپ لوێ ڕانه‌ و وه‌ختێوه‌ تماشه‌ش که‌رێنێ واچیشی خوذا دنیام په‌نه‌ مه‌ذۆ و هیچ خه‌مێوم نه‌وێ.به‌ڵام ئیسه‌ هه‌ر ئا قاسمه‌ بیه‌ن به‌ ئیزرائیڵ و که‌وته‌ن گیانمان.ئه‌ی خوذا ئیسه‌ چێش که‌روو پووڵه‌که‌یچ نمیاوۆ په‌نه‌ تا ئی چێویه‌ مه‌سانی، ئه‌و ته‌مام مه‌وۆ.خۆ په‌روو له‌مه‌و وێچمان چێویچ نموه‌رمێ چه‌ولاوه‌ كووڕیچ ماشینش چه‌نه‌ گه‌ره‌که‌نان بۆ ئینه‌یه‌ وه‌ش که‌ره‌.

هه‌ر چننه‌ مه‌لێحێ ئاره‌زوێ فرێش بێنێ،به‌ڵام په‌ی ئینه‌یه‌ ئه‌ذاش فره‌ ناڕه‌حه‌ته‌ نه‌وۆ،ئاره‌زوه‌کێش که‌مێ که‌ردێبێنێوه‌.واچێ ئه‌ذام هه‌ر وه‌رگه‌و قرم و قاڵوو ئابروو به‌رده‌و قاسمی مه‌گێرۆ .

وه‌زعۆ یانه‌یشان هه‌ر پێسه‌و جارانی گۆزه‌ریێ و هامسا یانه‌کێ ئێتر عاده‌تشان که‌رده‌بێ به‌ وه‌زعه‌کێ هیچ شه‌وێوه‌ نه‌وێ شیشێوه‌ نه‌مێڕیۆ .هه‌ر وه‌ختێو فره‌ قینیش که‌ردێبیایا سه‌روو بانیه‌و دیشوو ماهواره‌که‌ی فڕه‌ دێ واری واچێشی ئا مه‌حه‌لێ بمباران کریه‌ینه‌.ئینه‌ ئابرووریزیش بار نه‌وردێبێ ئه‌ذاش به‌ته‌مامی هه‌راسانه‌ بیێبێ. له‌و خوذایه‌وه‌ ئاره‌زوو مه‌رگی که‌رێ.

شه‌وێوه‌ ماچۆ به‌ زه‌ورۆکانش:

ڕۆله‌گیان با سه‌وای بلمێوه‌ په‌ی یانه‌و لالۆیتان چننه‌ رۆێ جه‌ ده‌گانه‌ بیمێ به‌شکه‌م هه‌ناره‌کانیچ بچنمێ و قه‌یرێ ئازووقه‌و پایێزی پسانمێ.

قاسم نامێ پووڵی بریا وه‌شیش که‌وته‌نه‌ و قوته‌و بی.دڵوو وێشه‌نه‌ ماچۆ به‌ خوذا دوێ گره‌مێش په‌نه‌ مه‌سانوو. ئه‌ذا ماچۆ:

به‌شکه‌م په‌نه‌تان وه‌ش بویه‌رۆ بلمێوه‌ چه‌ممان مه‌گنۆ قه‌وم و ڕه‌فێقه‌کانمان و هه‌وایوه‌ تازێ مه‌که‌رمێوه‌.

سۆحی زوو که‌تێ ڕا و کوڕ سه‌ره‌ش ساف که‌رده‌ن و کناچێ مانتۆ شه‌رواڵش که‌رده‌نه‌نه‌ و ئه‌ذایچ مه‌ذیۆ سه‌ر و سیپاڵوو زه‌ورۆکانشه‌ره‌ ڕوه‌ش نیه‌نه‌ چه‌نیشان بلۆ ڕانه‌ و وسێش وه‌ڵێ وێش و ترمیناڵه‌نه‌ سوارێ بیێ و ڕوه‌و دواوی که‌وتێ ڕا.ئه‌ذاشان هه‌ر سواروو ماشینی بیه‌،خه‌فه‌تیێ سه‌رو سیپاڵوو زه‌ورۆکانش وه‌رمش په‌نه‌ که‌وت و لوه‌یبێ دلێ خیاڵیوه‌ و هه‌ر حه‌ز نه‌که‌رێ خه‌وه‌ره‌و بۆ.تا چمش نیا پێوه‌ره‌ یاوه‌ی سه‌رده‌گاو وه‌زنه‌یشه‌ره‌.دوێ پاکه‌تێ کولیچیێش ئه‌سه‌یبێنێ و هیچکام جه‌ زه‌ورۆکان هۆرشان نه‌گێرێنێ و که‌وتێ ڕا کوڕ سیگارێوش گیسنانه‌ و کناچه‌کێچش چێوێوه‌ش به‌ر ئه‌ورد و نیاش گۆش و میزه‌میزێوه‌ش چه‌نه‌ ئه‌ی به‌ر.جه‌ ته‌ڵان ته‌ڵانوو باخه‌هه‌ناره‌کانه‌نه‌ یاوه‌ی لێ به‌ره‌و یانه‌و لالۆی و لوه‌ی چوه‌ری.یانه‌شان هه‌ر دلێ باخیه‌نه‌ بێ و نانه‌ی تازێ پیچه‌یبی و که‌رگ و که‌ره‌شێڵیچ پاره‌ په‌ی وێشان گه‌مه‌ که‌رێنێ.لالۆیچ چا واره‌و خه‌ریکه‌ن ئاوی مه‌ذارۆ.جه‌ دووره‌و خێرئامایش که‌ردێ.په‌ی نانوو نیمه‌ڕۆی لالۆژه‌نی که‌ره‌شێڵێوه‌ش سه‌ره‌ بڕی و جه‌ لاو تافوو ئاوه‌و باخه‌که‌یه‌نه‌ که‌ره‌شێڵ پاک کریا و که‌وتێ قسه‌ که‌رده‌ی باسوو ئه‌وسای.که‌ره‌شێڵ جه‌ لێ پیازداخیه‌نه‌ سوور کریابێوه‌ واچێشی ده‌نووکوو ژه‌ره‌ژێ .بۆش دنیاش گرتێبێ.

لالۆ جه‌ دووره‌و ئاما دلێ یانه‌ی دما خێر ئامای که‌وتێ شۆخی که‌رده‌ی و ماچۆ:

قاسم ڕۆڵه‌ ئینه‌ چێشت که‌رده‌ن به‌ سه‌ره‌یت؟!ئێننه‌ سافت که‌رده‌ن هه‌ر ئه‌جۆم مانگاوی سه‌ره‌ش لێسێنیه‌و. به‌خوذا خاسش لێسانه‌و!چننه‌ جوانخاس سافش که‌رده‌ن ئه‌ی عه‌مه‌درێژ بێ ڕۆڵه‌ په‌ی ئا خه‌یر و به‌ره‌که‌تیه‌ ئه‌ورده‌نت!.

قاسم به‌ عه‌مرش نه‌خوابێ که‌وت خوا‌ی  ماچۆ:

لالۆگیان ئانه‌ چێوێوه‌ن به‌ نامێ ژله‌ی.دانم سه‌ره‌یم په‌ی ئینه‌یه‌ وه‌شم په‌نه‌ بگنۆ.

-کوره‌ ڕۆڵه‌گیان پیا ناوه‌ش مه‌گنۆ ئی چێوێ چێشێنێ وه‌ششان که‌ردێنێ؟ئانه‌ ڕوه‌نی حه‌یوانی تا مه‌تاوی لێ خیگه‌که‌یه‌نه‌ به‌ر به‌وره‌ بذه‌ سه‌ره‌یت تا سه‌ره‌ت بۆ گوڵه‌ چنووری گێرۆ.

لالۆ ڕوه‌ش که‌رده‌ مه‌لێحێ و دیسان په‌ی شۆخی ماچۆ:

ڕۆڵه‌گیان!ئانه‌ گجی وێمانه‌ت کۆن ئینه‌ چێشه‌ن که‌رده‌نت وه‌ر؟خۆ ئێگه‌ ته‌جریشوو تارانی نیه‌ن.وێت که‌رده‌ن پێسه‌ خیگی به‌ره‌ بینیای وێت ماسنان.ده‌ی چه‌نی مه‌تاوی ته‌کانه‌ بوه‌ری؟ئا ژه‌ن هۆرزه‌ ده‌سێوه‌ لێباسێ وێت به‌وره‌ با نه‌فه‌سێوه‌ بکێشۆ.ده‌ی خۆ فه‌قیرێ مه‌گه‌ر دوێ نه‌فه‌رێ ده‌سش گێران تا هۆرزۆوه‌.ئا سه‌ر و سیپاڵه‌ که‌ی هینوو فه‌رهه‌نگوو ئێمه‌نێ؟هه‌ر نمه‌تاوی په‌نه‌شان بنیشیه‌ره‌.گجیێوی ڕێک و پێک که‌ره‌نه‌ و فه‌قیانه‌کانت بینه‌ جا‌ بزانه‌ چننه‌ وه‌شت په‌نه‌ مه‌گنۆ.قه‌وره‌و بابه‌و ئانه‌یه‌ ئی فه‌رهه‌نگه‌شه‌ ئه‌ورده‌ن ئی وه‌ڵاته‌.به‌خوذا زه‌رافه‌تێو لێباسی کۆردی هه‌نش،لێباسی فارسی نیه‌نش.ده‌ی تۆ خوذا کناچێ به‌ لێباسی کۆردی وه‌شش په‌نه‌ مه‌گنۆ یا ئا شه‌رواڵه‌ ته‌نگێ که‌ که‌ردێنێت وه‌ر  وێت جه‌ڕ دان؟!ده‌ی ڕۆڵه‌ گیان چه‌نی نمه‌خنیکیه‌ی؟

ئه‌ذاو مه‌لێحێ به‌ براکه‌یش ماچۆ:

ئه‌ی ڕه‌حمه‌ته‌و ئا بابه‌یته‌ قسێ دڵوو ئه‌منت که‌ردێ.ده‌یخۆ زه‌ورۆکێ گۆشم په‌نه‌ نمه‌ذان ئه‌ر زه‌ورێ گۆششان ده‌ی بیا،ڕۆشان نه‌گنێ ئارۆ.

تێروپه‌ڕ خوایوه‌ و چه‌پ و لێسوو که‌ره‌شێڵه‌که‌ی که‌ به‌ ڕوه‌نی وێمانه‌ سووره‌وکریابێ،دریا و هه‌ناریشان واردێ و ئا شه‌وه‌ هه‌ر جه‌ که‌وێڵه‌که‌نه‌ مه‌نێوه‌ و جه‌ که‌وێڵه‌که‌نه‌ هه‌ر کام په‌ی وێشان یاگێوه‌نه‌ سه‌ره‌شان نیاوه‌ و مانه‌گه‌شه‌وه‌یچ مه‌درۆشیۆ و دان دانێوه‌ هه‌ناری وه‌روو ڕۆشنایی مانگه‌کێنه‌ مه‌گنان به‌ر و ئاویچ هۆر کریاینه‌ په‌ی باخی و فێنکایێوه‌ وه‌شش وسته‌ن دلێ باخه‌که‌ی.


ادامه مطلب

طبقه بندی: فرهنگی و هنری، اجتماعی، تاریخ، ادبیات/شعر، جفرافیا، مدیریت وبلاگ، کۆڵه‌داستانه‌و هه‌‌ورامی، محه‌مه‌دغه‌ریب مه‌عازی‌نژاد،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،سه‌فه‌ره‌کێ گالیوێری،همایون محمدنژاد،سفرهای گالیوربه هورامی،ئه‌ذای غیرتی و لالۆی قه‌وم دوس،محه‌مه‌دغه‌ریب مه‌عازی‌نژاد،
نوشته شده در تاریخ جمعه 7 آذر 1393 توسط همایون محمدنژاد
.: Weblog Themes By Abdollah Habibi :.

تعداد کل صفحات : 214 :: ... 19 20 21 22 23 24 25 ...