بەرنامەو هەورامیانەو ئی حەفتەیە جە شەبەکەو کوردەسانی،  قسەوباس چنی نویسەر،شاعێر و پەیجۆرکاروو هەورامانی #کاکەهومایون_موحەممەنژاد


بە پاو هاگاداری کاکەشاهرۆخ موحەممەدی ئێشەو  #بەرنامەو_ #هەورامیانەی_جە_ڕۆجومعەی_ڕاکەوتوو_۱۳ـ٤ـ۱۳۹۹_ساعەتوو_۲۲ی_وەرانوەر_چەنی_۱۰و_شەوێ جە شەبەکەو کوردەسانی وەڵا کریۆوە، بەرنامەو ئی حەفتەیە قسەوباس چنی نویسەر،شاعێر و پەیجۆرکاروو هەورامانی #کاکەهومایون_موحەممەنژادی"ن 

واتەو ئینەیە: ئی بەرنامە جه ڕۆ یەکشەمەی ۱٥ـ٤ـ۱۳۹۹ ساعەتوو ۱٥ی وەرانوەر چەنی ۳یەرێ دمانیمەڕۆی، دیسان پەخش کریۆوە.

#هەورامیانە

_ بەرنامێو جە هەورامان و تەبێعەت و سرووشتی بێ وێنەیش

_ جە ویەردە و تاریخی هەزارساڵەیش، جە شێوە ،ڕەسم و یاسا و ئەدەبیات و فەرهەنگی بنەڕەتدارش،جە دەگایەکا و خەڵکی ئاوەزمەند و دڵپاکش


ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، آموزشی، نوشتارهای همایون محمدنژاد، هومایون موحەممەدنژاد،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،بەرنامەو هەورامیانەو ئی حەفتەیە جە شەبەکەو کوردەسانی،قسەوباس چنی نویسەر،شاعێر و پەیجۆرکاروو هەورامانی #کاکەهومایون_موحەممەنژاد،
نوشته شده در تاریخ پنجشنبه 12 تیر 1399 توسط همایون محمدنژاد
نامەو سەروازێ دەرەندووی/شێخە ڕەسووڵ /سبحان ئەمینی


نامەو سەروازێ دەرەندووی

/شێخە ڕسووڵ


چەنەم ویەرە جەنابوو سەرکرد٘ەی!

من کناچێوەم هەنە بە "بۆیەو بەرائەتی"، نامەم پەی منویسۆ!

ژەنێم هەنە زێلیش نمێ ئاوی پژگنۆ ساوەو هەوشەکێما، 
نەکا هێلیان مریچڵەکێ تێکێ بشا!

جەنابوو سەرکرد٘ەی!

هیزی شەوێ وەرممەنە دژمەن مەڕیا، 
شمە خەریکێ سەمای بێندێ!
من کیسباخەڵوو سەروازێ کوشیاینە، نامێم ئێستۆ و دلێشەنە نویسیابێ:

تاتەلێ گیان! ئەد٘الێم دڵش نمێ ئاوی پژگنۆ ساوەو هەوشەکێما،
ماچۆ نەکا هێلیان مریچڵەکێ تێکێ بشا!
بەڵکوو عێوەزاشەنە خود٘ا تاتەلێت پارێزنۆ پەیما!

مزانوو باوڕ مەکەری جەنابوو سەرکرد٘ەی!

من جە دژمنی باکم نیا و مەتۆقوو وەرش،
من جە تفەنگە بێ وەجەکەو دەسیم تۆقوو،
جە وێم تەرسوو کە وەختش یاوۆ و پەی پارێزناو وەڵاتێوە، 
ناچار وەڵاتێتەری غەڵتانوو ونێ کەروو!
پەی دید٘اروو کناچڵێوە، 
یوێتەرێ تا ئەبەد٘ چەمەڕا بازوو!

تکام هەنە جەنابوو سەرکرد٘ەی!

ئی نامەیمە کیانە پەی سەرکرد٘ەو سپاو وەراوەری، 
بەشکووم ئاد٘یچ کناچێوەش بۆ،
ئەشقێوەش بۆ و 
چەمەڕاش بۆ ... !!

#سبحان ئەمینی



طبقه بندی: فرهنگی و هنری، ادبیات/شعر، زوانی هه‌ورامی، سوبحان ئه‌مینی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،نامەو سەروازێ دەرەندووی/شێخە ڕەسووڵ /سبحان ئەمینی،
نوشته شده در تاریخ پنجشنبه 12 تیر 1399 توسط همایون محمدنژاد
کەلەبەروو شێعرا(۱۹۲)

گوشێو جە ئەفزارەکاو ژیوای قەدٚیموو
              هەورامانی

 با دەورەی وەڵین پەیت کەروو بەیان
ژیواو نازارا و  ڕەسموو قەدٚیمیان

گۆش دارە هاوار دڵەی خەمباریم
باپیری کۆڵ کێش مسیبەتباریم

یانەش نیان یۆ بە کۆڵ و زەحمەت
بە ڕەنج و شانەی غیرەت و هیممەت

بێ وچان کۆشان بە لاشەی کزۆڵ
ژیوایێ سەختش کەردەبێ قەبۆڵ

كەی فەرامۆش بۆ وەشی یاتاڵە
ژیوای ویەردەی چننەها ساڵە؟!

ئینە جە نەقڵی پیری ویەردەن
خەڵکی سادٚەپۆش عەمرش سەربەردەن

خوراکش پەتڵە و دوێنە و شەلەمین
بەرگش جە پەمەو گڵێمی پەژمین

بە بێڵە و زەنگەن کاڵای زەمینا
بە خەلە هاڕا و  ئاساو توەنینا

چۆخەوڕانک و گجی هەڵاوە
بە دەس  ورازیان هەتا کوڵاوە

فەرەنجی و پەسەک چۆخەوڕانکی کاڵ
بەرگوو هەورامی سەرچەمەی کەماڵ

خیگە و هەڵیزە و هەم کۆنەو ئاوێ
جە دەس کرداروو   باڵا  لەولاوێت

کونەڵانوو ئاوێ جیای یەخچاڵێ
یاگۆ  ماس و دۆ  کەرۆ  بزەخاڵێ

یەرەکۆچە  پایەو ئارگا هەڕینێ
ساجێ ماسۆڵەو تەشتە مسینێ

تاق و تەرواڵە و     لاکان و یانەی
جیای کابێنیتی  پەی مەدٚبەخانەی

كەنووڵەی هەڕین یاگێ ئاردەکاش
تفاقش  جەم بێ  پەی  نازارەکاش
ت
تەیمان و نەیجەی تێخە و یانەکەیش
دایێم نوور  وارێ بەر و  بانەکەیش

شۆڵەو چراوێش جە دار ئەرخەوان
پەی  ڕۆشنایی  تاریکەوشەوان

قەندانێ چوێنێ  پیاڵەی هەڕین
پەی دەسکرداراش هەزار ئافەرین

کیسەو تەماکۆیش گڵێمە پەژمینێ 
جیای قاقەزجگەرەیش سەبیلە چوینێ

نەیە جە پەمەی موومشان  کێشتەن
پەی ئەفزاریشان  نەخشان  ڕەشتەن

نەیەی مووم کێشیای جیای نەبڕی
پەی دەورەگێرتەو کڵاشوو کڵاشدڕی
 
دووکەو دوو کاوێچ  دەزگاوکاری بێ
ئەفزاروو  جوڵای  قەدٚیم  یاری بێ

بە دەفە و هەوجەڕ پەنجێ نەخشینێ
ڕازنان گڵێم و   مەوجێ  ڕەنگینێ
 
تەنافەو  دەسوو  یارانوو  خێڵی      
جە موو  بزێ بێ  جیای  بۆکسێڵی

بارووت وەش کریان بە دەسوو وێشا
 جە گەردو مەڕاو   بەرزوو ئاکەشا

مەتێش ڕازنان جە دواڵ و کەمان
یۆ جە ئەفزاراو   سەناتی زەمان

تۆکڵوو هەناری  تیجارەت کریان
بریان  سونگرو  خەلە  ئاوریان

ساقە تەماکۆ  مەشهوور بە دەمار
جە ئێراق  ئامان  بە کۆڵ و  بەبار

پۆسوو گاومێشی  پەی چیرەپاڵا
سەناتی هەورام  خاستەرین کاڵا

تۆکڵ و بەلووی   ڕۆنیاس و  لیلەنگ
پەی جل وبەرگی پەنەش كریان ڕەنگ

خمخانە بیەن    دەگاو نوێنی
ماواو هونەر و  خاکوو نگینی  

چوخەوڕانک و  فەقیانێ  چەرمێ
مشکی ئەڵوەننی کڵاشێ نەرمێ

هەنجیر و  وەزی باخەکاو دەرەی
پەی زمسانی بێ وەخت و شەوچەرەی

ئینە بێ گۆشێو    ئەفزارو کارا
ئەفزارو  ژیواو    قەدٚیم  نازارا     

 منویسوو هەورام وێش کەفاک زانان 
کاڵای خارجیش  بە هیچ  نەوانان

#عوسمان ڕەحیمی هەجیجی(مورید)  

شۆڵەی شەرای گڕ وەنینم بەرزەن
قرچە و کڵپەی هوون یاران سەرتەرزەن
شاهۆڵە هەرچن بێڕەحمیت نمانا
پارێزنایت پەرێ ئازیزان فەرزەن

جەواد ـ حەمزە
# فێــــــراق




ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، عوسمان ڕەحیمی(مورید)، حامی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۹۲)،
نوشته شده در تاریخ چهارشنبه 11 تیر 1399 توسط همایون محمدنژاد
کەلەبەروو شێعرا(۱۹۱)پێشکەشوو ڕۆحوو ژیوگاپارێزەکاو پاوەی(کاکەموختار خەندانی، بێلال ئەمینی، یاسین  کەریمی)  ‍ ‍ 

پێشکەشوو ڕۆحوو ژیوگاپارێزەکاو پاوەی(کاکەموختار خەندانی، بێلال ئەمینی، یاسین  کەریمی)
‍ ‍ 

 ئەی دارستان!

هۆرزە ..هۆرزه

چووپیە کێشە

 و 

زەماوندٚوو کۆرپەساوێن


 دەم بە خوە

 و 

خەندەش بەرزەن....

 دارەپیرەو مەڕەخێڵێ 

 هاوارش کەرد 

کۆ و کۆساری

هەرچن قڕچەو

 لەقی تازەش 

دەنگێ دێوە 

               دەساندەسا

            حەوزەلارە.....شاوهانەکا

      هاژەش نەمەن

           و 
 
      وشک بی ، مدرا

         سیروان...
        
     مات و خەمبار

هەڕەش پیما

تەختی سانی ...

 ڕەنگەش پڕا  

کۆ داڵانی...
.....
کۆرپەچنوور..

وێش شۆکناوە....

وەشڵەی پار و هەم پێراری

باوشەکێ ،

 ڕاویاروو هەورامانی

زاموو دەسیش ،

سارێش کەرێ ، جەسەی مانیام..

 [دووکەڵ ....دووکەڵ... پەولانە

گجیە سوورێت .....کەرانە]

 دووکەڵ!

مەگەر نەزانات ،

چەمدٚارەکاو پاوەشاری

هەنگامێشا،هەزارێنێ ،نازارێ و شاسوارێنێ


#هومایوون_موحه‌ممه‌دنژاد
@hawramyanah

پاوە 

هەر چەند ئاهێران رو کەردەن پاوە 
پاوە   بێ پاوە  ،   مدران  بە   پاوە  

جە  دێر زەمانان  پاوە  جێ    یانی 
ئەی مەسکەن  ماوای ،قورب و قوربانی 

ئیسەیش ئەو میراس  سەوزەن جە پاوە 
بە گیان  پەی  گیانی  قوربانیش  داوە

پەرێو   پارێزنای   سەوزایی  وەڵات  
شیرینتەر جە گیان،چێش کەران خەڵات!؟  
           *

 #حەمەشەریف_عەلیرەمایی .٩٩/٤/٩سنە

بە یادوو کاکەموختار خەندانی ،کاکە بیلال ئەمینی وکاکە یاسین کەریمی .


ئاخ واوەی تەمێ تاریك و لێڵ مێ
بۆپڕووزی مەرگ جە مەڕەخێڵ مێ

ئاخ ئایر کەوتەن جەسەو نازارا
نازارێ سۆتێ پێسەو وەندارا

نیا  (شەریفێ) بڵوو دەمشاوە
ئازیزام سۆتێ و کەش نەکوشیاوە

بیلال گیان ڕۆڵەو گیان فیداو کەشی
ئاخر بە بێ تۆ ڪەشم پەی چێشی!؟

حەیف نیەن جەسەو نازەنینوو تۆ
بە شەرای ئایێر بۆ بە سیاچۆ 

ماچی سەبوونەن شنەو کۆساری
وەختێ سۆتە بۆ جەسەو موختاری

ئاتەشگا دیسان بڵێسەش بەرزەن
یاسینش مەردەن ، شینش سەڎ تەرزەن

شەهیداو ژیوگەی یاوێوە پاوە
دەك نەیار کۆربی و ڕوەت سیاوە

تۆ سۆتی تاوا نەسۆچۆ کۆسار
گوڵێ بزیاوە واوەی نەووەهار

گەڵا کەرۆوە سەرشاتەو نەرەی
چووزە بەر بارۆ ڕیواو دەرەی

گلەیی بێ کەسی ئەو لاو کێ بەروو
لاو کام یاسایۆ شکایەت ڪەروو

بازە وەڵاتم با وێرانە بۆ
با (ئایر) جەورش زاڵمانە بۆ

ئازیزام سۆچا و کەشۆ مرانێ
سەرداران ئاسا شەهیدٚی بانێ

خودٚا کەی ئینەن بەشوو وەڵاتیم
دەی سا لاچەمێ پەرێ نەجاتیم

#سوهراب_مورادنیا
(سیاوکام هەورامی)



ادامه مطلب

طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، سوهراب مورادنیا(سیاوکام)، موحەممەدشه‌ریف عه‌لی ره‌مایی، جەواد حەمزه (فێراق)، سەیوان ئێبراهیمی(گوازی)، کاوه شکری(سەراو هەورامی)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۹۱)پێشکەشوو ڕۆحوو ژیوگاپارێزەکاو پاوەی(کاکەموختار خەندانی،بێلال ئەمینی،یاسین  کەریمی)  ‍ ‍،
نوشته شده در تاریخ سه شنبه 10 تیر 1399 توسط همایون محمدنژاد
پیام تقدیر و تشکر دهیاری روستای زاور از زحمات چند تن از اهالی محترم در اطفای حریق مراتع زاور

گفتنی است این آتش سوزی در حدفاصل دره ترتیبا تا کوە گویچ.که با تلاش و همت بیدریغ و ۶ ساعته موفق به خاموش کردن آن شدند.
اسامی بزرگوارانی کە در مهار آتش سوزی ،سنگ تمام گذاشتند.

آقایان:مسلم کریمی نژاد(اهل زاور و عضو انجمن ژیوای پاوە ،محمدامین رضایی.سینا رضایی.سینا نیکرفتار ، کوسار عبدی(اهل زاور)
  و همچنین آقایان:مادح نوری از اعضای محترم انجمن ژیوای پاوە،باعث دلگرمی بیشتر برای اطفاشد و با دستگاه دمنده به یاریمان شتافت و  یاسر رزابی ( بابت تامین آب و آذوقه جهت اطفای حریق) چند تن از باغداران محترم طویله و دوتن از مهمانان مقیم روستا اهل روستای ژیوارهورامان


#کانال زاوەر_خەبەر

@zavarkhabar0000



طبقه بندی: فرهنگی و هنری، اجتماعی، اخبار، جفرافیا، ده‌گاو زاوه‌ری/روستای دز‌آور، تصاویرومناظرطبیعی وتاریخی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،پیام تقدیر و تشکر دهیاری روستای زاور از زحمات چند تن از اهالی محترم در اطفای حریق مراتع زاور،
نوشته شده در تاریخ یکشنبه 8 تیر 1399 توسط همایون محمدنژاد
بۆنەو مەرگوو ۳کەسایەتیێ ئەنجومەنوو ژیوای پاوە ،ئاسمانوو هەورامان وشاروو پاوەی،سیاپۆش بێ

بە نامێ خود٘ای دەسەڵاتداری

بە داخەو هاگادار بیەیمێ
یەرێ ئەنداموو ئەنجومەنوو ژیوای پاوەی #مەرحووم_کاکەموختار_خەندانی_مەرحووم_بێلال_ئەمینی_مەرحووم_یاسین_کەریمی
  #بە بۆنەو ئێرکوشنایەو بووزین و مەڕەخێڵێ،کۆچی هەتاهەتاییشا کەردەن، ئێمەیچ جە په‌لیان و کاناڵەکاو #هه‌ورامان_هانه‌به‌رچه‌م و #زاوەرخەبەر "ی پی بۆنه‌و به ئه‌رکوو وێما مزانمێ پەرسە و سه‌روه‌شی جه خانەوادە و یانه‌وه‌یشا بکه‌رمێ،ئاواتما ئانه‌ن خود٘ای بێ هامتا بەخشۆش و عەفوەش فەرماوۆ و ڕۆحش بە بەهەشتی بەرین شاد٘ بۆ و سه‌بووری یانه‌وه‌یا بد٘ۆوه.
واتەوئینە #مەرحووم_کاکەموختار_خەندانی_خەڵکوو شاروو نەوسوودٚێ جە پاک کەردەو داڵانی هامشان چەنی تاقمەو دەگاو زاوەری زەحمەتی فرە و فەراوانشا کێشت .یادٚش بە خێر و خودٚا بەخشۆش.





طبقه بندی: فرهنگی و هنری، اجتماعی، اخبار، تاریخ،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،بۆنەو مەرگوو ۳کەسایەتیێ ئەنجومەنوو ژیوای پاوە،ئاسمانوو هەورامان وشاروو پاوەی،سیاپۆش بێ،
نوشته شده در تاریخ یکشنبه 8 تیر 1399 توسط همایون محمدنژاد
.: Weblog Themes By Abdollah Habibi :.

تعداد کل صفحات : 437 :: ... 2 3 4 5 6 7 8 ...