کسب رتبەی اول توسط  فرهنگی پاوه‌ای در مرحله کشوری جشنواره تجارب برتر تدریس

عباس محمودی فرهنگی پاوه ای موفق به کسب رتبه اول کشوری در جشنواره تجارب تدریس سال تحصیلی ۹۸-۹۷ در رشته زمین شناسی گردید.

مدیریت آموزش و پرورش پاوه کسب این موفقیت ارزشمند که نشان از شایستگی های فرهنگیان پرتلاش دیار پاوه می باشد را به ایشان و خانواده محترمشان و جامعه فرهنگیان پاوه تبریک عرض می نماید.

منبع: #پاوه_پرس 



طبقه بندی: فرهنگی و هنری، اجتماعی، اخبار، تاریخ، جفرافیا، شهرها و روستاهای هورامان،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کسب رتبەی اول توسط  فرهنگی پاوه‌ای در مرحله کشوری جشنواره تجارب برتر تدریس،
نوشته شده در تاریخ شنبه 11 آبان 1398 توسط همایون محمدنژاد
کوشتارەکاو هەورامیەکاودەرسیمی /هۆرگێڵنایەو جە عەرەبیەو پەی هەورامی :ئێبراهیم حاجی زەڵمی

کوشتارگەو هەورامیەکاودەرسیمی جەلایەنو دەوڵەتو تورکیایۆ جە ساڵەو ١٩٣٨ ی.

مابه‌ین وساڵه‌كا 1937و 1938 مه‌نتیقه‌و ده‌رسیمی جه‌ كوردوسانو لای سه‌رینه‌ (توركیا)، بی یاگێ گه‌وره‌ته‌رین گۆبه‌ندێ په‌ی فه‌تڵ وعام كه‌رده‌ی كورداو واگه‌ی ، پانه‌ی كه‌ كه‌مال ئه‌تاتورك په‌ی جابه‌جاكه‌رده‌ی ئا یاسایاشه‌ كه‌ دژو میلله‌ت و كوردی نێبینیشه‌ره‌، دلێشانه‌ خه‌مو نیازو نه‌ته‌وێ  پێسه‌ كوردیش په‌ی ئازادی، زینده‌ به‌چاڵكه‌رده‌بێ. ..
هورئێست به‌ به‌كار ئارده‌ی هه‌ڵمه‌ته‌ی سه‌ربازیه‌ى بێ ره‌حمانێ په‌ی سه‌رو ئی گه‌له‌ به‌ش مه‌ینه‌ته‌یه‌ ، دماجار كۆتاییش ئاما به‌ كوشته‌و بریایێ گه‌وره‌ى كه‌ ده‌یان هه‌زار چی خه‌ڵكه‌ ره‌شو ڕووته‌ بی كه‌سه‌یه‌ كوشیێ وده‌ربه‌ده‌ر كریێ جه‌ یاگه‌و ماواو وێشانه‌ به‌ره‌نزه‌ده‌ كریێ. چنده‌ها خه‌ڵكی جه‌زازاكیه‌كاو عه‌لی ئیلاهیه‌كاو دماجاریج ئا مه‌رگه‌سات و كوشتوبریه‌یه‌ی په‌ی شۆرشه‌كه‌و شیخ سه‌عیدو پیرانی نریاره‌وئینجا قه‌سابخانه‌كه‌و دۆڵه‌و زیلانی و چندی ته‌ریچ..  كه‌ئینه‌ گرد ئینێ توه‌و ئاتاوانه‌ گه‌ورانه‌ كه‌ توركی ده‌رهه‌ق و كوردینه‌ كه‌ردێنێش.

ده‌رسیم یاگێ په‌شتگۆ وزیاو به‌گول ته‌ماشا كریا:
گه‌ر لاكه‌رده‌ییوه‌ما په‌ی مێژوو ئی مه‌نتیقه‌یه‌ بۆ چ جه‌بوارو دینیوه‌ چ جه‌بوارو زوانیوه‌ ره‌نگا ده‌رسیم جیاوازی فره‌ش جه‌ شۆنه‌كای ته‌ری بۆ جه‌ توركیانه‌ ، پانه‌ی ئه‌گه‌رچی به‌عزی تیرێ سوننه‌ مه‌زهه‌بێش كوردێش چه‌نه‌بیینى، ئیتر به‌شی ته‌مامش كوردێ زازاكیێ و ئینجا سه‌رو رێچكه‌و عه‌لی ئیلاهی بیینێ.. به‌رده‌وام سه‌رده‌مو ده‌وڵه‌تو عوسمانینه‌ توش وچه‌وسنایوه‌ بیێنێ. جه‌رووه‌و ئابوریچوه‌ ئی مه‌نتیقه‌ هه‌ر ئازه‌مانه‌ كریان ده‌ره‌به‌گی و زه‌مین وسه‌روه‌ت و سامانیوه‌ گه‌ربیه‌بۆش تاپۆكریان سه‌رو ئانیشا كه‌ جه‌روو مه‌زهه‌بی وپشتیوانیوه‌ سه‌ربه‌عوسمانلی بیینێ، ئیتر خه‌ڵكه‌كه‌ش كریان به‌ گزیرو وه‌رده‌س و ره‌نجبه‌رو ئانیشا كه‌به‌گی و ده‌ره‌به‌گیشا په‌ی عوسمانلی كه‌رده‌ن، به‌ده‌رچانه‌یه‌ كه‌ باج وسه‌رانێ فره‌شا وزیانسه‌ر. ئیتر وه‌رانوه‌رو ئانه‌ی و ئی سیاسه‌ته‌ چه‌په‌بَه‌یه‌ خه‌ڵكو ده‌رسیمی هه‌ڵویست هورگێرێنێ و خزمه‌تو عه‌سكه‌ری په‌شتگۆ وزێنى و باج و سه‌رانه‌ فره‌جار نه‌دێنێ. 
ئینه‌یجه‌ توركه‌كا توره‌كه‌رێ و كه‌رێنێش به‌هانێ  په‌ی ئانه‌ی هه‌ڵمه‌ته‌شا وه‌نه‌ بداو ئانه‌ وێشاگه‌ره‌كشانه‌و خوا په‌نه‌ش ناوه‌شا ئادێ ئه‌نجامش بدا.
په‌وكای به‌درێژایی ده‌وڵه‌تو عوسمانلی ده‌رسیم ناوچێوه‌بێ كه‌ گۆشدارو ته‌مام و داواو عوسمانلی نه‌بێ و دایم گیانێ یاخی بیه‌ی و به‌ره‌نگاریش هه‌رچه‌نه‌بێ.. ئانه‌بی ئه‌تاتورك دلێراسه‌و ویسه‌كانه‌ په‌ی دلێ راسه‌و سیه‌كانه‌ هه‌ر زۆرێشكه‌ردێ گه‌ره‌كش بێ ئی ویركه‌رده‌یوه‌ دلی ده‌رسیمینه‌ نازۆ به‌زۆر ده‌سه‌ڵات و وێش سه‌پنۆ، په‌وكای هه‌ڵمه‌ته‌وبه‌تورك كه‌رده‌ى ده‌رسیمی و وركه‌نده‌ی خه‌ڵكه‌ ئه‌سڵیه‌كه‌یش جه‌ دلێ راسه‌و ده‌رسیمینه‌ وست ڕا. ئانه‌بێ چند هه‌زار خانه‌وادێش هوركه‌ندێ جه‌یاگه‌و مه‌سكه‌ن و وێشا و په‌راگه‌ندێش كه‌ردێ و به‌ردێش په‌ی وه‌راواو توركیای. ئیتر هورئێست به‌نیایره‌ى ده‌زگای ئاسایشی و جاسوسی فره‌ى جه‌ ده‌رسیمه‌نه‌ وه‌رو ئانه‌یه‌ زاڵ بۆ و تواناو سه‌ركوتكه‌رده‌یش زیاته‌ره‌بۆ.
ئی جمایۆ ئه‌تاتوركی ، پاسه‌شكه‌رد كه‌خه‌ڵكو ده‌رسیمی رای یاساییه‌ گیرۆ وه‌ر وه‌رانوه‌رو ئی سته‌می دادێ كه‌رۆ، پانه‌ی شكاتێ وێشا یاونا لای سه‌ری..ئانه‌بێ  وه‌فدێشا وه‌شكه‌رد چاگه‌وه‌ په‌یامێ ئی خه‌ڵكی یاونا گه‌وره‌كا توركیاى، پانه‌ی ئی سیاسه‌ته‌ چه‌په‌ڵه‌و توركیای وه‌رانوه‌رو كوردی هه‌نش فاریۆ. به‌ڵام به‌پێچه‌وانۆ توركه‌كی هورئێستێ به‌كوشته‌یو دایپه‌تیره‌ی وه‌فده‌كه‌ی .. جه‌وه‌راموه‌رو ئی زوڵمینه‌ خه‌ڵكو ده‌رسیمی ورشاكوا سه‌رو دایره‌و ئاسایشو ده‌رسیمی و ئیتر ئه‌چێوه‌ گێچه‌ڵه‌راسه‌ قینه‌كێ په‌ره‌ش سانا.
ئانه‌بێ ده‌سه‌ڵاتو توركیای هورئێست ئی به‌هانێشه‌ به‌ هه‌ل زانا و جه‌ مانگه‌و یه‌رێ و نه‌ورۆزه‌نه‌  به‌30هه‌زارێ جه‌یش و جاشێوه‌ هجومش كه‌رد سه‌رو ئی خه‌ڵكێ . چاوه‌خته‌نه‌ خه‌ڵكه‌كه‌یچ وه‌فدێ ته‌ری دیبلۆماسیشا وه‌شكه‌رد په‌ی وه‌لگیرته‌ی كوشت و برى به‌ براگه‌وره‌یی سێ ره‌زای و چند كه‌سێ هامرێ چه‌نیش، به‌ڵام توركه‌كێ ئینه‌شا قبوڵ نه‌كه‌رد دیسان هورئێستێ به‌گێرته‌ی وه‌فده‌كه‌ی و دماجار وه‌ره‌چه‌ماو خه‌ڵكیوه‌ كه‌ردێشا داره‌ره‌و خنیكنێشا. ئی دڵره‌قی و وه‌خشیگه‌رایه‌و توركیه‌ی پاسه‌ش كه‌رد كه‌ خه‌لك و ده‌رسیمی بی متمانه‌یش یاوو چله‌پۆپه‌ وه‌رانوه‌رو توركه‌كا. په‌وكای گێچه‌ڵه‌و توركه‌كا پی خه‌ڵكیه‌ به‌رده‌وامه‌ بیه‌ تا ئانه‌بی دماجارتا نیمه‌و ساله‌و 1938 توركه‌كی به‌ زه‌برو چه‌كی و توپی و ته‌یاره‌ی تاواشا زاڵی با ملو ده‌رسیمیره‌و گنا كوشته‌ی و بڕیه‌ى ده‌یان هه‌زاری جه‌ خه‌ڵكه‌كه‌یش دڵیشانه‌ چنده‌ها زارۆڵی و ژه‌نی و خه‌ڵكی ریشچه‌رمه‌و كوشیاو سه‌ره‌بریا. چاوه‌خته‌نه‌  راپۆرتێ به‌ریتانیای باس جه‌ كوشته‌ی 40هه‌زار نه‌فه‌ری كه‌راوه‌ كه‌ توركه‌كا جه‌ده‌رسیمه‌نه‌ كوشتێنێشا. دیارا هه‌رسه‌رده‌م و ئه‌ردوگانینه‌ باس حه‌كوشته‌ی 13هه‌زاركه‌سا كریۆوه‌ كه‌ 2013چی شاره‌نه‌ ره‌ویه‌شكه‌رده‌ن، دیارا ئی هه‌ڵمه‌تایچشه‌ كه‌ سوریانه‌ مدۆشا وه‌رانوه‌رو كوردا سوریای ره‌نگا دریژكریاوه‌ ئاقینه‌ كۆنی بۆكه‌ ده‌رهه‌ق و كوردی بیه‌نشا جه‌ ده‌رسیم وشاره‌كای. ته‌رو كوردستانینه‌ !! 
سەرچەمەو باسەکەی:هەورامان نیوز





طبقه بندی: فرهنگی و هنری، اجتماعی، ادبیات/شعر، اخبار، تاریخ، زوانی هه‌ورامی، جفرافیا، شهرها و روستاهای هورامان، تصاویرومناظرطبیعی وتاریخی، دینی ومذهبی، ئێبراھیم حاجی زەڵمی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کوشتارەکاو هەورامیەکاودەرسیمی /هۆرگێڵنایەو جە عەرەبیەو پەی هەورامی :ئێبراهیم حاجی زەڵمی،
نوشته شده در تاریخ شنبه 11 آبان 1398 توسط همایون محمدنژاد
کەلەبەروو شێعرا(۱۲۷)

‍ عشق را  بی معرفت  معنا  مکن
زر نداری، مشت خود را وا مکن

گر نداری دانش ترکیب رنگ
بین  گلها  زشت یا زیبا مکن

خوب دیدن شرط انسان بودن است
عیب را در این و آن پیدا مکن

#مولوی بلخی

@hawramanhaneberchem

کوچه باران است، امشب را بمان!
دل پریشان است، امشب را بمان!

این حوالی چشم های آسمان
ابرِ گریان است، امشب را بمان!

جاده مه آلود و بی تو پای عشق
سخت لرزان است، امشب را بمان!

این هوای سُربیِ مَغموم باز
فکرِ بوران است، امشب را بمان!

باز توفانی به پا شد در دلم
دل که ویران است، امشب را بمان!

چار فصلِ خاطراتِ کوچه باغ
برگ ریزان است، امشب را بمان!

نم نمِ باران و این فنجانِ چای
سهمِ ایوان است، امشب را بمان!

سوزِ سردی می وزد در خاطرم
ماهِ آبان است، امشب را بمان!

#مهری_حسینی
-----٭٭٭٭-----
کۆڵان وارانەن، ئێشەویچ مانە!
دڵ پەرێشانەن، ئێشەویچ مانه!

چی دەور و بەرنە چەماو ئاسمانی
هەورێ گریانەن، ئێشەویچ مانە!

جادٚە تەم و مژ و بێ تۆ پاو ئەشقی
بێ شۆ لەرزانەن، ئێشەویچ مانه!

ئی کەش و هەواو سروی و خەمبارە
مەیل وە بۆرانەن، ئێشەویچ مانە!

واوەی تۆفانێ خێزیا دڵمەنە
دڵ خۆ وێرانەن، ئێشەویچ مانە!

چوار وەرزوو ویروو کۆڵانە باخی
گەڵاخەزانەن، ئێشەویچ مانە!

نم نمەو وارانێ و ئی پیاڵە چایە
بەشی هەیوانەن، ئێشەویچ مانە!

سۆڵە و سەرمایێ شنیۆ خیاڵمەنە
مانگە خەزانەن، ئێشەویچ مانە!

"مێهری"(سیاوکام)مەسوو واتەو تۆن
واتەت مەیخانەن، ئێشەویچ مانە!

هۆرگێڵنای بە هەورامی

#سوهراب_ مورادنیا(سیاوکام)

ڕاکەوتوو ۱۳۹۷٫۷٫۷ کۆچی ڕۆجیاری

ادامه مطلب

طبقه بندی: فرهنگی و هنری، ادبیات/شعر، زوانی هه‌ورامی، سوهراب مورادنیا(سیاوکام)، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۲۷)،
نوشته شده در تاریخ جمعه 10 آبان 1398 توسط همایون محمدنژاد
کەلەبەروو شێعرا(۱۲٦) بە بۆنەو مانگەو مەولوودٚی)ڕەبیعولئەوەڵ

کێ  دیش  تاقەگوڵ  وەهاری  بارۆ
بوڵبوڵ بە وەشیش دەنگیش ونارۆ؟

بێجگە گوراڵێ  مەککە و مەدٚینەی
پەڕ کەرۆ جە عەتر ئی سەرزەمینەی

وەشمان شادٚیمان، مەبارەک بادٚی
هەورامانەکەم ،  مەبارەک  شادٚی

"حامی غەریبی"
هەنار وێنەی دڵ پەڕ بی جە پێشا
خێر بەیۆ خەفەت دڵ یانەو وێشا

بەش لەیل بە دەسش دڵەی فشارۆ
لانی کەم هووناو وە  ڕاگەش وارۆ

با زانۆ بە زام  خەتای  وێ کەردٚە
دڵ واچۆ پەرێش ڕازێ بێ پەردٚە

من و وێرەگا  بەشما بیەن  کۆس
ئادٚ پەی ڕۆجیار،من پەی دیدٚەی دۆس

کەی بۆ بگێرمێ جەژن سوب سەحەر
من باڵای ئازیز ، ئادٚ شەمس و قەمەر

همدیس بەیۆوە پەیکی شای شادٚی 
وڕۆ  قەڵای خەم  ، هەم  نامورادٚی

سەر کێشوو پەیکی بادەی وێساڵش
بکەروو سەیری  ڕوومەت  و خاڵش

#حامی_غەریبی




طبقه بندی: فرهنگی و هنری، ادبیات/شعر، زوانی هه‌ورامی، حامی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۲٦) بە بۆنەو مانگەو مەولوودٚی)ڕەبیعولئەوەڵ،
نوشته شده در تاریخ جمعه 10 آبان 1398 توسط همایون محمدنژاد
هه‌نار مه‌هدی لالۆ حمه‌مرادی!/داریوش رەحمانی

هەورامان هانەبەرچەم

هه‌نار
مه‌هدی لالۆ حمه‌مرادی!
مه‌کیانه‌ په‌ی وێت پووکاڵاوی. مه‌گێره‌یچ ئه‌و دڵ. پووکاڵاوی هیچ ئه‌گه‌ر ئاو و بووڵاو‌یچش ئه‌و ‌سه‌ر بۆنه دیسان‌ په‌ی ئێمه‌مانان و گردینو ئا که‌سانه که‌ ڕاس و ناڕاس ئانه‌ن‌ بییه‌و بییه‌یشان جه‌ گرد چێوی وه‌شته‌ر و مانادارته‌ره‌ن. ئه‌ئی وه‌رێسێ بنه‌ڕاو دنیایوه‌ بنجه‌ش یۆنه‌ هه‌رچه‌نده‌ به‌ دیم و ئه‌وه‌گێڵنای جۆراوجۆرێشوه‌‌‌: دیده‌و وه‌رانوه‌ری نه‌ئیشۆنه‌ خاسته‌ره‌ن. وه‌لێمکه‌تێ ئه‌پاسه‌یچه‌ نییه‌ن یه‌کسه‌ر که‌ تۆ لواینی و مه‌لینه‌ په‌یش. ئانه‌ چه‌ خییاڵه‌ن تۆ وینانت. چه‌نی دڵ و ده‌ست ئامان و مه‌ینه‌. هه‌نار هه‌ناره‌ن. هه‌ر جۆر بۆنه هه‌راڵه‌، چه‌شکه‌ و وینایش دایمه‌و خودای‌ وه‌شه‌ن و بییه‌و نه‌بیه‌ی ماوه‌رۆنێوه‌ هه‌له‌کێ. تورش و شیرینش. ئیسه‌ نه‌خوازه‌ڵا هه‌نارو ده‌ره‌قووڵه‌که‌و لاپاڵو رۆخانه‌ی، دماو وه‌شتو وارانو خرمه‌و دڵیی. ئیتر پیشیایش با‌که‌تێ بمانۆنه‌‌. بنیه‌ره‌ ئێمه‌یج نه‌واچمێنه‌ و ئادێچ نه‌گێرانێش و نه‌گێرته‌بۆشان ئه‌و وێشان و نه‌لوابۆنه‌ ئه‌و مل و دڵ. مه‌په‌شۆکیه‌. به‌ یه‌قیین، که‌رده‌نش، که‌رده‌نشان، مه‌که‌رانێش و مه‌گێرانێش. دڵمان به‌ینه‌ و نه‌ینه‌ زووه‌ن که‌ردێنێشان به‌ مله‌وانێ و مله‌وانێشان. ته‌نیا ئانه‌یچه‌‌ نه‌ که‌ واتێبێت و واتمان و واتت هه‌ی هوو به‌ڵکووم گردینشان و هینه‌و گردو عه‌شیره‌یچ، به‌ تایوه‌ت په‌تاڵ پایه‌کان. ئه‌سڵه‌ن ئادێچ نه‌بانێ وه‌یلانێ و دڵ سۆتێ و پووش جه‌ستێ هه‌ر هه‌نێ بگێرانێشان ئه‌و وێشان و بنجه‌و مانایشان. وه‌یڕۆ و لچگازنایش نییه‌ن و نه‌گه‌ره‌که‌ن. چه‌مو ئه‌من و تۆ ته‌نیا دیارگاو دنیای نییه‌ن. تا قامی قییامه‌ت ئینه‌ به‌زمشه‌ن و بییه‌ن تا بییه‌ن. هه‌قه‌ن و وه‌شیچه‌ن هه‌ر که‌س به‌ حه‌ز وێش دنیای بووینۆنه‌. وێم هه‌نان و نه‌به‌زیچ مه‌زانۆنه‌ بنارو کراویه‌دۆڵیاوه‌لای و گردو ئی ده‌ره‌ رۆزگارانه‌ به‌ خییاڵ هه‌رکه‌س هه‌رچێوش واته‌بۆنه‌ کریان و بییه‌ن به‌ گه‌رده‌نبه‌نده‌و ملێ و دڵیی. به‌ شانازیوه‌ و بێ جیاوازی. باوجوا فره‌شان ئه‌وپه‌رو بێعاریچوه‌ و ده‌مو بێعاراوه‌ ڕازیایبانێوه و واچیایبانێوه‌‌‌. 

ادامه مطلب

طبقه بندی: فرهنگی و هنری، اجتماعی، ادبیات/شعر، زوانی هه‌ورامی، داریوش ڕه‌حمانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،هه‌نار مه‌هدی لالۆ حمه‌مرادی!/داریوش رەحمانی،
نوشته شده در تاریخ چهارشنبه 8 آبان 1398 توسط همایون محمدنژاد
ڕاو ئێمە"مانیفیستوو زوانی هەورامی (بەشوو۷)ی:کاکەڕەحیم غولاموەیسی

هەورامیێ بە پارێزناو زوانیشا چێروو چەرخوو تاریخیوە پێسەو مێللەتەکاتەری پانوە نەویێنێ و ئیسە بە کوڵیە جە مووچیاری ،پەند و تەجروبەی و مەژگیە پەڕ ،خەریکێنێ وێشا مەژووژناوە و فەرهەنگوو ئێنسان دۆسی وێش جە تەماموو دنیاینە پەرە پەنە مەدٚۆ. 

جە زەمانەو پاشایەتی ئەردەڵانەکا زوانوو دەسووری هەر پاسە ئەدەبی هەورامی بیەن، هەر جە لوڕێستانوە تا هەردەویڵە (اردبیل) پەی نموونەی مەتاومێ نامێ بەرمێ جە بڕیە ئەدیب و نووسەرەکا پێسەو: مەڵڵاپەریشان جە لوڕێسان و ئەڵماس خان کەنوولەیی جە کرماشان و میرزا شەفێع لزلزی جە بادینان ئەحمەدٚ بەگی کۆماسی جە مەحاڵوو کۆماسی یوسو ناسکە و فەقی ئەحمەدٚ و ... 
بڕیە جە تاریخ نویسەکا ساڵوو ۱۳۲ عەرەبی بە سەرەتاو ئەرە مەرزنای حکومەتو کوردی جە موسڵەنە بە پاشایەتی قبادی ئەردەڵانی مەزانا کە چا وەختەنە ئەوەڵین حکوومەتی هەورامیشا دماو هەڵمەتوو عەرەبی درۆس کەردەن، جە ڕاسینە ئەسڵ و ئەساسوو دەسەڵاتوو حکوومەتی هەورامی بیێنێ ، بەڵام بە بۆنەو یۆ گێرتەی چەنی سۆرانی، کورمانجی و کەلهۆری و... مەشهوور بە کوردی بیێنێ ، گیانی کەلیموو کوردی پێسەو عەرەب ماچۆ مێسداقوو هەورامین و هەورامی ئەهەم جە کوردین و گردی یۆنمێ، بەڵام کوردبیەی دەلیل و مێسداقوو هەورامی بیەی نیەن ، بە بەیانیە باشتەر هەورامی کوردەن وەلێم ئینە کە کورد هەورامی بۆ ئێمکانش کەمتەرەن و هەر پاسە جە بواروو زوانینە نیشانەشا دان کە نمەتاوا هەورامی با و فرە کەم بە هەورامی مەدوا . 
جە زەمانەو هەڵۆخانی ئەردەڵان حکومەتوو کوردەسانی فرە گەورە و بە هێز بیەن و بەینوو دوێ ملهۆڕی عوسمانی و سەفەوینە سەر بە وێ بیەن. دماو ئانەیە ئەحمدٚخان کوڕو هەڵوخانی بی بە زەماو شاعەباسی و واڵێ شاعەباسیش مارە کەردە ، ئی حکوومەتە بی فەرمانبەروو پاشا ئێرانیەکا و وەرە وەرە زۆرشا کەموە بی، کوتێوشا چێر دەسەڵاتوو ئاودٚیشا تا ڕادیە کە چی ئاخروە تەنیا شاروو سنەی کە وێشا درۆس کەردە بێ  پەیشا مەنەوە، ئەڵبەتە ئەشیۆم ئینەیە جە نەزەرە گێرمێ کە ئەردەڵانەکا چەنی ئێرانی وێشا بە یەک مێللەت زانێنێ و بە جیاوە بیەی نەوێنێ و یۆگێرتەیشا پروسیە تەبیعی بیەن و حکومەتوو ئێرانی وەرە وەرە مەحاڵوو تەختوو هەورامانیش بەزنان و مەحاڵوو گۆرانی(کەلهۆڕ) لەکستان(لەک) سۆران (بادینان)و حکومەتوو عوسمانی دیاربەکر هەولێر ،کوبانی و شارەزوورش گێرتەنەرە و مەحاڵوو شارەزووری چنە گلێ بەینوو ئی دوە دەوڵەتە مەزهەبیانە دەس بە دەس بیەن. هەورامیەکا بە فکروو جیاوە بیەی جە ئێرانی نەوێنێ چوون ئێرانشا بە ماوا وێشا زانان هەر پی دەلیلە ئەدەبیات سیاسی و یا ڕەگەزی درۆس نەویەن ، و ئەدەبیاتشا عاشقانە و دڵداری و بازیەچ کومەڵایەتی بیەن ئەڵبەت حماسەو کتە و مڵەی جە ئەڵماس خان کەنوولەی چیویە جیاوازەن و چکامیە رەسەنەن جە تالانو بەیاز و کتیوە هەورامیەکا و جە بەین بەردەشی بە دەسوو مەڵڵا ئایینیەکا. شێعر و ئەدەبی ئایینی فرەشا نوسیەن .نووسەرەکا بە فارسی یام عەرەبی نووسیەنشا، حەتی قەوڵوو زەمین و زاری و یانە و هەرپاسە مارەبڕیەیشا بە عەرەبی وەنەن و نوسیەن و حەتتە ئیسەیچ مارەبڕی بە عەرەبی مواناوە ئەجۆشا ئەگەر بە عەرەبی نەبۆنە کوڕ و کناچە مارەشا نمەی.
وەلێم کوردەکا چێر دەسڵاتوو عوسمانی پاسە نەوێنێ چوون رەگەز و زوانشا جیا بیەن و تورکەکا زڵمیە فرەشا کەردێنێنە و ئادٚیشا جگەم جە شێعر و دڵداری وئایینی شێعر کومەڵایەتی و ناسیوناڵیسمیچشا هەن و جگەم جە شێعرێ، نەسریچشا هەن  پێسەو ئەحمەدٚی خانی و حاجی قادٚری کۆیی. 
وەڵێ جە جەنگی جەهانی ئەوەڵی شێعرو هەورامی جە حەماسەنە و جە عێرفانەنە یاوا ئاخرین ڕادەو بەرزوو وێش، بە تایبەت جە مەحاڵوو ژاورۆی و کرماشان و سنەی ، ئیجا وەرەورە یاگێ وێش دا بە سۆرانی ، سورانی زوانیە شەریکین بەینوو هەورامی و زوانە کوردیەکا تەری پێسەو کورمانجی و... شاعێر گەورەی هورکوتی و پی زوانە شعریشا واتی پێسەو: مەحوی ، نالی ، و دمای هەژار و هێمن و قانێع . بەشیە فرە جە شلعر و کتیوە هەورامیەکا جە سەردەموو سەدٚو ساڵێ چێوەڵتەرینە  دزیای و بێ بە سۆرانی و سەرچەمە هەورامیەکەشا جە بەین شیەن . دماو جەنگوو جەهانی ئەوەڵی کوردەسانوو عوسمانی بە داخوە بەینوو تورکیە و سووریەی و عێراقی کوت کوت بی. 
کوردی تورکیەی وەنەی و نوسیەی بە زوانوو ئەدٚایشا چەنە قاچاخ بی ،بەڵام کوردەکاو سووریەی بە سۆرانی نویسێنێ و کوردەکاو عێراقی خزمەت گوزاریە فرەشا بە زوانوو کوردی کەردەن .ئەڵبەتە بەشێو سۆرانی و ئینە بی بە بایسوو ئانەیە ، سۆرانی پەرە پسانۆ و هەورامی بنیۆ کەناروە و وێش یاگێش گێرۆ  و بۆ بە زوانوو رەسمی و دەسووری بازیە مەحاڵە کوردیەکا .
ویراستاروو نویستەکەی:هومایون موحەممەدنژاد


ادامه مطلب

طبقه بندی: تاریخ، فرهنگی و هنری، ادبیات/شعر، زوانی هه‌ورامی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ڕاو ئێمە"مانیفیستوو زوانی هەورامی (بەشوو۷)ی:کاکەڕەحیم غولاموەیسی،
نوشته شده در تاریخ سه شنبه 7 آبان 1398 توسط همایون محمدنژاد
.: Weblog Themes By Abdollah Habibi :.

تعداد کل صفحات : 395 :: ... 3 4 5 6 7 8 9 ...