هه‌ورامان هانه‌به‌رچه‌م

ترازی میزانوو خودای

ژەنێوە بە گرەوە خۆڵەوە لوا خزمەتوو حەزرەتوو داوودی ، پەرساش : ئەرێ پێغەمەروو خودای ! ئانە ئا خوداوو تۆ هەق مدۆ بە هەق داری؟ یا زاڵما ؟
فەرماواش : خوداوو من هەق و هیچ کەسی مەفەوتنۆ هەگیزای هەرگیز زاڵمیچ نیا !
فەرماواش : واڵێ چێشت قومیان ونە ئینەیە پەرسی؟
واتش هێوەرژەنێوە نا بە یەرێ کناچڵێوە ، بە لەتەرە ڕێسای و کاموا وە چنیەی قووتوو زاڕۆڵام بەر ماروو .
هێزی شاڵێوم چنیەبێوە ،نیابێم تۆ دەسەڕێوی بەرووش بازار ورەشووش ،کەل و پەلش پسانوو پنە ،چی ئاسمانە سافەوە باڵدارێو سەوز بی دەسماڵەش ئەڕفانانێ چنە !
من مەنانێوە دەسی هاڵیوو سۆت و بریژوو لەممو زاڕۆڵام !
قسێ دەموو ژەنێوە نەبڕیەی بێ تەقەو بەرەیشا دریا !
حەزرەتوو داوودی فەرماواش کێنی بۆری چوەر . کتووپڕ دە نەفەرێ تاجرێ زیەینە بەرە ! حەرکامشا سەد دینارێ زەڕش ئاردەبێ خزمەتش ، پێوەرە هەزار دینارێ ؛ نیاشارە خزمەتش و واتشا هەئینەیە یاونە لا ساحیبیش .
فەرماواش : چی گردتا پێوەرە ئامەیندی و ئی زەڕە چکۆ وە ئامان چێشەکارا ؟
واتشا : وەڵڵا فڵانی ئێمە سوارێ کەشتیێوێ بێنمێ ، هەر ئاننەما زانا واو و بۆرانی وەڵاتش گرتەرە ! کەشتیەکێەما مڕیا و هەکش بێ گردما نقمێ بیمێ !
چا ئاسمانە سافەو خودایەوە باڵدارێو پڕۆڵنگێوی سوورش وسەرە پەیما ؛ وەختەکارێ کەردماوە شاڵێوی ئەوەچنیا بێ .
ترەکو کەشتیەکەیما سفت بە شاڵەکەی بەسەوە ؛ پی جورە ڕزگارێ بیەیمێ .
وردە وردە تووفانەکە نیشتەوە و ئامایمێوە قەراخوو ئاوەکێ . نەزرەما کەردێ بێ ئەر گیانی سالم بەر بەرمێ یۆ سەد دینارێ بدەیمێ ڕا خوداینە !
حەزرەتوو داوودی ڕوەش کەردە ژەنەکێ ، فەرماواش : گێرە . ها ! خوداوو تۆ بەحرەوە خەڵاتت پەی کیانۆ ، تۆیچ پەرسی ئەرێ  داخۆم خودا زاڵما  یا عادڵا ؟

هۆرەوەگێڵنای جە فارسیەوە :
ڕەحیم ڕەحمانی  
    @hawramanhaneberchem



طبقه بندی: ادبیات/شعر، زوانی هه‌ورامی، کۆڵه‌داستانه‌و هه‌‌ورامی، ڕەحیم ڕەحمانی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،ترازی میزانوو خودای:کاکه ڕەحیم ڕەحمانی،
نوشته شده در تاریخ یکشنبه 27 تیر 1395 توسط همایون محمدنژاد
.: Weblog Themes By Abdollah Habibi :.