هه‌ورامان هانه‌به‌رچه‌م


تاوەی سوورەوە کریا :کاکه ڕەحیم ڕەحمانی
تاوەی سوورەوە کریا


بارووڵ دایمەو خودای زیارەتەڵانەنە بێ ڕوێو نما کەرێ ، هاروونە ڕەشید چاگەوە ڕەد بی بلۆ کەشەڕاوە ؛ یاوا لاش ماچۆ بارووڵ ئانە چێش کەری ؟
بارووڵیچ وات : ئامانا دیداروو ئانیشا غەیبەتوو کەسی مەکەرا ، هیچ تەماعێوەم مەکەرانە ، دڵیم مەئێشنا و ....
هاروونیچ واتش : تاوی باسوو ‌ئەوە دنیەیو پردەو سێڕاتیو سۆال و جوابوو قەبرێم پەی کەری ؟
بارووڵ واتش واچە بە نۆکەرەکات چا سەحرایەنە ئەیرێو ( ئاویر ) کەراوەو تاوێوش بنیا سەر تا خاس سوور بۆوە .
هاروونەرەشید حکمش کەرد ئەیرەشا کەردەوەو تاوەشا وس سەرشوو خاس سوور بیەوە . جا واتش ئاها هاروون من پاخوروا(پاوروا) ملوەنەدلێ ئی تاوەیە مدروەرە تا نام و نیشانوو وێم بدەو واچوو چێشم واردەن و چێشم پۆرەن !
دمای من تۆیچ مشیۆ پایەکات پەتیێ کەری ، پێسە من بلیەنە دلێ تاوەکەیو نام و نیشانوو وێت بدەیو واچی چێشت واردەن و چێشت پۆرەن !
هاروون قبووڵش کەرد !
بارووڵ بە پای پاخوروا لوانە دلێ تاوە سوورەوە کریاکەیو ئازا واتش بارووڵەنا ، گڵێمە شەلەینێوەدرەدامانەم پورێنە و نانە یەوەینێ و سرکەم واردەن . ئێننە چەم بنیەی پێوەرە گورج وگۆڵ هاردێ وێش وێتێشوو ئێڵەکەیچش کەردەش دارەرە ؛ نەیاوا پا سۆتەی نام ونیشان و واردە و جل و بەرگوو وێش واتش .
بەڵام وەختێ نۆبەو هاروونی یاوا  تا ئاماوە دەسێ نامێو ئەلەموو قەلەموو وێش واچۆ بێخوو پایاش بی بە قەقنەس و پڕارە وار تاوەکەنە .
جا ئاوەختە بارووڵی وات ئاها هاروون حەسابوو قیامەتیچ ئاچامنەنە ئانێ چی دنیانە پەڕچینێ کەمێشا بیێنێو  هەژار و نەدارێنێ ، کەم سۆچا !
بەڵام ئانێ سەنگێ مەڕمەڕێو  کاخێ عەرعەرێو ئەلەموو قەلەمێشا بیێنێ ئای بۆ پڕووزشا هۆرزۆ !

هۆرەوەگێڵنای :
ڕەحیم ڕەحمانی



طبقه بندی: ادبیات/شعر، زوانی هه‌ورامی، کۆڵه‌داستانه‌و هه‌‌ورامی، ڕەحیم ڕەحمانی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،تاوەی سوورەوە کریا :کاکه ڕەحیم ڕەحمانی،
نوشته شده در تاریخ دوشنبه 4 مرداد 1395 توسط همایون محمدنژاد
.: Weblog Themes By Abdollah Habibi :.