هه‌ورامان هانه‌به‌رچه‌م

شێعرێوه جه کاکه عەباس غەریبی


ئەر چنار نازۆ کە بێ خەم پەی چەمات چەم چەم کەروو
یەک دەسەی هەر چێ چنارا پەی  چەما تۆ خەم کەروو



ئەر  چەمێ من  هەر  نەوینا  ئا چەماتە  من  ملوو
چێروو چەتروو ئا چنارا چوون چەمم نەم نەم کەروو


هەم  چنار  و  هەم  چەمێ  تۆ بێ  گونێنێ  لەیلەکەم
بەختوو وێم دانش کەمانم پەوچی یەکسەر کەم کەروو


ئێننە زووەن  چەم  نەوینانش  سیاوی  ئا چەما
ئەر ڕوێ وینوو چەما تۆ چۆن نەچیران ڕەم کەروو


چی دەمت گەرما وەنەم واچە هەتا کەی بێ وەفا؟
من جە ئاویرگا و لچا تۆ چای   زۆخاوا دەم کەروو


ئەر جە وەزعوو نامورادیم و زەلیلیم تێک شیەی
تف کەرە تا من تەوافی ئاوەکەی زەم زەم کەروو

من جە مەجنوونی جە فەرهادی نەدیم خەیر و وەفا
با وەلی بوو چوون پەپوولە سەیری باڵای شەم کەروو


ئەر زەمانێ بێ  نەپێویەی  نەی  وەراوەر  یانەکەم
پێسە شیشێ  ئی چەمامە  با  نەوینوو تەم کەروو


ئەی دڵەی  وێڵم   وەشی  کۆن؟..نادیار..یما  وەشا
وەقتوو کۆچوو ئاخرین با کۆچ و باریم جەم کەروو

عەباس غەریبی



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، ده‌گاو زاوه‌ری/روستای دز‌آور،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،شێعرێوه جه کاکه عەباس غەریبی،
نوشته شده در تاریخ دوشنبه 19 مهر 1395 توسط همایون محمدنژاد
.: Weblog Themes By Abdollah Habibi :.