هه‌ورامان هانه‌به‌رچه‌م

یاۮوو مامۆساهه‌یاسی؛ دۆسی ژیرم ؛ جه ویروو هه‌ورامانی بنجه‌ش ده‌ینه‌ره


یاۮێو جه مامۆسا هه‌یاس غه‌ریبی :هومایون محەمەدنژاد

دمایی واته‌و مامۆسا هه‌یاس غه‌ریبی
 جه کۆگاو زوانی هه‌ورامی

سلام و ده‌سوه‌شی په‌ی جه‌نابیت کاکه هومایون گیان مه‌گه‌ر به‌خشیما که‌مته‌ر به‌شدارنا جه گروه‌که‌نه
ده‌رزه به‌رتنا
لوکه‌نتنا

دڵه ئای داخان په‌نه‌م وه‌رده‌نت    ئای وه‌شی دنیا چه‌نه‌م به‌رده‌نت  
وسته‌نات  جه‌نگوو  دیده سیاوا     ئه‌گه‌ر کوشیانی ، ونیم گه‌رده‌نت

بەشەر چەنی بە ئاماو وێش هاگادار نیا و بە لوا و کوچۆ وێچش هیچ زانیاریوش نیا؛مامۆسا جە ڕۆ 20مانگەو ترازیێ(مێهر) 1394 کوچی ڕۆجیاری جە ڕاو هەوارۆ وەشەسیاییش؛بەنەنی؛یانە جیاییش کەرد و جە یانەو تاقانە وەشەسیایش؛ماواش بەستەو و بە لوایش هەورامان غەریب تەر بی.ئاواتم ئانەن جوانەکاو هەورامانی هەیاس ئاسا بە فەرهەنگ و ئەۮەب و زوانی هەورامی شانازی کەرا و ڕاو ویروو ئاۮیشا وەروو چەمیشا بۆ.  
 مەندێ وەشینە ؛ ژیوایتا بە وەشی  
 براتا:هومایون محەمەدنژاد/ مەریوان
 20ڕابرانوو1394کوچی ڕۆجیاری
https://telegram.me/hawramanhaneberchem
***********************
ئیشەو چە درێژە شەوێوە غەریبەنە

جە ئەوپەڕوو درێژایی بێ دەسەڵاتیوە بە دڵێ مانیاو بێ وەقرە
پێسه تەمام شێتێ                     
کە شۆنوو ماوێوە
بێ سەروو شۆنیرە
بزیۆوە دیارگات ...
منیچ دماو ساڵێ
پیماو دەورمەیدانوو
وشکە ئاواتاوە ..
بەبێ هیچ خەڵاتێ
مزیەونە دیارگات و
سڵامێ برایانەم هەن خزمەتتنە
 کاکە برا و مامۆسا هەیاسی  وەشەویس
ناتێق ژیواری
*************************************
ساڵە وەختێوەن بە خوڕڕەم، هەرسی وارا چی چەما
حاڵەتێ  سەختا  خەمێ ، هووناوە  مارا  چی چەما

باخە سۆتەو هەر کەسی تەژنەن جە بێ ئاوی بەیا
جۆ و سەراوێ  هۆرکەرا  و ئاوی  بدارا  چی چەما

ئەر  چی ماوێوەن  گەلاوێژ  کەوتەن  و  کەم ئاویا
پی کەم ئاوی قرمە هەرسارێ و وەهارا چی چەما

خاتراتوو  خاترو  خاتر وەشا، تەقنان چەمێ
تافەلافاو، قەڵوەز و جۆ و، ئابشارا چی چەما

تازە مەر وەرموو شەوا وینمێ عەزیزێ بێنێ بان
پا  وزا  کانەو  گلێنەیم ،  تک ونارا  چی  چەما

بی  به‌ هووناو  و  جە  دیۮەم  تاقەتم  مجیارە وار
کەس مەزانۆ ئی خەمێ چی کەوتێ سارا چی چەما

مەرۮێ ئازیزێ و بە زاهێر چۆڵ و هۆڵا هۆبەشا
دڵ  هەوارشان،وێنەشا هیشتا دیارا چی چەما

دیۮەکەم تا دەورە مەحموودی سپارۆ ئەو مەزار
تۆ  هەیاسمنی  و نگارەت هەر دیارا چی چەما

وێش حەشار دان چی چەماو مننە و تەماۮارا دڵم
ئی  چەم و  ئەو چەم وزۆ دڵ میرشکارا چی چەما

تاسەباری  پێسە من  ئەر کریۆ عاڵەم بۆ  ونی
ئێننەشا هەرسی متێنێ چەم بێزارا چی چەما

ئیسە "سەعدی "یەک دڵۆپ ئاوی ئەگەر تکنۆ دەمش
بۆ  دوێ  قەترێ  و  چەنی  داخا  چکارا  چی  چەما

#سه‌عدی_غه‌ریبی
بە بۆنەو ساڵ ئەوە گێڵوو دماین کۆچوو مامۆسا هەیاسی ئازیزی چەنی عەرزوو سەروەشی بە خەفەتباراو ئی مقەددەری بە تایبەت کۆمەڵگاو فەرهەنگوو ئەدەبوو هەورامانی ئازیزی
******************************
پەی ساڵیادوو برا نازارەکەییم و ئازیزەکام

ئینە ساڵێوەن کە بێ تۆ دیدە مارۆ هەرسی سوور
پەی ڕوانە و هەرسە سوورا کوڵم و زنجم با پلوور

تاقە  کۆنەو  ئی چەما  بێتاقەتوو  تاقوو  چەمات
چێش کەرۆ بێ تاقەتا خەیلێن مەوینۆ  بێ حزوور

دیدە  زووەن  عەزرەتا  پەی خاکوو پاڵاکە و  پەیات
مەڵهەما پەی دیدەکەی من مێڵی پات و خاکی توور

نانوو شێتیم  سوور و  سنجا ڕازنان  سفرە و دڵیم
تاقەتوو من بی هەمیر و هیجر و تۆ وێنەی تەنوور

زۆقم و بۆرانێ عەجیبا یەختەسارا سەر دڵم
سەر دە لاما بدیە پەیما ڕۆجیاری شارەزوور

شۆنوو   تۆرە   من   مەوینوو   عاقڵێ  با عاشقێ
شەرمەسارا پاڵوو تۆنە عەقڵ و ئێحساس و شعوور

چن وەشم بێ یانە پەڕ بێ دەنگوو ڕەنگوو شێعرەکات
ئیسە  یانەم  چۆڵ  و  هۆڵوو بی  هەوارێ بێ سروور

چن   نزیک  بێنێ   بەهەشتی  تا  نزیک  بێنێ  بە تۆ
ئیسە ساڵێن دوور جە تۆ دوورا بەهەشتیچ دووری دوور

هۆر نمێ هێزوو هێناسەم بێ هێناسە و سینەکەییت
دادەی   ئازیزم  هێناسێ ، پەییم  زەروورا رێ زەروور

وێم  بە شانازی بیەی  تۆ بەردەبێ  هۆر ئاسمان
ئیسە شێت و لاشە تۆزین،بێ ڕەفێق و بێ غروور

چن  عەجیبا  تاسۆعانوو عاشوورانوو کۆچوو تۆ
بەیدێ هەورامان زیارەت کەربەلایێن بێ سنوور

خاک و خۆڵی سەر زەمین پەی من حەراما بێ هەیاس
چێر  زەمین   فەرزا وتێنێ  گۆڵ عۆزارێ   چۆن چنوور

کەی وەژی ئەی مەردەشۆر جامەی سیاوی ..نادیار..؟
کەی وزی ڕا کۆچە کەو من وێم و جامەی چۆن بلوور
عەباس غەریبی



طبقه بندی: فرهنگی و هنری، اجتماعی، ادبیات/شعر، تاریخ، زوانی هه‌ورامی، شهرها و روستاهای هورامان، دینی ومذهبی، تسلیت ها، هۆمایون محه‌مه‌دنژاد، مامۆسا هه‌یاس غه‌ریبی، سه‌عدی غەریبی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،یاۮوو مامۆساهه‌یاسی؛ دۆسی ژیرم ؛ جه ویروو هه‌ورامانی بنجه‌ش ده‌ینه‌ره،
نوشته شده در تاریخ سه شنبه 20 مهر 1395 توسط همایون محمدنژاد
.: Weblog Themes By Abdollah Habibi :.