شێعره‌کاو خاتوو ئامینه ڕه‌حیمی(ژوان)

با چووزە بد٘ۆ سەوزە خەیاڵ، بد٘یەوە لا دەی

با شێعرە نەبۆ قڵوە زۆخاڵ، بد٘یەوە  لا دەی

دەنگوو غەزەڵێم گڕ بێ ئەگەر فەسڵە خەزانەی

بەیتەو  چەمەڕاییم کەرۆ قاڵ ، بد٘یەوە لا دەی

وەش سوورە هەنارا چنۆ گوڵ دامەنەکەیمەو
ئا زەردە  گەڵایا  کەرۆ  شاڵ،  بد٘یەوە لا دەی

نامێت چڕۆ  باخوو   مێوە   دەیمانە    سوەیلیچ
مەس نیشۆ شەراب،مەی کۆنەساڵ!بد٘یەوە لا دەی

هەر چن کە خەمێ مجیێ بە ملما گەلەکۆمە
ئاواتێ هەڵای کرچێنێ، کاڵ ، بد٘یەوە لا دەی

#
ئامینه ڕه‌حیمی(ژوان)
وەهارانەی چەنی وەشتی بیەی یارم، نەواچی نا
تریفەو تۆ  کەرێ ڕۆشن  چەمی تارم  نەواچی نا

بە شەوقوو سەوزە ئەشقیما گوڵێ کەرشا سەماو مەیلی
هەزار  تاسێ   زیەی  چا ڕۆ  جە  گوڵزارم ، نەواچی نا

نەنیشتی تا ڤلەو سوورەو هەناروو باخەکەی یاوۆ
بەخێڵی  پا فچەو پایزی  بیەن کارم،  نەواچی نا

ئەگەر جارێ بە چەم وینی هەراڵەم ماچ کەرۆ خاکی
کەری  باوه‌ڕ  بە ناوچاوی  سیای لارم،  نەواچی نا

دەسی هاڵیم جە دامانوو کۆساری ڤەر مەد٘ەو هەرگیز
هەتا  نۆشۆ  هەناسەو  تۆ ،  دڵی زارم ،   نەواچی نا

#ئامینه ڕه‌حیمی(ژوان)



طبقه بندی: ادبیات/شعر، زوانی هه‌ورامی، ئامینه ڕه‌حیمی(ژوان)،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،شێعره‌کاو خاتوو ئامینه ڕه‌حیمی(ژوان)،
نوشته شده در تاریخ سه شنبه 4 آبان 1395 توسط همایون محمدنژاد
.: Weblog Themes By Abdollah Habibi :.