هه‌ورامان هانه‌به‌رچه‌م
ئێعتیاد زامێە بە ئەندازه‌ودنیای
ئانزان یام ئینسان هەمیشە جە دەورانوو شکڵ گێرتەیش تا ئیسە بە شۆنوو ڕاحەت تەڵەبی و وەشی‌هایێوە پەی ئامێتەکەردەی دلێ ژیوایش بیەن وگێڵان، ئیسە ئا ئەبزار و وەسیله‌کایچش یا چەنی بۆ یا بیەبۆ پەیش تەوفیرش نەبیەن، هەمیشە جە شیرە یا شۆتووگژ وگیاوی چێوایەشا بە دەس ئاردەن کە هەم زەخم و ناوەشیش پەنە عەلاج کریان وە دماتەر پەی ئارامش و ڕەوان و دەروونی چەنەشا سوود هۆرگێرتەن، پێسەو تەماکوی یا هەنگووری ئیسە بەشێوەهایێو جۆراوجۆر، چی دەورانۆ ئێمەوە گێرە وەڵتەریش حاکمەزۆردارەکاو دنیای پەی زاڵ بیەی سەروو مەردمانێوە هەژار و یاگایەتەری پێسەو ئەسڵحیە موحکەم بە کارشا ئاردەن، جەویردەهای دووری ئیستعمارگەرەکا پێسەو پۆرتەقاڵی و ئیسپانیا و ئینگلیسی و...کە چەمشابڕیه بێ سامان ودەوڵەمەنی وەڵاتەهەژارەکاوتەری جە ئامریکا و ئافریقا و ئاسیای بە ئاوردەکەردەو مەعجوونایێوه پێسەو مەشرووبی و مەوادی،
هەم خەڵکەکەش پەنە سەرگەرم کەرێنێ و هەم پێسەوکارەکەری وکڵفەتی کارشا چەنە کێشێنێ و دماتەر پاشەکەوتوو ئادیشا بە تاڵان بەرێنێ،ئانە داستانەوهێزی ئادیشا بێ،ئارۆ بە پەرەسەندەی وگۆڕانکاری جە شکڵ و تاموو نەوعوو مەوادەیرە مەردمی هەژارکەوتێنێ وەروو ئی هێرەشە یانەوێرانکەری.
ڤێتنام، کامبۆج، کۆلمبیا، مکزیک وئەفغانستان و....یاگایەنێ کە پەی درۆسکەردەومەوادی و پەخشەوەکەردەیش بە دەسوو قاچاخچی و باندێوە مافیایی دنیاشا قەبزە کەردە، وەڕۆبەڕۆ موعتادەکا زیاد کەرا، هە رچن بڕیە وه‌ڵاتێ و سازمانە جەهانیەکا پەی ڕیشەکەنیش هەنگامێ فرێ هۆر مەگێرا،بە‌ڵام جە راسیەکەش گردی هامدەنگێ نیەنێ،و مافیا یانی دەسەو قاچاخچیەکابە زەڕ و زۆر کەسانیە دەسەڵاتدارێ دلێ حکوومەتەکانە هەنێ جە پەشتیشاوە؟ئێنسانی مۆعتاد کە تووشیارەو ئابیماریە بۆ فرە بە سەختی مەتاوۆ دلێ ئا لێڵاوینە بەربەی. کەسانێوە کە جە تەنیایی و مەرافێعەویانەی و بەزیای جە ژیوای و کار و جۆرایەتەر نائۆمیدێ گنا پی بەڵاێرە، تەنیا وێشا و ئانووچکەو واردەی و هۆرمژیەیە پەیشا فەرزەن، مەشیۆ ئێمە ئانە وەرچەم گێرمێ کە فرێە ئه‌چا مۆعتادانە کەسانێوەنێ کە میزانەو ویر وهۆشیشا فرە هەن سەرەوە، بە‌ڵام چوون دنیا و دەروونشا بە ئاوات نیاوان گناپۆرە،وە هیچ چێویە پەیشا مەلاک نیەن نە خانەوادە نە ئەدا و تاتە وە نە واڵە و برا،تەنیا جە تەنیایی وێشا وەشبەختێنێ و ئا کەسانەکە هام ڕەفێقێشانەنێ. بەر ئامای چی گومێنە فرە سەخت بە‌ڵام کەوتەی پۆرەش ئاسانەن ، ماچا هیچ کەسیە ئەننەو دەرداریە چی دەردێ نمەزانۆ، یۆ چا کەسا کابرایێوەن کە سی ساڵێ ئالوودە بیەن وە تەماموو هەستی وێش دان بە تاڵان، بە‌ڵام  ئیسە پەشتیش چەنە کەردەن و  وێش ڕانەماو فرەو کەسانێوەتەرین وە گێرە تا ئیسە هەزاران نەفەرێش نەجات داینێ، لالۆ....پەی دووربیەی چی دەردە گەورەیە ماچۆ:مەشیۆ هەمیشە یانە پەڕ جە ئارامش بۆ،ئەدا وبابە ڕاوەش کە رەو خاسە و خراوە و زاڕۆڵه‌ینێ، ئا چێوانە کە مەزاندێ مەدۆ لێ زەوقیرە  پێسەو قسە تاڵێ و کێ پێسەنەو کێ پاسەنە فڵانی چێش و فڵان کەس پاسەو،ئەمر و نەهی بێ یاگێ و سەرکۆت کەردی .... فرە خەتەرناکێنێ وە ئانە بە رەوازکە ردەێ پەی باوشی ئیعتیادین، تا مۆعتاد وێش سەرەش بە زەمینی نوەرۆ کەس مەتاوۆ دلێ مەوادینە بەرش بارۆ؟ پەی بەدەس ئاوردەوئارامشی کە خانه‌وادە مۆعتادەکا فرە نیازشا هەن پەنە پەنابەردەی بە ئەنجومەنەکانەن کە بە شێوەو گلێرەبیەی جە دلێ شارەکانە بە ئاسانی مێزیاوە.کە مەشهورێنێ بە نارەنان،ئانەیچما ویر نەشووە کە ئادیشایچ کەسانێوە پێسەو ئێمەنێ،وە حەقوو حەیاتووژیوایشا هەن،حکوومەتەکا مەتاوا بە فەرهەنگ‌سازنای وە نیشاندای ئاقیبەتوو ئی کاریە هەنگامیە گەورە هۆرگێرا، بێکاری،گرانی وە نەبیەی دمارۆی ڕۆشن،گەورەتەرین خەتەرەن پەی ئالوودەیی جوانا، ئەمنیەت و ئاسایش و ئارامش و هه‌رمان و کار، گەورەتەرین وەشبەختین پەی هەر وەڵاتیە، وە پا ئاواتەوە ئێمەیچ چەمەڕاێنمێ.
نویسه‌ر:سه‌باح حه‌سه‌نی شیانی
ویراستاری و وه‌ش که‌رده‌ی نویسته‌که‌ی
:هومایون محه‌مه‌دنژاد



طبقه بندی: اجتماعی، ادبیات/شعر، زوانی هه‌ورامی، سه‌باح حه‌سه‌نی شیانی، هۆمایون محه‌مه‌دنژاد،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،ئێعتیاد زامێە بە ئەندازه ودنیای:کاکه سه‌باح حه‌سه‌نی شیانی،
نوشته شده در تاریخ یکشنبه 16 آبان 1395 توسط همایون محمدنژاد
.: Weblog Themes By Abdollah Habibi :.