شێعرێوه جه مه‌ڵڵاعه‌بدولوه‌هاب ئاریانی(مامۆسابه‌دبه‌خت)

هه‌ورامان هانه‌به‌رچه‌م

دڵە      پەشێوەن،       دڵە     پەشیوەن
دڵە     خاترت،       تەمام        پەشێوەن

ڕوی   زەرڐت،    گەرد ،   ماتەمی   پێوەن
دیڐەت   ئینتێزار ،     ئامە شۆی     رێوەن

چەنی  گەرد  خەم،  دوو   دیدەت    تارەن
گۆمان    بۆ    باڵای ،     یار        نادیارەن

ئازیز  کەرڐەن  کۆچ،    جەی    مەکانەوە
دڵ   جیا   مەندەن،      نەی      وێرانەوە

دڵە    واتم    پێت،    قەوڵت    نەکەردام
ئێسە های  نە  بەند،   زەنجیر   تۆڕ و دام

نیەن   جای    ڵومە،    جەفا       کێشانت
بە   نێش    دووری،     دەروون     ئێشانت

بسۆزە   بە   سۆز،        ئاهێری     فێراق
بەڵکەم   دووی   سۆزت،   یاوۆ  بە  ئافاق

دەی    سا   بناڵە،    ڕای   نەجات   نیەن
با ناڵەت بەرز  بۆ ،  سەخت   جەفا   دیەن

ئەر   تەئسیرێ  بۆ،    جە   ناڵەی  ناڵەت
بەڵ  گێلۆ  دەوران ،  گەردوون  وە  تاڵەت

وەر نە  تا   دنیان،      بناڵە   پەی  وێت
وێت بە دەسی وێت،  ئاهێردای  بەوێت

"بەدبەخت"دڵ یەکسان، ئاهیر سەندەوە
حەقش  وە  دەستەن،   جیا    مەندەوە

#مه‌ڵڵاعه‌بدولوه‌هاب ئاریانی
(مامۆسابه‌دبه‌خت)






طبقه بندی: اجتماعی، ادبیات/شعر، زوانی هه‌ورامی، مه‌ڵڵاعه‌بدولوه‌هاب ئاریانی(مامۆسابه‌دبه‌خت)، سەفووەت ئەمیری(کۆچەر)،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،شێعرێوه جه مه‌ڵڵاعه‌بدولوه‌هاب ئاریانی(مامۆسابه‌دبه‌خت)،
نوشته شده در تاریخ چهارشنبه 19 آبان 1395 توسط همایون محمدنژاد
.: Weblog Themes By Abdollah Habibi :.