هه‌ورامان هانه‌به‌رچه‌م


کتێب وەنەی جەدنیاو ئارۆینە!؟

هەر   چێ   مەزانی     وەرتەر    بزانە

ئانەی        مەزانی     وەرتەر    بوانە

وەنەی پەی زانای زانای پەی کەردەی

کەردەی   مەگێرۆ  گوڵ  دماو مەردەی

                                            (مەڵڵاخدری ڕواری)

زیاتەر جە 300ساڵێ چێ وەڵی مەڵڵاخدری ڕواری ئی واتە بە قیمەتشە نیانەرە وەرپاو ئارۆ ئێمە،جا پەی ئانەی خاس چەنەش یاومێ مەشێو ویرجە نوختەبە نوختەیش کریۆ!جە مەحاڵوو وێما بە بۆنەو بیەی عالمایە گەورە و وە کەسانێوە چەنەئاما و ژیرێ و قسەوەشێ وهۆنیارونویسیەرێ فرێ،مەرڐموولایما زیندە و فرەتەرجە یاگایەتەری زانا و داناشاچەنە هۆر کەوتەن،کتێبخانەو ئێمە یانە و مزگی،خانەقا و تەکیەکابێنێ کە هەرکامشا بەحۆجرەیە ویقلانە جە ویەردەنە بە هەزاران کەسێ پێسەو مەولەوی، بێسارانی،میرزاشەفێع پاوەیی، سەیدی، مەهجووری، عەبدولکەریم مۆدەرسی وئایەتۆڵڵامەردۆخ و... پەروەردە کەرێنێ و دماتەر ئادیشایچ بێنێ بە مامۆسا و ڕانەما و هەزاران کەسێ تەرێ،بەڵێ ئینە عێلمەن کە جە وەنەی بەدەس مەی،وە وەنەیش جە کتێب و کتێبخانەکاوە مەی بەر،ویەردەنە ڕاز و حێکایەتی و...سینە بە سینە کریا بێ کتێب وکتێبخانە،وە مەردم پاسنە سوودش چەنە گێرێنێ.

ئارۆ ئانەی کە لازماتووبەشەری بۆ هەن وەردەسوە کەس نمەگنۆ زەحمەت پەی دەس ئاردەیش،ئیسە یاگێ داخ و پەژارەین کە هیچکەس وەختش نمەنیۆرە کە مانگەکێنە ؛کتێبیە وەنۆوە! ئەگەریش بانێ فرە کەمێنێ،و یانێشائانەنە ماچابە بۆنەو ئامای تکنۆلۆژی تازەیوە کە دنیاش گرتەنەرە نیازنیەن وێت بینی بە ویەردەێوە؟پەێ ئانەیە بە مۆبایلیە سادە گرت چێویە بەدەس ماری،؟!مشیۆم پێسەو ویەردەی ئەڐاوبابە فرە تەرهەنگامێ هۆرگێرا پەی فێرکەردەو زاڕوڵەکاشابە وەنەواری(وانای) وکتێب وەنەی،وە پاسە سەله‌مناش کە تەنیا ڕاو بەدەس ئاردەی هەرئاواتووئارەزوویە وەنەی وەنەی وەنەین،هەمیسان پێسەومەڵڵاخەدری فەرماوۆ:

موتالێعەی  خاس  بێداری شەوان

تەرەقی  مەڐۆ دیدەی  بێ خەوان

قەڵەم   و   دەوا  دایم   ببۆ  پێت

هەرچێ مەزانی بنویسە پەی  وێت

تا...بەڵێ ڕاسەن گرت کەس مشیۆ بەیوە سەرووئاڕاسیەیە کە کتێب ومۆتالێعە گەورەتەرین دۆسووڕەفێق و ئانزانیەن!..وە ئانانەی ئی ڕایشانە بڕیەن دماڕۆشا ڕۆشن و وە ردەمشابێ چاڵە و چۆڵەن،یانێ ڕاو ژیواو و چەنی ژیوای کەردەیشا ئێستەنوە،وە فرە بە ئاسانی لکه کۆرێ لێ ژیوایشا مێزاوە،یانێوە کتێبش چەنە بۆ ئاودانی مارۆ وە کەسانێوە مۆتالێعەش کەرا زانایی ودانایی فرەتەرشا هەن،پا ئاواتەی وێما خاس بژناسمێ وە بزانمێ چەنی وێما بە وەنەواری و موتالێعە کامڵ و تەکمێڵ کەرمێ،پا ئاواتە.

نویسه‌ر:سه‌باح حه‌سه‌نی شیانی
ویراستاری و وه‌ش که‌رده‌ی نویسته‌که‌ی
:هومایون محه‌مه‌دنژاد




طبقه بندی: فرهنگی و هنری، ادبیات/شعر، زوانی هه‌ورامی، نوشتارهای همایون محمدنژاد، هۆمایون محه‌مه‌دنژاد، سه‌باح حه‌سه‌نی شیانی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،کتێب وەنەی جەدنیاو ئارۆینە!؟:کاکه سه‌باح حه‌سه‌نی شیانی،
نوشته شده در تاریخ جمعه 28 آبان 1395 توسط همایون محمدنژاد
.: Weblog Themes By Abdollah Habibi :.