هه‌ورامان هانه‌به‌رچه‌م


دوێ غه‌زه‌ڵێ جه کاکه په‌رویز بابایی

دیۮه‌کێم تۆ ئاخر و ئاقیبه‌توو شێعرێمه‌نی
تا شێعر وانێوه‌ هه‌ورامی بمانۆ تۆ هه‌نی

دوورۆ که‌وته‌و تۆ جه‌ من مانایه‌ سۆڵه‌ش نا په‌نه‌
بۆرێ به‌ش وینووت به‌ چه‌م دنیا په‌ڕه‌ن که‌له‌و قه‌نی

ها نزیکه‌ن جه‌زره‌وێ چنگێ وزا ئه‌و ناقوو من
ئه‌ر نه‌بۆم ئاواتوو تۆ داخه‌م چه‌نی مانوو  چه‌نی؟

دوانزه‌ عێلمه‌و ئاشقی ئه‌ر بۆ مه‌زانی وێمه‌نا
دوانزه‌ عێلمه‌و ناز که‌رده‌ی ئه‌ر بۆ ته‌نیا وێته‌نی

من لچێم وشکێنێ تا یاوو په‌نه‌ت واچوو سڵام
تۆیچ پێسه‌و جاران به‌ شه‌رمینیوه‌ په‌رسی چه‌ینه‌نی

مه‌وله‌وی کۆن تا په‌نه‌ش واچوونه‌ شه‌نیه‌ر ئینه‌ ها!
دوێ شه‌نێت دیێ بیه‌ی به‌ مه‌عدووم من مه‌وینوو سه‌د شه‌نێ

شێته‌نا حه‌قته‌ن چه‌نه‌م دوورۆ گنی هۆ شێعره‌کێم!
شێتێ که‌ی ئاگاو وه‌شه‌سیایی مه‌زانا و دوژمه‌نی؟!

#په‌رویز_بابائی

شێعره پەی دڵ  دای  بۆ یا دڵ کەنەی؟
مەردەیەن،یا نا هەناسەن پەی مەنەی؟
واچە شێعرە  پەی  خودا گیانی مەوۆ
یا نە ، ئاییچە  ڕییایەن  پەی  بەنەی؟
  شێعرە خەیرەش ئاخۆ پەی من کامەنه؟
 بێ   تۆ    پاڵایەن     مدڕیۆ    پامەنە
سەوزەڵانێ پێسە سەوزەو سەرکەشا
شاعیری   وەختێوە   لامۆ بی وەشا
من    مزانو    تا چەنەم دورۆ گنی
شێعرێ  یۆ یۆ دەوروبەرمۆ بەرمەشا
شێعرێم ئەجیۆ سێوەریۆ تۆنێ هەتا
تۆ   ملی   ،  ئاییچێ   شۆنیتۆ  ملا
ئایرو    ئەشقو    تۆ باڵیم  سۆچنۆ
یا     زوانو    گرم وقاڵیم   سۆچنۆ
ئەر ئەمن سۆچو بەتون تەرسەم هەنە
ئەندە    گڕ   گیرۆ   خەیاڵیم  سۆچنۆ
 ئاخۆ    تۆ   تەنیا   خەیاڵەو وێمەنی
 وێت بە هەوماڵیچ  نەزانی  چێمەنی
هەیتە واران بێو من و تۆ ،یادتەن؟
پێوە  بێنم  شەویە تا ڕۆ ، یادتەن؟
یۆ یۆ شێعرێما وسێوە ویرو یۆی
پینەکێما کۆشتێ یۆ ێۆ ، یادتەن؟
 تۆ لواینی و من مەنێناو وەرمەکێم
     وەرمە پڕ هۆمیدەکێم ،دڵ گەەرمەکێم
      تەژنەیی ، ئاو  مەماڕۆش ، تاسە،  تۆ
بێ خەیاڵی،من کۆشۆ،ئی باسه، تۆ
"وارۆ     واران  بۆوگۆلی   هۆرێزنۆ
    بەشکە واری روەو دڵیمۆ، پاسە تۆ"1
  خۆزگە شادی بگنۆ  هەمتەر نۆبەما
     خ،دا  مەوخشۆما  بماڕم تۆبەما

هەورێ بەشکەم ئاسمانێ چوڵ کەرا
تا هەسارێ دانەدانە گوڵ کەرا
تۆ چەمێت شیرینی بوزا شێعرەکام
وەشتەرەن،تا ئاخێ هەڵسێم سوڵ کەرا
     تۆ دەسو شێعرانو ئەمنۆ بەرمەشی
     پاسە زانانت چەمت مەگنۆ وەشی

شل پێسەو ئاوێ گنی ڕا مەینەوە
سێوەرت نەی تاق و تەنیا مەینەوە
ئەر نیاوینە بە ئەشکۆفەیمەرە
ئەوەڵین وەرڤێوە وارا مەینەوە
     هۆ وەشەسیایی،وەشەسیایی سڵام
     پێسە ڕۆی ڕۆشن بێ لامۆ مەینە لام

وەختێ پاڵاو ئاشقیما پانە با
بێخەمێنم سەختێ با ڕای یا نەبا
ئیمە دڵما زوتەری یاوان به یۆی
قاچێما هێشتا بەزەمنەم ڕانە با
     بێ خەیاڵت بونە ئەجیۆ مەیتەنا
     تا مەنێنا ماتڵ و ئامەیتەنا

#په‌رویز_بابائی
"1"ئی بەیتێ ئنو کاک وەفا فەرهادیەنە



طبقه بندی: فرهنگی و هنری، ادبیات/شعر، زوانی هه‌ورامی، په‌رویز بابایی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،دوێ غه‌زه‌ڵێ جه کاکه په‌رویز بابایی،
نوشته شده در تاریخ جمعه 28 آبان 1395 توسط همایون محمدنژاد
.: Weblog Themes By Abdollah Habibi :.