ڕۆچنێو په‌ی دیداروو شێعرێ هەورامیێ قه‌دیمی

پێشانیم هه‌وه‌س زانووش  جازمه‌ن
ته‌عزیم     جه‌ناب    پیری    لازمه‌ن

باڵا  که‌رده‌وه‌  مه‌یل ئه‌و لای په‌ستی
وردیکڵانه‌ن     ده‌روازه‌ی    هه‌ستی

مه‌عدوومی که‌رده‌ی به‌دی هه‌زار ته‌رز
زانووی   ئومێدت   ناوه‌رۆ  ئه‌و  له‌رز

ئه‌و  که‌س  مه‌زانۆ   سه‌تتاره‌ن   ئارۆ
جه‌و  بزورگته‌ره‌ن  شه‌و  ئه‌و ڕۆت نارۆ

سفیدیت قه‌ڵغان په‌ی ڕووی سیات بۆ
که‌مانیت    شه‌فێع    تیر   دیات  بۆ

نمه‌بۆ    پیری   و   ته‌ن    ناته‌وانیت
وه‌ی  دوو فه‌رده‌وه‌  ئاوده‌س  جوانیت

عه‌زابم  ئه‌ر سه‌د  جه‌  حه‌د  به‌رشیه‌ن
جه‌  ڕوو    سیاییم    گرانته‌ر    نیه‌ن

من که‌  خه‌جاڵه‌ت  خزمه‌ت  ئاما  پێم
جه‌هه‌ننه‌م سه‌دساڵ دۆزه‌خ بۆ وه‌ جێم

موترێب    بۆ    وه‌    داد  دڵگیریمه‌وه‌
پیری     ها     ئاما     وه‌    پیریمه‌وه‌

نه‌وات     وێرانه‌ی     دڵ   که‌رۆ   ئاوا
چه‌نی   به‌سته‌ی   فه‌رد  "بێساران ماوا"

"ئانه‌  گرد  جه‌  وه‌خت  نادانیم  بیه‌ن
فه‌سڵ  سه‌رمه‌ستی  و  جوانیم   بیه‌ن

ئیسه‌  ها  جه‌  گشت په‌شیمانیم به‌رد
فه‌سڵ     پیریمه‌ن    جوانیم    ویه‌رد

واده‌ی    پیریمه‌ن    یاوانم      نۆبه‌
نۆبه‌ی    تۆبه‌مه‌ن    که‌ره‌مدار   تۆبه‌"

#مه‌وله‌وی

شیرین    نیاوه‌    ،    شیرین   نیاوه‌
په‌ی    سفته‌   دڵان    پڕشنگ نیاوه‌

په‌رده‌ی   سیاماڵ      هۆردا  ، دیاوه‌
چوون مانگ نه‌ گۆشه‌ی هه‌ور  سیاوه‌

ئه‌رسه‌د مانگ دارۆ شۆڵه‌ی شه‌وق نوور
که‌سێش  په‌ی نیه‌ن  په‌روانه‌ ده‌ستوور

ئێد  چن   په‌روانه‌ی    چانفێدا دارۆ
په‌ی دینش جه‌ دوور گیان مه‌سپارۆ

یه‌کێ  جه‌   وانه‌  منه‌نان   هاڵا
بڵێسه‌م  به‌رده‌ن  ناڵه‌م  وه‌  باڵا

هه‌ر شه‌مێ که‌سێش په‌ی سۆزان نه‌بۆ
سه‌ی  ئه‌و  شه‌م  هه‌رگێز  فرۆزان نه‌بۆ

#بێسارانی


ده‌سوه‌شی کاکه عه‌بدوڵڵای حه‌بیبی که‌رمێ
په‌ی ڕێک وسته‌ی شێعره‌کا




طبقه بندی: فرهنگی و هنری، ادبیات/شعر، زوانی هه‌ورامی، دینی ومذهبی، مامۆسا بێسارانی، عه‌بدۆڵڵا حه‌بیبی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،ڕۆچنێو په‌ی دیداروو شێعرێ هەورامیێ قه‌دیمی،
نوشته شده در تاریخ چهارشنبه 3 آذر 1395 توسط همایون محمدنژاد
.: Weblog Themes By Abdollah Habibi :.