کاکه هومایون  تۆ   نووروو  چه‌می
زه‌حمه‌ت کێشه‌که‌و  هانه‌به‌رچه‌می
خامه‌ت  ڕه‌نگینا  په‌ی هه‌ورامانی
زیننه‌ت  که‌رده‌نه‌و  زوانی ئه‌دایی
ئیفتیخاره‌نی   په‌ی   هه‌ورامانی
ئاگادارت    بۆ     زاتی   ڕه‌ببانی
#ناسر ئه‌خده‌ر
*********************************************


سڵام و سپاس
ڕێز و حورمەتم هەن پەی کاک‌هومایونی(یەکەم خەمەوەروو فەرهه‌نگوو زوانی هەورامی)،دایمەن وەشینە بێ ، هەورامانیچ شاڐی بۆ،خەمش چەنە نەمانو،ئیشەڵڵا.
کوورەی  دەروونم ، دووکەڵش بەرزا
خەفەت جە ڵاومن،نەویەن مۆجەزا

ئەر تۆ خەمینی،من وێم خەمەنا
دایم چوون شاهو پڕ جە تەمەنا

بە یاری بێ یار،دڵەی زار قەسەم
دەردی بێ دەرمان گڕش دان جەسەم

نەمەنەن تاقەت یانەی دڵ سۆتەن
ئاوی کەوسەرم،مەزەش چوون نەوتەن

ئاساوی مەینەت جەسەش هاڕانا
پیری شیشەی جام،دڵش ماڕانا

هەرەسی نەگبەت دریان،وە ماڵم
نەڐاری    دنیای    بڕیەنش    تاڵم

یانەی خەم تاریک،نیشتەنا تەنیا
بە زاهێر  مەنەن  ،  ڕۆحم نە دنیا

ئارۆ  و سەوایەن دڵ بۆ   زرێبار
یاڕەب کەس چوون من نەوۆ گرێفتار

ها وەختەن یەکسەر ڕیشەی دڵ کنیۆ
بەرەو یانەکەیم ، پەی  ئەبەڐ  ژنیۆ

بەش تۆ وەشت بۆ،ئازیزی گیانی
مشیۆ  ، بە حاڵوو  دڵیم نەزانی!

#مەحەمەد خدری داریان

*********************************************
سڵاموو  من  جه  کاک هومایونی
یاخودا هه‌ر‌  مه‌نی په‌ی ئورومونی

ئه‌گه‌ر  دزاوه‌ر    کاناڵه‌ش   هه‌نه
ئه‌ر  زه‌حمه‌ت  نیا لینکم  ده په‌نه

با  سه‌ری  بده‌و  ئه‌و هانه‌به‌رچه‌م
هانه قا‌ڵاوا    نیشووره    بێ خه‌م

مانیایم سه‌یۆوه ڕوه که‌روو مه‌ره
تێر بۆوه‌ش که‌روو  ئا وه‌رکه‌مه‌ره

چڕوو     داڵانی   کۆڕ  و   کناچه
گرد یۆ ده‌س گێرو ئوسمانه واچه

کوڵ گوڵ و گیواو که‌ش و هه‌واری
باقه کریاوه    ده‌سوو   (ڕێبوار)ی

من دما   گاوانی   بگیروو   یاواش
هومایون چۆپی کوڵش بۆ شاواش

                     # نه‌سروڵڵا که‌نعانی(ڕێبوار)






طبقه بندی: فرهنگی و هنری، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، شهرها و روستاهای هورامان، هۆمایون محه‌مه‌دنژاد،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،شێعره‌ پێشکه‌شیه‌کا،
نوشته شده در تاریخ جمعه 17 دی 1395 توسط همایون محمدنژاد
.: Weblog Themes By Abdollah Habibi :.