کوڵه داستانێ به‌ق و سه‌یاد٘ جه ڕۆنامه‌و کورده‌واری به شوماره‌و 21
ساڵوودۆوه‌می
2مانگه‌و ئارگای(ده‌ی) 1395 وه‌ڵا بیه‌نه‌و.
هورامان هانه به رچه م

به‌ق و سه‌یاد٘؛

کوڵه داستانێوه به زوانی هه‌ورامی:هومایون موحه‌ممه‌دنژاد

وێو جه ڕوه‌کاو وه‌رزۆ وه‌هاری لالۆڕه‌سووڵ پێسه‌و جارانی تفه‌نگه ساچمه‌که‌ش که‌رد٘ شانه‌ و چه‌نی به‌قەپیره‌که‌یش کویسانوو داڵانیشا گێرته‌نه‌ وه‌ر.
ده‌نگوو په‌له‌وه‌را و‌ ژه‌ره‌ژه‌کا‌ چه‌نی بۆوەو چنوور و به‌رزه‌ڵنگ و سووره‌هه‌راڵه‌ی تێکه‌ڵ بیه‌بێ ، ڕۆجیار، تیجیارێوه‌ش سه‌روو که‌شه‌کاوه دابێره‌ و ‌ڕۆشناییش دا بێ ڕاکێ سه‌یاد٘ی.


سه‌یاد٘ دامگاش نیاره ‌و وێش و ساچمه‌که‌ش په‌ی ڕاوێ چه‌مه‌ڕا بێنێ، به‌قه‌که‌ش ‌گه‌ره‌کش بێ پێسه‌و قه‌د٘یمی بوانۆ، به‌ڵام ده‌نگێوی گڕ و ناوه‌شش مه‌نه‌ بێ،ئەچی وه‌خته‌نه چن ژه‌ره‌ژ و به‌قێ کویسانه‌که‌ی ده‌وروو قه‌فه‌سه‌که‌ی گلێرێ بیێ، یۆ جه به‌قه‌کا جوان و ده‌ماراوی بێ لوا سه‌روو قه‌فه‌سه‌که‌ی گه‌ره‌کش بێ به‌قه‌که‌و سه‌یاد٘ی به‌ر بارۆ و هه‌قه‌و گرد٘وو ژه‌ره‌ژه‌کاش چه‌نه پسانۆ،به‌ڵام هه‌ر چیش که‌رد ٘نه‌تاواش قه‌فه‌سه‌که‌ی مارۆ. ده‌س و باڵێ شانێ وێش ئه‌رمانێ به ده‌نووکیچ قه‌فه‌سه‌که‌ی شۆکنێوه و ده‌سش که‌رد٘ به قسه‌واته‌ی به به‌قه‌پیره ده‌نگ‌گڕه‌که‌و سه‌یاد٘ی،ئەو ژه‌ره‌ژه‌کێ دووره‌و ته‌ماشا که‌رێنێ و زاتشا نه‌بێ بلا وەرەو ...!
سه‌یاد٘ ئینه‌ش دی ئازا تفه‌نگه‌که‌ش هۆر گێرت و ئارد٘ش سه‌روو ماشه‌ی.چن جار گه‌ره‌کش بێ ماشه‌که‌ی ته‌قنۆ ،به‌ڵام نه‌یارێ ته‌قنۆ دڵوو وێشه‌نه واچێ :نه‌کا به‌قه‌که‌و وێم پێکوو ... سه‌یاد٘ پێسه‌و به‌قه‌که‌یش ته‌مه‌نش ویه‌رد٘ه بێ و چه‌مێش لێوەلێو که‌رێنێ و خاس نه‌وینێ و ده‌سێش له‌رزای له‌رزێنێ،ده‌سش به‌رد٘ په‌ی ماشه‌ی و ناڵه‌و تفه‌نگه‌که‌یش کویسانش چڵاکناره.
سه‌یاد٘ تفەنگە‌که‌ش نیاره و لوا بزانۆ چێشش که‌رد٘ه‌ن ...!
: ئای چێشم که‌رد٘...! باوڕم نیا ....! مه‌شیۆ ...! خود٘اگیان به‌قه‌که‌م... !
سه‌یاد٘ ته‌ماشاو به‌قه‌که‌یش که‌رد ٘و چه‌مێش مدرێ هه‌رسی و دیا په‌یش، ده‌نووکش پڕا بێ و سه‌یاد٘ به ده‌سی هاڵێ چه‌نێ به‌قه بێ ده‌نووکه‌که‌یش گێڵاوه .....

#هومایون موحه‌ممه‌دنژاد

...................................


ئی کوڵەداستانێ جە یۆوەمین هەمامەو کوڵەداستانەوهەورامی کە جە مانگەو گەلاوێژوو 1392کوچی ڕۆجیاری جە شاروو نۆدشەی لوا ڕاوە، وەڵا کریاوە.

سه‌رچه‌مه:
داستانێ کوڵێ هه‌ورامی(سپاس په‌ی کاکه ئێبراهیم شه‌مس)ی

معرفی داستان کوتاه هورامی به‌ق و سه‌یاد در روزنامه کورده‌واری
نویسنده و مترجم:آقای
هومایون محه‌مه‌دنژاد

کۆڵه داستانێ به‌ق و سه‌یاد٘؛ جه ڕۆنامه‌و کورده‌واری به شوماره‌و 21ساڵوو دۆوه‌می2
مانگه‌و ئارگای (ده‌ی)
1395
وه‌ڵا بیه‌نه‌و.

په‌ی کیانای هه‌واڵه‌که‌ی:

ده‌سوه‌شی جه کاکه"خه‌بات سه‌عیدی"مودیر و وه‌رپرسوو ڕۆنامه‌و کورده‌واری که‌ر‌مێ

ڕۆنامه‌و کورده‌واری





طبقه بندی: فرهنگی و هنری، اجتماعی، ادبیات/شعر، تاریخ، جفرافیا، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، کۆڵه‌داستانه‌و هه‌‌ورامی، هومایون موحەممەدنژاد، ئێبراهیم شه‌مس،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،کوڵه داستانێ به‌ق و سه‌یاد٘ جه ڕۆنامه‌و کورده‌واری به شوماره‌و 21 ساڵوودۆوه‌می2مانگه‌و ئارگای(ده‌ی) 1395 وه‌ڵا بیه‌نه‌و.،
نوشته شده در تاریخ شنبه 25 دی 1395 توسط همایون محمدنژاد
.: Weblog Themes By Abdollah Habibi :.