هه‌ورامان هانه‌به‌رچه‌م


لاچه‌مێو په‌ی پارێزنای فه‌رهه‌نگی و ئەرەمەرزنای کەلاسوو زوانی ئەد٘ایی( هەورامی)جە دەگاو پاڵنگانی-  /هومایون محه‌مه‌دنژاد

ئەر گەرەکما بۆ جە بارەو هەر کەس و خەڵک و کۆگایێوه قسەوباس کەرمێ؛مشیۆ چەنی ژیوا و ویر و ئاوەز و خەم و چەڵەم و ورکە و وەشەسیایی ویه‌رد٘ه‌و و... ئا خه‌ڵکیه هاگاد٘اری و زاناییما بۆ؛ تا دەنگوو حەق و ڕاسی ژیوایش برمانیۆ. یۆ ئەچی بنه‌مایا و تاپۆ ئه‌ژناسای فه‌رهه‌نگ و شێوه‌و ژیوای و هونه‌روو چه‌نی ژیوای و چه‌نی پۆشای جه شاد٘یانه و جه‌ژنه‌کانه یام جه ماتم گێرته‌ی و په‌رسه‌کانه وێش نیشان مدۆ.
په‌ی ئەژناسنای فره‌تەروو جه‌‌ژنه‌کا و سه‌له‌منای ویه‌رد٘ه و تاریخوو هه‌ر یاگ و کۆگایێوە،بیه‌ی ئاسه‌وارەکا، جه کتێب و کێلوو قه‌بره‌کا و مه‌ڕێ و بنجاق و به‌ڵگه‌تاریخیه‌کا و قه‌باڵی قه‌دیمیێ، بنه‌ڕتوو هه‌رمانێن.پاڵنگان به پاو نامێش،و پێسه‌و به‌رزی و گه‌ورەیی خود٘ا و ڕه‌ببونه‌وعوو لنگی و به‌رزایی و جه باوشەو شاهۆی سه‌ربه‌رزیوه و خه‌ڵکه‌که‌ش جه ڕۆخانه‌و سیروانی ئاوه‌و حێکمه‌توو باخوو شێخ عومه‌ری موه‌را ، و پێسه‌و ویه‌رد٘ه‌و تاریخی و بنه‌ڕه‌ت و ماواوقه‌باڵه‌کاو هه‌ورامانی و ته‌نگیوه‌ری و دیارد٘ه‌و حاکێماو شار و قه‌ڵاو پاڵنگانی و پێسه‌و ساموو نامێ پاڵنگی یۆ جه قه‌د٘یمی‌ته‌ر‌ین ده‌گایه‌کاو هه‌ورامان و کوردسانی و یۆ جه بنه‌ڕه‌ته‌کاو تاریخی بیه‌ی وه‌ڵاتوو هه‌ورامانی ئه‌‌ژناسیان،و جه بۆنه‌و ئاو و هه‌وای و زووگه‌رم بیه‌ی پاڵنگانی نه‌ورۆزه‌نه زووته‌ر گیریۆ.                                     
ئاواتم ئانه‌ن!
هه‌ر پاسه ئارگاوزمسانه سه‌رد٘ و سه‌خڵه‌ته‌که‌ی،کوشیۆره، و سه‌وزایی وه‌هاری و سووری ولە‌سووره‌کا وێش مرمانۆ جه نویسته‌ی سه‌روو زوانی ئه‌دایێماوه ، زقم و سه‌رد٘ی نه‌نویسه‌ی لا به‌رمێ، و به ئاوه‌ز و ژیری بنویسمێ و وانمێوه:
زوانێو  مه‌نۆ   جه  ڕۆی  دنیاوه
په‌نه‌ش بنویسا و  پنه‌ش واناوه
ئۆمێد٘م ئانه‌ن! ئارگاو زوانه‌که‌یما،ڕۆشن بۆوه و هه‌راڵه‌و وه‌هاروو فه‌رهه‌نگیما، ته‌نگیۆوه و ئاوه‌زوو زاڕۆڵه‌کاو هه‌ورامانی چووزه‌شا دریۆ ‌به‌ر و جه هه‌ر یاگێ و هه‌وارێ،فێرگا‌و زوان و بیه‌یما مه‌رزیۆره و کۆڵه‌کێو یانه‌یما جه دیمه‌که‌و واته‌کاو زوانه‌که‌یما،هێقم بۆوه.
هرآن کس از زبان خویش درماند
نادان  بود  گر  دوصد زبان  بداند
 ئه‌ی زوانوو ئه‌د٘ایێم!
ده‌نگوو وه‌شه‌سیایت پێسه‌و سیاوچه‌مانه‌ی ئینا یانه‌و گرد٘یمانه،ئێتر مشیۆ جوانێ هه‌رمانه که‌را و زوانه‌که‌یما پارێزنا،ئیسه‌یچ ئا وه‌خته یاوان وه‌ره‌و و ئاواته‌کات گوڵشا که‌رد٘ه‌ن و وانیاروو زوانه‌که‌یت مه‌رز نمه‌ژناسۆ،نه جه هه‌ورامانه‌نه،به‌ڵکوو جه هه‌واراته‌ریه‌نه،هه‌رزه‌له‌ش به‌ستێنه.
ئاواتوو سه‌ربه‌رزی و دڵوه‌شی و له‌ش ساقی جه یانه‌و دڵیتانه جه خود٘ای تاقانه داواکارنا.
ــــــــــــــــــــــــــــــــــــــــــــــــــــــــــــــ
ئێ نویسە جە ڕۆنامەو"ئاوات"ی شومارەو 27 ـرێکەوتوو/4ـ2ـ1396  وەڵا بیەنەو.

هه‌ورامان هانه‌به‌رچه‌م



طبقه بندی: فرهنگی و هنری، اجتماعی، ادبیات/شعر، تاریخ، جفرافیا، تبریکات، زوانی هه‌ورامی، ده‌گاو زاوه‌ری/روستای دز‌آور، تصاویرومناظرطبیعی وتاریخی، شهرها و روستاهای هورامان، نوشتارهای همایون محمدنژاد، هومایون موحەممەدنژاد، شۆرش عه‌زیزی/"ئاوات"،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،لاچه‌مێو په‌ی پارێزنای فه‌رهه‌نگی و ئەرەمەرزنای کەلاسوو زوانی ئەد٘ایی( هەورامی)جە دەگاو پاڵنگانی/هومایون محه‌مه‌دنژاد،
دنبالک ها: قه‌ڵه‌موو هه‌ورامانی، خبرگزاری پاوه پرس،
نوشته شده در تاریخ سه شنبه 5 اردیبهشت 1396 توسط همایون محمدنژاد
.: Weblog Themes By Abdollah Habibi :.