که‌له‌به‌روو شێعرا

 چەنی ئی دنیێ هـــــەر دوێما  پێوە

مەرجی نۆما بەست بە ڕەنگ و بۆوە
من کـڵەم ئاورد٘ پەی دید٘ەی سیایش
ئاد٘ە چەرمەش کەرد٘ ڕیش ومن جیایش

# یاوەر هەورامی

سواڵەو کوچـــــــاو هەورامانیم  کەرد
قاموسێ گــەورەی  بەرزم  جـەمۆ کەرد
جە وەسفوو تۆنە گـــر
د٘م بە کــــار بەرد
پەیم بە جـــوانی وەســـفوو تۆ نەبەرد
    

# یاوەر هەورامی
دوکتۆری واتــەن   ڕۆحـی شــیرینم
قەد٘ەم رەنـجە کەر وەســەر سەرینم
موعجێزەن توبەی دەس  بە   دەواوە
پەی  سۆمای چەمی  دید٘ەت  بوینم

#خه‌میار_هه‌ورامی

دەس دە  ئی زاما کە بێ تۆ چڵ کەرا
شادیێ خەیلێن، جە  ئێمە  سڵ  کەرا
دڵ پەڕا دەرد٘ێ و نیەنی پەی خود٘ای
تۆ  نـەبی زامێ  ،دڵـێ   وڵ وڵ کـەرا

#خه‌میار_هه‌ورامی

ڕووش کەلیمیە پیس پڕاینە گەڵوەش
و
کەوتێنە یاگێ شێعرە .
یاسینو شاری .
بی بە ئاوی
دمایین دەلاقەنە
سوور
شاعر
وڕارە واری


#مه‌هدی ئه‌بری(هه‌ورام)

بیەیت یانی بیەی
نە فیلسوفش گەرەکەن
نە شاعر .
ئینە گرد داخوو نەبیەیتەن
کە
وەهمیە بە نامێ بەهەشتیم خۆلقنان .

#مه‌هدی ئه‌بری(هه‌ورام)

عاڵەمنە حوکمڕانێچ بێزارێ  زەمانەینێ
ئانێ کە گەد٘ایێنێ چەمدارێ خەزانەینێ

حەفتا دەبە بەنزینێ یاوانێ هەتا هەوریچ
هەرگیز نمەبا واران، چوون دژمەنێ هانەینێ

ئا کۆیێ مەبا ئاشق کەی تاموو گڕێ گێرا؟
هەرچن جە زەمینی بۆ باروو سەروو شانەینێ

ڕۆیێوە کە ئی دنیا قاڵبنە چەموو تۆش دی
تا ئیسه وەرۆ پێچێ، بەحسێ جە بەهانەینێ

تاڵێو جە قژات ئاما مجیا سەروو ڕوخساریت
شەققولقەمەرش کەرد٘ و گرد٘ کافرێو ئانەینێ

کەی مەیوە خەرامانەم! هەرسێو من و زڵفێو تۆ
هەروێ بە یەک ئەننازه موحتاج به شانەینێ

زانی چەمەڕاییو تۆ پووینەیش دەلاقێما؟
ئاخر کە دەلاقێما زوووەن چەمێ یانەینێ

#حافێز ئه‌حمه‌دی(سەروەش)

وێرەگاو چەمات وستەنا لارە
شەوەو زوڵفەکات دانا قەنارە

تاسێم کەرد٘ێنی هەر پێسەئاوێ
بیا بە  سارا دا   دەمت   بارە

شەربەتەو چەمات مەسش کەرد٘ەنا
بزەو لچەکات  کەرد٘ا   ئاوارە

دید٘ەم  خجڵیان  باڵاو   کاوێرە
دا بۆ بە بە هەور تۆسقاڵێ وارە

دەنگت بی بە ساز بەرد٘اش ئاسمان
سیاوچەمانێم    پەی    وزە ڕارە

ئاخ چا زە نجیرا کەرد٘یشا پاما
هەڵسی عالەمی پەیما وە زارە

من ملوو ئانا تۆم کەرد٘ی وەکێڵ
وێت بڕە و ورازە پی سەرکەشارە!

#فەرید عباسی
هەر خەتایێ من کەروو  ماچوو  زەمانەن بێ‌وەفان
ئەوەڵش  جەورا زەمانە و ئاخریچش هەر  جەفان

ئەر  من و تۆ حەق نەوەرمێ کەی فڵانیبێ بەشا؟
باوەڕت بۆ ناکەسێ بازا   زەمانەش  پەڕ  سەفان

#جەماڵ قادرپوور


سەعاتە
نە دوانزەو شەوێنە و
نە پەنجوو سۆحی
نە بە وەختوو فەلەستینی
 تەوەنینە و
نە بە وەختوو شاماتی
 بارووتا!!
زەمان بە وەختوو ئێگەی
چەپڵێ وارانینێ و
سەماو شەتاوا و
چووپی قەڵوەزەی
چرکە بە وەختوو ئێگەی
لەنجەو شەماڵین و
ڕەشبەڵەکوو هەناری و هەواری
ئەرێ ئەرێ
سەعاتە
 بە وەختوو ئێگەی
هەورامانا
هەو
را
مان

# بێهرووز محەمەدپوور(شارۆ)
96/1/25







طبقه بندی: فرهنگی و هنری، اجتماعی، ادبیات/شعر، تبریکات، زوانی هه‌ورامی، ده‌گاو زاوه‌ری/روستای دز‌آور، مه‌هدی ئه‌بری(هه‌ورام)، حافێز ئه‌حمه‌دی(سەروەش)، حێکمه‌ت محه‌مه‌دی(خه‌میار)، بێهرووز محەمەدپوور(شارۆ)، مامۆسایاوه‌ر هه‌ورامی، فه‌رید عه‌باسی،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)زرده-پریان-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،وه‌سیه‌ت په‌ی مه‌زهه‌ری،سه‌فه‌ره‌کێ گالیوێری،که‌له‌به‌روو شێعرا،
نوشته شده در تاریخ پنجشنبه 7 اردیبهشت 1396 توسط همایون محمدنژاد
.: Weblog Themes By Abdollah Habibi :.