هه‌ورامان هانه‌به‌رچه‌م
خەسەخانه،کاغەز و قەڵەم:
دوێ شێعرێ جه میرزاسەعدوڵڵا خەدیری 

خەسەخانه

ئازیز نەپەرسای حاڵــــی پەشێوم
ها وەختەن که گیان بەیو وه لێوم

تیری مەهجووریت جەرگم پاره کەرد٘
ئه‌رواح جه وەتەن تەن ئاواره کەرد٘

پـه‌رد٘ەی دڵ دڕیان،سـا کێـش ورازۆ
به تای زوڵفـــی تو به‌خیــــه موازۆ

سرومم عارەق سیمــی خاڵــی تۆن
به‌ند٘ی شکەستەم به دەسماڵی تۆن

تەخت بەستەریم ئوتاقــی مەیلت
ڕازیم بە مەرد٘ەن گیان به تۆفەیلـت

خاری ه
ێجـرانت تەزریقـی باڵـم
بیماریم پەی تۆن خەیلێ وەشحاڵم

دەرەجەی هوونم وەفا و مەیلی تۆن
ئەر مەیلت نەبۆ من هوونم جه کۆن؟!

ئازیـز  حەیاتـم   قەیدی  وه‌فـاتەن
بێ وەفات،حەیات،پەی من مەماتـەن

شەربەتم ،شیشەی مینای بێ گەرد٘ت
کەرەم فـەرماوای  تۆ  به من وەرد٘ت

خۆ شەربەت نیەن ئاوی حەیاتەن
سەرچەمەی حەیات نەپای زۆڵماتەن

#میرزاسەعدوڵڵا خەدیری

*********************
کاغەز و قەڵەم


کاغــــــەز و قـــــەڵەم سەبووری دەردم
تەسکین  دەهەندەی  هەناسەی سەردم

هامــــــڕازنیازکیتابوو دەفتــــــەر
نوێشتە و تەحریر، بە شەو تا سەحەر

وەختم جە دەس شی وە بێ سەرمایە
(خَســــــــــِرالدُنیا)ئێنتیـــــــهای ئایە

ڕاحەللێو نیەن پەی وێم بسازوو
ئۆمێد٘م یاڕەب بە تـــــــۆمنازوو

بەخشەندەی خەتای گۆنەهکارانی
ستتار و ســــڕپۆش شەرمەسارانی

دەریای ڕەحمـــــــــەتت ئینتیهاش نیەن
ڕەحمەت چەنی من پەی گردکەس بیەن

یاڕەب بە خاترئــــــــەولیای مەعسووم
جە ڕوێ شەفاعەت نەکەریم  مەحرووم

کانی سەخا و جوود لوتفت عەمیمەن
بەندە جە کـــــــردار پڕ خۆف و بیمەن

ئۆمێد٘م بە تۆن پەنام هــــــــــەر تۆنی
بەخشەندەی بێ باک گونام هەر تۆنی

ئینتیزاریم هەن مادامولحەیات
(ایاکَ نعبـــــــد نستَعین)م وات

ئۆمێد٘م ئایەی سوورەی(واضّحی)
(وَلَسَوٗفَ یُعطیک)ئایەی(فتـرضی)


عەقید٘ەم سابت(آمنتُ باللە)
بە(لاتَقٗنَـــطومِن رَحمَتِ اللە)


#میرزاسەعدوڵڵا خەدیری



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، میرزاسه‌عدوڵڵا خه‌دیری،
برچسب ها:هه‌ورامان‌هانه‌به‌رچه‌م-کتابخانه‌هورامان،کتێبخانه‌وهه‌ورامانی،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،خەسەخانه،
نوشته شده در تاریخ پنجشنبه 25 خرداد 1396 توسط همایون محمدنژاد
.: Weblog Themes By Abdollah Habibi :.