هه‌ورامان هانه‌به‌رچه‌م

وەهار

جریوناش شەبەق کەش وەرمش زڕیا
پەرد٘ەو تاریکی بە دەنگێ دڕیا

دەنووک سوورو کۆی کەشش ئارد٘ۆ ما
بی چەپڵەڕێزان حەشر و حەلەلا

عەجەب هەوایێن کەش و چەم و دۆڵ
نیم نیگای نسار دڵ مارۆ  وە  کوڵ

شەماڵ دەسانش کێشۆ سەر کەشا
کەوتێنێ سۆسکە پیچک و بەڕەزا

لەنجە کەرۆ گوڵ، سەرمەسا بوڵبوڵ
کەما سەرچووپی، کێشۆنە بە دڵ

بەڕەزاو تاقا بە فیز و دەماخ
هەراڵەبرمی مدران گۆش قوڵاخ

مد٘ۆنە واوە خەمان بە سەر شان
ئێد٘ەیچ قیتەقیت لێوەو سەرکەشان

شەتاو پەلەپەل ، گیواو مدۆ لا
ڕیواوەو خڕی مدران بەرزە پا

پەلکەی وێش پەخشان ساف مل کەرد٘ەن
مەزەکەی مزرش ئاو دەم ئاورد٘ەن

کەچ کەرد٘ەن گەردەن وە سەد٘ نازەوە
گۆش دان وە سەد٘ای جڕە و  بازەوە

نەسیم  مێهرەبان دەس کەرۆ ملم
فەوارەی ئایێر دەمنۆوە دڵم

"من"یچ بە بێ خەم تەمەو سەرکەشا
جە من تەوەنێ کەروو  تەماشا

گا بە ورتەورت گاە بە دەنگی بەرز
ئینەیە ماچمێ هەزار و یەک تەرز

« ئاماوە وەهار وەهاری شاد٘ی
بۆی عەتری نەسیم خونچەی ئازاد٘ی»*

*مامۆسا مەولەوی

#بێهرووز محەمەدپوور(شارۆ)

په‌ی ئه‌ره‌گێرته‌ی(ئه‌ر‌ه‌وه‌زنا‌ی)سه‌روو ئی لینکیه‌وه‌  کلیک که‌ردێ:





طبقه بندی: فرهنگی و هنری، ادبیات/شعر، زوانی هه‌ورامی، بێهرووز محەمەدپوور(شارۆ)، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،وەهار:شێعره‌و کاکه بێهرووز محەمەدپوور(شارۆ)،
دنبالک ها: دەنگ:کاکەهومایون موحەممەدنژاد،
نوشته شده در تاریخ سه شنبه 13 تیر 1396 توسط همایون محمدنژاد
.: Weblog Themes By Abdollah Habibi :.