تبلیغات
هه‌ورامان هانه‌به‌رچه‌م
هه‌ورامان هانه‌به‌رچه‌م
 نیشتەیرەو کۆمیتەو شێعرێ جه لاوئەنجۆمەنوو ڕۆجیاری؛ لوا ڕاوە
به پاو هه‌واڵوو کاکه‌سابیر عه‌زیزی؛په‌ی'هه‌ورامان هانه‌به‌رچه‌م'یجە درێژەو پانێلەکا؛ئەنجۆمەنوو ڕۆجیاری وێرەگاو ڕۆ یەکشەمەی، ڕێکەوتوو ١٣٩٦/٦/٥ ڕۆجیاری، جە دەفتەروو ئەنجومەنوو ڕۆجیاریەنە نیشتەیرەو کۆمیتەو شێعرێ لوا ڕاوە.
ئەچی کۆنیشتەنە هوگرێ و داڵغەدارێ شێعرێ بەشدارێ بێنێ و بڕێ باس و بابەتێ سەروو ڕەوتوو شێعرێ ئارۆیانێ و ڕەوتوو ئاوانگاردی کەوت بەین.
باسێوە سەروو ڕەوتوو ئاوانگاردی و لەمپەرەکاو وەرڕایش و ململانە کەردەیش جە لاو سەلەفیەتی فەرهەنگیەوە کەوت وەرباس و شێکاریش سەر کریا. باسوو جۆرێ پوپولیسمی ئەدەبی و فەرهەنگی کریا کە پەی چەواشە کەردەی ئاپۆرەو خەڵکی شێوە و ئامرازی ئەوسایین و سوویا هۆرچنا و بە لازم زانیا تا ڕەوتی ئاوانگارد وێش چا شێواز و نەوەشیا دوور گێرۆ و پەی بەردەی باس و بابەتەکاو وێش پەی دلێ خەڵکی دەس پەی شێواز و ئامرازی سەردەمیانەی و هۆرسەنگیای بەرۆ.
باسێوەتەر سەروو ئانەی بێ کە دەقی تازە و ئاوانگارد نیازش بە ئەوەوانای و خوانشی سەردەمیانەی هەن و باسوو بڕێ پرەنسیبە سەردەمیانا کریا کە لازما نەقدی ئاوانگارد پەنەشا موجەهەز بۆ. باسوو جیاوازی نەقدی کلاسیکی و مودێڕنی چەنی نەقدی ئارۆیی و ئاوانگاردی کریا و لایەنی ئەرێنی و نەرێنیشا هۆرسەنگیا.
ئی ئەرەنیشتەیرە جە ساعەتوو ٥پەنجی تا ٧حەوتوو وێرەگای درێژەش کێشا و موختار ئێسلامی، ڕەئوف مەحموودپوور، سابیر عەزیزی، مەهدی ئەبری، بێهروز موحەممەدپوور، فەرشید ڕۆستەمی، هومایوون موحەممەدنژاد، ئەمین ڕەحیم زادە، بورهان ئەختەر و مەهوەش دروستکارە بەشداریشا جە باسەکانە کەرد. کۆتایی کۆنیشتەکەی وانایەو شێعرا بێ جەلاو مەهوەش دروستکار، سابیر عەزیزی، مەهدی ئەبری، بێهروز موحەممەدپوور و فەرشید ڕۆستەمیەو.
کۆنیشتوو کۆمیتەو شێعرێ گرد ڕوەکاو یەکشەمەی جە دەفتەروو ئەنجومەنوو ڕۆجیاریەنە ملۆ ڕاوە.




طبقه بندی: فرهنگی و هنری، ادبیات/شعر، اخبار، زوانی هه‌ورامی، شهرها و روستاهای هورامان، ئەنجومەنوو ڕۆجیاری، هومایون موحەممەدنژاد، ڕه‌ئوف مه‌حموودپوور، مه‌هدی ئه‌بری(هه‌ورام)، سابیر عه‌زیزی، بورهان ئه‌خته‌ر(هورامی)، بێهرووز محەمەدپوور(شارۆ)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،نیشتەیرەو کۆمیتەو شێعرێ جه لاوئەنجۆمەنوو ڕۆجیاری؛ لوا ڕاوە،
نوشته شده در تاریخ دوشنبه 6 شهریور 1396 توسط همایون محمدنژاد
.: Weblog Themes By Abdollah Habibi :.