هۆرامان هانه‌به‌رچه‌م
ده‌لیل/ کاکه ئێبراهیم شه‌مس


کابرایوه‌ دڵش مشۆ هێوه‌رژه‌نێوێ زه‌ریفێ هه‌ر وه‌خت گه‌ره‌کشا بلۆ واچۆش پنه‌، پا‌یش له‌رزا و مه‌تاوۆ بلۆ وه‌ره‌و تا ئینه‌ که‌ ڕوێو سفره‌و دڵیش لاو یۆ جه‌ دۆساکاشه‌و واز که‌رۆ. دۆسه‌که‌ش پنه‌ش ماچۆ هیچ خه‌فه‌تت نه‌بۆ وێم ملوو قسێش چنی که‌روو و مارووش سه‌وو ڕای و قه‌وڵش چنه‌ مسانوو شووت پنه‌ که‌رۆ. کابرایچ فره‌ وه‌شحاڵ بۆ به‌ دڵنیایی گێڵۆوه‌ په‌ی یانه‌ی و به‌ ئاواته‌و هه‌واڵوو وه‌شوو دۆسه‌که‌یش منیشۆره‌.
دۆسه‌که‌ ملۆ هیجبی هێوه‌رژه‌نێ په‌یش، به‌ڵام تا چه‌مش به‌ قه‌دٚ و باڵا و جوانی و زه‌ریفی ژه‌نێ گنۆ، زوانش ده‌ر حه‌نناو دۆسه‌که‌یش لاڵ بۆ و هه‌رچی که‌رۆ مه‌تاوۆ ده‌ر حه‌ق پادٚی هیچ واچۆ و هیجبیش په‌ی که‌رۆ. وێش ئاشق بۆ و دلێ دڵوو وێشه‌نه‌ ماچۆ ئی ناسک نازارێ په‌ی وێم خه‌سانه‌ نه‌ک په‌ی ئا بیۆڵه‌یه‌ که‌ عۆرزه‌و هیچیش نیا. وه‌لحاسڵ زوان واز که‌رۆ و مه‌ی تاریف دای ژه‌نێ و قهدٚ و باڵاو جوانیش و ماچۆ ئامانا داوات شووم پنه‌ که‌ره‌. ئادٚێچه‌ وه‌ختێو وینۆ پیایوی ڕێک و پێکا، ماچۆ ده‌ی قه‌یدٚش چێشا جوابوو ئه‌ر‌ێش پنه‌ مدٚۆ و ئادٚیچ به‌ خێرای ملۆ مامۆسا مارۆ و هه‌ر ئا شه‌وێ ماره‌ش که‌رۆ و به‌رۆش. ئیجا پیای بیۆڵ با هه‌ر چاگه‌ ماتڵوو هه‌واڵوو وه‌شوو دۆسیش بۆ. وه‌ختێو مژنه‌وۆ، ماڵۆ سه‌ره‌شه‌ره‌ و ئی شێعرا موانۆوه‌:

ده‌لیلم کیاس بارۆ وه‌ش هه‌واڵ
نه‌زانام ده‌لیل زوان که‌رۆ لاڵ

ده‌لیلم کیاس ڕاگه ڕێزنۆ
نه‌زانام ده‌لیل دژمه‌ن خێزنۆ

ده‌لیلم کیاس ئه‌جیام خوێشا
نه‌زانام ده‌لیل ئاذیچ په‌ی وێشا

ده‌لیلم کیاس کارم بسازۆ
نه‌زانام ده‌لیل په‌ی وێش موازۆ




طبقه بندی: فرهنگی و هنری، اجتماعی، ادبیات/شعر، اخبار، زوانی هه‌ورامی، ئێبراهیم شه‌مس،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،ده‌لیل/ کاکه ئێبراهیم شه‌مس،
نوشته شده در تاریخ دوشنبه 22 آبان 1396 توسط همایون محمدنژاد
.: Weblog Themes By Abdollah Habibi :.