هه‌ورامان هانه‌به‌رچه‌م
هاگاداری موئه‌سێسه‌و فه‌رهه‌نگی هونه‌ری نه‌سیموو فه‌رهه‌نگوو هه‌ورامانی به‌ بۆنه‌و دماوه‌ وسه‌ی جه‌شنواره‌و شێعرەو زارۆڵاو هه‌ورامانی

بە نامێو بەرزەو خودٚای کەرەم فراوانی

ئێش زام سەخت تۆیچ ئاما پێشدا       هەر ئێشەن مه‌دٚیەی کەفتەن وە ئێشدا
بەڵام با جە تیر بەڵای قەزاوە             پاڵ دەیم وە قوللـه‌ی قەڵای ڕەزاوە
تا بدٚۆ سەفای بێگانە و خوێشەن           هەر وەختێ بەرۆ باز ماڵ وێشەن

حەفتێو چی وەڵی بە گەرم و گوڕی، پەی گێرتەی جەژنوارەو شێعرەو زاڕۆڵاو هەورامانی، وێما ئامادٚە کەرێنمێ و شەو و ڕۆ نەشناسێنمێ. بەرنامەکا گونجنێنمێ و یاگەکێ ڕازنێنمێ و پەی یاوای وادٚەکەی، ڕوێ ئەژمارێنمێ. چی عانەنە کوتووپڕ شەوەو دوەشەممەی بوومەلەرزێوە گەورە کەوت و زەمین له‌ریاوە. یانێ فرێ وڕەی و بیێ بە وێرانە. بە تایبە جە دەگاکانە، چراوەو ژیوای فرێوه‌ جە وەشەویساشا کوشیاوە و دنیاشا بیە خەمخانە.
خەمەی گەورەی تەر نریا سەروو خەماماوە و دیسان پەترۆو زامەکاما کولیاوە. زەنگۆڵێما وشکێ بیێ و وەشی و هازیما نەمەنە. پەوکی زەمانوو جەژنوارەکەیما فاڕا و وستماوە دما.
ئێمە جە گردٚوو خەڵکوو ئێرانی، بە تایبە خەڵکوو هەورامانی  کە قۆڵێشا هۆرماڵای و دەموودەس لوەی دەموو ئا وەنەقۆمیایاوە، دەس وەش بیەی کەرمێ و ئی دڵسۆزیشا و ئا هەڵمەته‌شا جە ویر مەبەرمێ.
جە خودٚای گەورەی داوا کەرمێ ئی ئازیزە کۆچ کەردٚاما بەخشۆ و ماواشا بەهەشت بۆ. داواش وەنە کەرمێ وارانوو سەبریش ملوو دڵە زامدٚارەکاو ئی خەڵکە وەنەقۆمیایه‌رە وارنۆ و خەم و پەژارەشا نازۆ و تارنۆ.
ڕاسا تازیەبارێنمێ، بەڵام باوه‌ڕما پاسەن کە نمەبۆ وەشیما پەی هەمیشەی بار کەرۆ و ڕەوتوو ژیوای و کار و باریما فاڕیۆ و جە جووڵەی گنمێ. پەوکی گەرەکمانە جەژنوارەکەیما مانگێو وزمێوه‌ دما و ئاخروو مانگەو کەڵەهەرزینە گێرمێش، تا جارەی تەر وەشی و خوەو دەموو زاڕۆڵاما وینمێ.
زەمانوو(عان) گێرته‌و جه‌شنواره‌ی:
ڕۆ، په‌نجشه‌مه‌ی سی مانگه‌و که‌ڵه‌هه‌رزوو1396ی ڕۆجیاری
موئه‌سێسه‌و (ئه‌ره‌مه‌رزیا) فه‌رهه‌نگی هونه‌ری نه‌سیموو فه‌رهه‌نگوو هه‌ورامانی
سه‌رچه‌مه:شنەو فەرهەنگی(کاناڵ ڕەسمی)

هه‌ورامان هانه‌به‌رچه‌م

                      



طبقه بندی: فرهنگی و هنری، ادبیات/شعر، اخبار، زوانی هه‌ورامی، نه‌سیمووفه‌رهه‌نگوووهه‌ورامانی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،
نوشته شده در تاریخ دوشنبه 29 آبان 1396 توسط همایون محمدنژاد
.: Weblog Themes By Abdollah Habibi :.