شەوەو یەلدای(شەوەو چلێ-شەوەو به‌راتی)
بە گرد٘وو خەڵکوو هه‌ورامانی پیرۆز و مەبارەکه بۆ



یەلدا پەی من یانی دۆڵمێ و مێمان
بە گیانوو هەردوویما، جە هەردووی بێزارەنا.
نمەزانوو چە دەردیەن، گرد ساڵیەیچ
پەی ئامایش بیقەرارەنا.
یەلداتا لیپالیپوو  وەشی بۆ

#مەهدی ئەبری

شێتە شەوە

           شێویانش وەنە

ئەر نا

            تاریکی و

                         درێژی؟!

یەلدا!

                  گەورە کناچه‌کێ پاییزی

ماچا یاواینی پەنە

        چن زەرد و زەهاڵ

                        ماره‌ بڕیای

                                 په‌ی زمسانی

و

 درێژته‌رین سیاوی ڕۆزگاری

                                     بڕیا باڵات

کێ یاوانه

     زوقم و سەردی وەروو ڕاکێت؟
       
                 غەیر جه هەناره دەمترەکاکا...

#مه‌هوه‌ش_درۆستکار

هه‌ورامان هانه‌به‌رچه‌م
خەزان کۆچش کەردٚ،یەڵدا ئاماوە
بەرەو زمسانی واز کەردٚ جە ڕاوە
پاییزی عۆمرش،نیشان دا  پەنەم
عۆمرێو  کە  لوا ، مەگێڵۆ  دماوە

#بێوەر(سەڵواوا)

زمهەریر ئاسا سەرد٘ کەرد٘ەن زمسان 
پاساران سپاران سپای مەرگ ئاسان 
کەرد٘ەن گۆشواره گۆشی خاڵ خاسان 
ڕەوا  کەرد٘  ڕەویەی   ڕەواڵی  ڕاسان
وێ  نەسپارا به وەی  پێسەو  پاسان 
تەسەللای   خاتر   تەوەسای   تاسان

#حەسەن خەیات 

‍ ‍ ‍ ســـەرکۆ وەتـەنی  تاراش  پۆشــــاوە
 ئەڵقـــەو سۆزداری سۆزیش  فـــاڕاوە 

گۆشوارەش کەردەو گـــۆشوو پاسارا
تێر نەبـــیانی کـــــــــــــــە،نێگام دارا 
   
           #
یاوەر هەورامی 

من و پاییز ئێشەو دوێ دڵدارێ بێ قەرارێ
دوێ دڵێ بە خەم پیکیای دوێ لاشێ پەڕ جە ئازارێ

هەر دوێما چه‌مەڕا و بە تەما، تاسەو دیداری
ئاد٘ پەی شەوەو چلێ وێش و منیچ پەی دید٘اروو یاری

عەجەب جیایێ سەختەن بەینوو شەو چلێ و پاییزی
سەخت تەر چانەی چەمەڕا بیەین پەرێ دید٘اروو ئازیزی

ئێشەو شەوەو چلێ ماچاش درێژتەرین شەوەو ساڵێ
من گرد شەویەم شەو چلێنێ رفێقێم هەناسێ کاڵێ


#سەیوان_ئێبراهیمی


زمسانی بەختم


هەورەن گرمنۆ  بەرزی ئاسمان
ناڵە دان وە عەرش پایێز سەر ئامان

باربەنی کەردەن زمسانی بەختم
وەرزەکەی پیری زامانی سەختم

سەوقات کزەی سەرد زلان و بۆران
وەروەنە یەخ و  تەوەرگ  و  واران

وەرزەکەی  پیری وادەمەو لافاو
گەنمی دڵ هاڕان چوون هاڕەی ئاساو

مێزەرەی وەروین بەسەن دەوری سەر
واد٘ەی سەفەرەن ئێشەو  یام  سەحەر

تەن کەفەن پۆشان ڕۆح مەنگ و وڕەن
بەند بەندی ئازام سەرتاپا سڕەن

شیشەی یەخ بەسەن لانێساری دڵ
چی دما عومرم  زایەن  و  باتڵ

ئاخ شەڵڵا وەڵ جە پیری مەردایام
هەر دەم ئارەزووی مەرگ نەکەردایام

#موحەممەد خدری


شـــەوەو   چلــــــێ

دەوارش پێچا  پاییز  و  خەزان

خەو بەرد  نە دید٘ەی  سەوزە درەختان

وێنەی   حاکمان   زەبر  نمانا
ڕەنگی زەرد و سوور وە داروەن شانا

بە وێنەی زوحاک شەڵت وست نە باخان
سەوزی مەخمەڵ پۆش ، ڕێزنا  نە  دامان

فرە جار ڕەنجی فەنا  دا وە باد٘
کەردش هەڕەشەی ،ئەولاد٘ی سەیاد٘

وات شەرتەن نازوو ڕوو کەری هەردان
مەر  بە  خاو  وینیش  سفیدی  زمسان

وەی‌تەور ئامابێ ، حوکم برمانۆ
بە خیاڵی وێش ، زەلان نمەزانۆ

بێڕەحمیش یاوا نە گۆشی زەلان
کەردش سامان‌سا ماوای زەرد نێشان
 
حەگاڵی زەردش دا وە  فەناوە
چێخ و دەوارش وە هەم پێچاوە

قافێزی پاییز گڤەی وای زەلان
واتش مەرحەبا ئەئینەن زمسان

بە ئامای زمسان کەفن کەرد خەڵات
چوون جاران پۆشاش کەش وکوی وەڵات

فەسڵی پاییزیچ داد٘ی فەناش بەرد
ئاما نە جاگەش تۆفی هەوای سەرد

ڕەحمەتشا  وەنە  قەد٘یمان  پیر
شەوەو زمسانی،نەشۆما جە ویر

چلێش مەوانا یەکەم  ڕۆی زمسان
یەڵدا نیەن جە لای هەورامی زوان

بە عام موبارەک ئەی شەوی زمسان
بنیشتێ بە شاد٘  گەورە و  وردیتان

کشمیش و مەژگە ،ئاونگێ و هەنار
پەی شەوی زمسان ،گرد نریان کەنار

نە پای شەوچەرە بنیشتێ بە شاد٘
جمێعتا یاڕەب ، حاسڵ  بۆ  موراد٘


#جواد حەمزە (فێراق پایگەلانی)

یەڵدای نمەژناسوو شەوگارم  خەمەن
کرماشان هەتا زەهاو گرد خەم و ماتەمەن

دەک خود٘ا ناوەرۆش درێژی شەوگار
یارانم خەمبار ، کەفتەن نە دەوار

چلەیێ زمسان و یەڵدام  شێویان
ئێساڵ بێ نازەن ، ڕوڵەی کوردەسان

#جواد حەمزە (فێراق پایگەلانی)




طبقه بندی: فرهنگی و هنری، اجتماعی، ادبیات/شعر، تاریخ، اخبار، زوانی هه‌ورامی، مه‌هدی ئه‌بری(هه‌ورام)، یاوه‌ر هه‌ورامی، سەیوان ئێبراهیمی(گوازی)، مەهوەش درۆستکار، جەواد حەمزه (فێراق)، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی (زاغمرز-زینوند-حسین‌آباد-امیرآباد) هورامی های شمال ایران) عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،شەوەو یەلدای(شەوەو چلێ-شەوەو به‌راتی) بە گرد٘وو خەڵکوو هه‌ورامانی پیرۆز و مەبارەکه بۆ،
نوشته شده در تاریخ پنجشنبه 30 آذر 1396 توسط همایون محمدنژاد
.: Weblog Themes By Abdollah Habibi :.