کەلەبەروو شێعرا(8)
په‌ی مه‌رگوو مامۆساسه‌عدوڵڵا خه‌دیری


داخی  داخانم   پەی  هەورامانی
کۆسێ تەرش کەوت چەنی زمسانی

کتێبخانیەتەر جە بەین شی لوا
زانای تەر پێسەو میرزاخەدیر کوا؟

شەختەی سیا وای ئەجەل ئی جارە
دانی  هەجیجی   کەردەن   وەهارە

هاڕەکەی ئەجەل هەم خۆل وەردەوە
چوون یاران دانەی ئێد٘یچ هەڕدەوە

هەرچەن هونەرمەند٘ مەرگش پەی نیەن
تا ڕووی سەر بێسات واتەش باقیەن

بەڵام داخەکەم  جە دمای مەردەن
 خەڵک تازە زانا خزمەتش کەردەن

#سەیوان ئێبراهیمی(گوازی)


په‌ی مه‌رگوو مامۆساسه‌عدوڵڵا خه‌دیری

مامۆسای وه‌ش زه‌وق، شاعێری وەش زوان
واته‌ی شیرینت ئارامی ڕه‌وان

هەستی ناسک وین، خامەی پەڕ نگین
مایەو سەربەرزی هەم دنیا و هەم دین

بە زوانی شیرین هەورامیانە
شێعرێت گێڵاینێ یانه‌ به‌ یانه‌

به‌ دڵێوی په‌ڕسۆز لاونێنی دڵبه‌ر
تەمەنت بەرد سەر،بە واتەی گەوهەر

فێکر و خیاڵت، هەورامان ماوا
ئاوازه‌و شێعرات، ئەو عالەم یاوا

بوڵبوڵوو تەبعێت، ئارۆ نەواناش
بایەقوش دەنگوو کۆچەکەیت یاوناش

خامەت بێ ناز کەوت، بێ یار و هامدەم
جە دەرد٘ه‌و دووریت مەر بنویسۆ خەم

جە نەبیەیت ئازیز، دڵم بێزار بۆ
یا خودٚا ماواکەت گوڵ و گوڵزار بۆ

شاعێر مەمرۆنە، شێعرێش هەر مەنا
هەتا دنیا هەن، شێعرەکاش وه‌نا

#فه‌رید زاوه‌ری
#پەی میرزای هەجیجی

میرزای هەجیجی نموونەی دەوران
پیری سەرقافڵەی شێعری هەورامان

عەمرت جە حەفتا پاش کوتا کەرد٘ەن
لەشت  نە  گوڵکۆ ،  نامت  نەمەرد٘ەن

بە هەجێجیانە ئامای تا سەرکەل
تۆیچ چوون ماباقی،بەردیش وای ئەجەل

تا جە هەورامان زوان هەورامی بۆ
میرزای هەجیجی ،نامش گم نمەبۆ

جە ئەشعاری تو چێش کەرون شارۆ
مەر واچوون ڕەحمت وە قەبرت وارۆ؟

#جەواد ــ فێـــراق(پایگەلان)

تەسلیەت ماچوو هەورامانەکەم 
مەنۆ  وه باوت  باو   باوانەکەم 

یۆتەر جه دەس شی گەورەی وەڵاتم 
دڵ سۆت سنیاوه  جە  دەس خەڵاتم

دەس ئاما دەس شی دەس بێ دەسەڵات 
هەورامانەکەم     خەمت    بی    خەڵات 

نەبێزیەی بەزیەی بەرزه بۆ  ئاڵات
سەعد خەڵات مەنۆ بۆ یاگە پاڵات 

سەڕوەشی ئاراستەو خەموەراو 
وەڵاتی ئازیزی وەشەویسیم کەروو

   #حەسەن خەیات

پەی یاد٘وو مامۆسا خەدیری

هەی هاوار هەی ڕۆ گەورەی خێڵم ڕۆ
مۆریدی ئاشق   هەردە  گێڵم   ڕۆ

 مامۆسای هونەر نیشتمانم ڕۆ
سەرچەمەی حەیات هەورامانم ڕۆ

ناسک خەیاڵی کوردەسانم ڕۆ
دڵسوزی دڵ و ڕۆح و گیانم ڕۆ

پیری نوورانی مێهرەبانم ڕۆ
شێعرو غەزەڵی بێ سامانم ڕۆ

داڵانی و هەیشوور کۆساڵانم رۆ
ئاتەشگا و شاهۆ سەر تەڵانم ڕۆ

هاژەو قەڵوەزەی هانەی بڵم ڕۆ
میراوی سەرجۆی باخی دڵم ڕۆ

جۆش و خرۆشی سیروان گێجم ڕۆ
وەلی دێوانەی چەم هەجیجم ڕۆ

مامۆسای ئەخلاق با ئیمانم ڕۆ
ئۆلگووی مارێفەت موسڵمانم ڕۆ

هەی ڕۆ هەی ڕۆمەن نەیاوام خزوور
دڵ ئایێر گێرتەن چوون کوورەی تەنوور

دەک بە ڕەحمەت بۆ مەزارش پڕنوور
چەنی ساڵێحان بکریۆ مەحشوور

هەتا دەمێ مەرگ بە خامەی چنوور
پارێزنا  فەرهەنگ زوان و کەلتوور

کێ هەن ئاشق چوون سەعدهەورامی
دڵ کەرۆ  نسار  ئاڵا و مەرامی؟!

#موحەممەد خدری(ئەدیب)

ویرەوەریێو جه مامۆساسەعدوڵڵای خەدیری(هەجیجی)

وەهاروو هەشتاوحەوتی بێ، مامۆساسەعدوڵڵا تەشریفش ئاورد٘ لاویانەیماره ،به تەعارف بەردم یانه ، کەوتێمێ قسه وباس ،هه رچن نەژنەوێ بەڵام تاوێ بوانۆوە ،نویسم پەی سەرئامایەکات پەی باس کەره فەرماواش:حدوودوو چڵ ساڵێ چیوەڵ رام کەوته شاروو پاوەی،لوانی مزگی حەزرەتووعەبدوڵڵای، نماو عەسری کەروو،پیایوی ئەژناسانی دماو نمای چڕیانیش گۆشێو،هەتا شێعریش پەی بوانۆوە،چی وەختەنە خەڵیفه ئەحمەدوو پاوەی ویەراویەرێ، ئا کەسیە واتش:
 خەلیفه  بۆ باسووفی سەعدوڵڵای هەجیجی شێعرێوەماپەی بوانۆوه، خەڵیفه نەژناسانی سەرسەری  چەمش پەی وستا واتش: ئەرشاعێرا شێعرێوه چنۆ منەرە.
 میرزا فەرماوێ منیچ واتم:
احمدا!مدح وثنا بس لایق پیغمبر است
الفی ازمدح محمد(ص)قیمتش صدگوهر است
هه ر ئی بەیتێ بیێ باعێسوو  ئانەیه هەنترینی بژناسمێ و سڵام و تەوازۆحما   بۆ ۰
 کیانەر:کاکەموختارسادقی(هەجیجی)

خوا عەفوی کات چاو بە نووری خودا هەڵ بهێنێت بە ڕاستی پیاوی چاک بوو کاتێک لە تەربیەت مووعەلیم بووم  کاک مەهدی برام لە ئاوایی دەڵە مەرز موعەلیم بوو منیش چووم سەردانیم کرد لە رێگادا لە ناو مینی بووس چاوم بەم پیاوە کەوت زۆرمان قسەوباس کردبەهاری ساڵی ۷۲ چاوم بەم پیاوە بلیمەتە کەوت باسی بۆکردم کە چاوێکی بە تەرەقەی دینامیت لە دەست داوە خەریکی پیشەی حەڵەبی سازی بوو لە ئاواۍی کانی حسەین بەگ ئەلعانیش دو پارچە شێعریم هەر لە یاد ماوە
کە سعدللە گرفتاراست زینهار
دلش چون دیگ جوشان است زینهار
کەسعداللە چنان اندر عذاب است
توگویی کبک چنگال عقاب است 

شێعرێکی دیکەی کاتێک ڵێم پرسی کە کاک سعداللە کار وشوغڵت چیە لە جوابدا فەرمووی 
حەقیقەتم بەردا بوومە مەجازی
پیشەم بوەتە حەلەبی سازی

یارەبی خوا عەفوی کات بەراستی ئۆستادی مەسنەوی (مثنوی)داڕشتن بوو 
کاک هومایون من بۆ یادگاری دو بەیتم شێعر بە دەست نووسی خۆی هەیە تکایە ئەگەر پارچە شێعرێک لە مەسنەویە کانی دابنێیت مەمنون دەبم 
جارێکی تر خواعەفوی کات وچاو بە نوری خودا هەڵ بهێنێت 

برای بچووکت ؛ هادی شجاعی (هایکۆ)



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، تسلیت ها، سەیوان ئێبراهیمی(گوازی)، جەواد حەمزه (فێراق)، میرزاسه‌عدوڵڵا خه‌دیری، فەرید زاوەری، موحەممەد خدری(ئەدیب)، حەسەن عەزیزی(خەیات)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(8)په‌ی مه‌رگوو مامۆساسه‌عدوڵڵا خه‌دیری،
نوشته شده در تاریخ شنبه 23 دی 1396 توسط همایون محمدنژاد
.: Weblog Themes By Abdollah Habibi :.