هه‌ورامان هانه‌به‌رچه‌م
    
وبلاگ هه‌ورامان هانه‌به‌رچه‌م ۹ساله شد     

په‌لیانه‌و "هه‌ورامان هانه‌به‌رچه‌م"ی بی به ۹ساڵێ

پربازدیدترین وبلاگ هورامان ۱۹۷٨۱۰۷نفر
تعداد مطالب ارائەدادەشدە:  ۱٥۷۲
تعداد موضوعات ارائەدادەشدە:  ۲٥۰
فره‌و وینه‌رته‌رین په‌لیانه‌و هه‌ورامانی۱۹۷٨۱۰۷کەسێ

په‌لیانێوه که فره‌ته‌رین باس و مه‌قالێ و هه‌واڵێ فه‌رهه‌نگی و ئه‌ده‌بی سه‌روو زوان و فه‌رهه‌نگ و ویه‌ردٚه‌و و تاریخوو هه‌ورامانی به ئه‌ژماروو 1572باسێ دلێ هاڵیگای قه‌ساله‌ینه‌نه وه‌ڵا کریه‌نێوه.

سڵام وەشەویسا؛
فرەو جارێ جە پەلیانەو هەورامان هانەبەرچەمینە بە ئەوپەروو دڵسۆزی هەرمانەم کەردٚێنە و هیچ کەسیچ تا ئیسە وەرپەنگم نەبیەن،فرەو جارا بە واتەو بڕێو ئەغیار و لادٚەی گەره‌کشا بیەن دڵسەردٚم کەرا،بەڵام سپاس پەی خودٚای تاقانەی نەتاوانشا،جە ڕاو هەورامانی لام بدٚا،جه 7ڕابرانوو 1388ئی په‌لێانێ مه‌رزیاره،به‌ڵام3 مانگەونەورۆزوو ‌1389 یۆوه‌مین باسی تایبه‌تی وه‌ڵا کریانه‌و ۷ڕابرانوو۱۳۹٦کۆچی ڕۆجیاری نۆهەمین۹
ساڵەو ئەرمەرزنای پەلیان و وێبڵاگوو "هەورامان هانەبەرچەم"ین کە بە وەڵا کەردٚەی نزیک بە 1572 باس و مەقالێ و شێعر وداستانێ بە زوانی هەورامی تاوانش خزمەت و هەرمانەی فەرهەنگیە کەرۆ ، هەر چن فرەو جە تاقمەو نویسەرا و شاعێراو هەورامانوو ئێران و عێراق و هەورامانی پژگیاو وەڵاتەکا تاوانشا یاردٚیم بد٘ا،کە پەی یاردٚەی و هامویری گردٚیشا سەروو ئەدەبی نامنوورە؛تاقمەو قەڵەم بە دەسێ جە هەر یاگێ و جە هەر باوەر و ویر و فکری بیێ با گۆشم نەدٚان و وێپانە باسەکەشا وەڵام کەردٚێنێوە،په‌وکه‌ی یاوگە و ئامانجوومن هەورامان و زوانی هەورامی بیەن،بەڵام بە ویر و ئاوەزی هەورامیانە و دوور جە قین و نەدۆنای،پەی گردٚوو ئا کەسا پەی هەورامانی و زوانەکەش جە هەورامان و کوردٚەسانەنە هەوڵ و تەقالاش دەینە،دەسێشا ماچ کەروو.مەندێ وەشینە. په‌لیانه‌کێما سه‌روو هاڵیگاو قه‌ساله‌ینه(فضای مجازی):

http://qalamohoramani.blogfa.com/


تلگرام کانال هەورامان هانەبەرچەم

Telegram: Contact @hawramanhaneberchem


تلگرام کانال  کاناڵەو "چەمەڕا"ی


خزمه‌‌تکاروو زوان و فه‌رهه‌نگ و ئه‌ده‌بوو هه‌ورامانی

هومایون موحەممەدنژاد


sina.mohamad@ymail.com




پاره ای از دیدگاههای بزرگان و شاعران و ادیبان و بازدیدکنندگان که هیچگاه فراموش نمی شود:

(خەزێنەی کولتووری هەورامان)کاکەهومایون موحەممەدنژاد:شێعرێوە جە کاکەساسان مۆنفەرێد (بێ وەر)


مه‌ریوانه‌که‌مان

(خەزێنەی کولتووری هەورامان)
کاک هومایون موحەممەدنژاد!

شاخی بەرزی بیروبڕوا
هەتاوی سەرکەلی هیوا
ڕووباری پڕخرۆشی حەز
گوڵخانەی فەرهەنگ و ئەدەب
خەمەوەرەی هەورامانم
ڕۆح وگیانم
پێشوای کاروانی خزمەت
شاوشەی شێعری زمانم
دڵسۆز،فەرهەنگ نیشتمانم
من نازانم 
هەڵسی هەڵاڵەی کام شێعرم؟
بەرامەی کام چڵە هەزبیم
مەستت دەکا؟
بەشنەبای کام هەڵبەستم
ئارەقەی دڵت بسڕم؟
بەڵام هاوڕێم دڵنیابە
لەهەرکوێ بم
بەرەو لووتکەی خۆشتەویستیت
بە دڵ دەفڕم
ڕێبازە پیرۆزەکەی تۆ
بە قەڵەمێ پیرۆز دەبڕم
بۆ بەرزی ناوی هەورامان
سیاچەمانەی ئەڤینم
بە چەندوشەی سانا دەچڕم
وەک ئاگری ئاتەشگای شێعر
لەدڵ منداڵێ ڕەش وڕووت
هەردەم دەگڕم
ملوانکەیەک لە شێعری تۆ
تاهەتایە
بۆ گەردنی
خەزاڵە کاڵە کەم دەکڕم.
          
#ساسان مۆنفەرێد (بێ وەر)

18ی بەفرانباری 2717ی کوردی
پێشکەش بە شاتەواری چیای فەرهەنگی هەورامان..کاکە هومایونی موحەممەدنژاد


پێشکەش پەی کاکەهومایون موحەممەدنژادی:
شێعرێوە جە کاکەهاشم موحەممەدی(بێدڵ هەورامی)

#سەوقاتوو بێدڵی په ی کاکە هومایونی


کاکە هومایون        برای       بەڕێزم

ئاراستەو تۆ   بۆ ،  سڵام    و    ڕێزم
          
خزمەت کارەکەی   قەڵای   هەورامان

باخەوانەکەی     چەمە  و   سەرئاوان
 
چنووری وەش بۆی  دەربەند و  کاوان

لۆسه   هۆرگیری   فەرهەنگ   و  زوان 

مەلەوانەکەی     گێجاوی        سیروان

ڕاویارەکەی      ئازا    و     بێ   وچان 

شەو  بێدارەکەی      تاریکه     شەوان

هەسارەی گەشی   دید٘ە   بێ   خەوان     

تاریخ نویسی    هەورام    و     گۆران

زیند٘ە    کەرەوەی     یاسای    با پیران 

قەڵەم  بەدەسوو     مەکتەبی    ژیران

شەمعی  بە   سۆزی   یانەی    فەقیران

یاخود٘ا! چوون شاهۆ  بوڵەند بۆ  پایەت

هەورامان  نیشۆ   به  سۆز   نه  سایەت 

تریفەت  گەش   بۆ    پەی    هەورامانی 

مایەو        دڵوەشی       پەپوولەکانی 

"بێدڵ"کیاستش چنوور و وەرکەمەر 

 شاباشوو تۆ  بان  هەورامی  پەروەر

#بێدڵ  هەورامی‌‌(هاشم محمدی)

سڵام هانەبەرچەم

قیبلەم کوا مەیلت قیبلەم کوا مەیلت
ها بیم وه قەقنەس قیبلەم کوا مەیلت؟
یا کوا پەیمانەی جه وەفا کەیلت 
جه یاد٘ت شیەن بەقا چوون لەیلت؟
شێویان شێوەی مانگی که حەیلت 
دووربای پەشێوەن سیمای جەمیلت
پەی چێش کەم بیەن مەیلەکەی خەیلت
تاسیا پەپوولەم نه جەوری سەیلت؟ 
کێ بەرد٘ به غارەت بازارو بەینت 
نەمەندەن عێشوەی دوو دید٘ەی عەینت
ژاکیان چوون رێحان زوڵفی خەنەینت
من بێم جانفێدات من کێشام دەینت 
من ڕەواجم دا شۆهرەی حەزینت 
بیم به لاولای باڵای سەروینت 
بیم به پەروانەی سیمای سنجەینت
کێ جه ڕا بەردی سیا کەرد زەینت 
ژاراو پێم نۆشا دڵەی سرکەینت 
بێدڵ وێش کەرد٘ەن فێداو تۆفەیلت
بیەن ئارا گێڵ سارای دووجەیلت 
ڕازیەن به مەیل ڕەشتەی سوەیلت 

#"بێدڵ"پێشکەش به هانەبەرچەمی


#بێدڵ  هەورامی‌‌(هاشم محمدی)

مەقالێ و هەواڵ ، ئەدەب و فەرهەنگ
زوانی هەورامی، تایبەتی و  بێ ڕەنگ

تاقمەو نویسەرا و شاعێـــــرای وەڵات
پێشکەشت کەردێ سەربەرزی وخەڵات

درێژەو هەرمانەیت یاونا بە نۆ ساڵ
عومر درێژ بی ، پەی  باس و هەواڵ

خزمەتت کـــەردەن بە دڵ و بە گیان
مەرزناینێتەرە بـــــەرچەم  و پەلیان

کاکەهــــومایون دەسێت وەشێ  با
چنوورو ڕێحان بــــە پێشکەشێ با

#عەتا عەلی پوور

پێشکەشی عەتا عەلی پوور پەی
بەڕاوە بەروو "هەورامان هانەبەرچەم" ی
برای گەورە و زەحمەت کێشما
کاک هومایونی وەشەویس


سڵامێوی گەرم ،گەرمتەر جه جارا

 پێشکەشوو تۆ بۆ ، گوراڵەو شارا

  برای  ئازیز   و چنە   ئاماکەم

کاکەهومایون  ،  ئاوازەش دیارا

سپاست کەروو ،  ئۆستادی زانا

زوان پەی وەسفیت، بارش گرانا

# فەرید  ئهحەمەدی(فەریدزاوه‌ری)

پێشکەش بە
ئۆستادهومایون موحەممەدنژادی نویسەروو هەورامانی
یانەو گرد٘یما   ،   هانەبەرچەما

دڵوەشما کەرۆ  ،  لابەرۆ خەما

ساحێبوویانەی ، کاک هومایۆنا

تا خاسەش واچی،بازەم هەر کەما

# فەرید  ئهحەمەدی(فەریدزاوه‌ری


شێعرێوه جه کاکه جەواد حه‌مزه (فێـــراق پایگــەلانی)

مه‌ریوانه‌که‌مان
هەورامانی تەخت ژاوەرۆ  و  لهۆن
پەرێ جارێوتەر  گرد چەمەڕای تۆن

 ڕادیۆ  مەریوان  ،  بە   تۆوە  وەشا
پەی زوانوو ئەد٘ای زەحمەتت کێشا

یاڕەب هەورامان   نەبڕیۆ   چەنەش
هومایون ناما، خەڵات  بد٘ا  پەنەش

هەرکەس بە زوان ، ئێقرار کەرد ئەد٘ا
بێ شک  هەورامین  ، کەسێوتەر  نیا

لاسایێ  پەرێ،  هەورامی نامان
جە ئاوێستاوە بە خەڵات  ئامان

زوانی هەورامی جە  فرەو  زوانان
دەوڵەمەنتەرا بێ شەک و  گومان

زاڕۆڵێ  بێ  تاتە ،  کەمتەر دیارا
بێ ئەد٘ا  ماواش گۆشە و کەنارا

بە واڕای زوانت،  هەتیم  کەوتەنی
وێت مەکەر نەزان ، ئەد٘ا  مەرد٘ەنی

پێشکەش بە کاکە هومایون موحەممەدنژادی نویسەر و زەحمەتکێشوو زوان و فەرهەنگوو هەورامانی.


# جەواد حه‌مزه (فێـــراق پایگــەلانی)

دەسێت  نەناڵا  ڕۆڵەی  هەورامان
عومری پەلیانەت ن
ۆ ساڵ تەمامنان

بێ ڕیا خزمەت وە زوان کەردەنی
بە ئاوەز ، پەنجەی نەفام گەستەنی

پەنجەی قەڵەمت یاڕەب نەناڵۆ
زانائێت  ژەنگی  نەفامی   ماڵۆ

ئێشەڵڵا چوون تۆ هەزاران هەزار
نموونەتا   بۆ  ،  داری   ڕیشەدار

هانە بەرچەم بیەن ،ماوای هاوهانا
ڕێزم هەن پەرێت  ،  زانای  تەوانا

گڕوگاڵی من ، پەڕ جە عەیب وعار
مەسپارووت بە دەس ،خود٘ای پەروردگار

پێشکەش بۆ پەی کاک هۆمایون موحەممەدنژادی ــ بەڕاوە بەروو هەورامان  هانەبەرچەمی

# جەواد حه‌مزه (فێـــراق پایگــەلانی)


پێشکەش بە مامۆسا هومایون موحەممەدنژادی
شاعێرو نویسەروو هەورامانی

مه‌ریوانه‌که‌مان
ئازیزم   سڵام  سەرتاپای    دامان
گەشەت  پنە دا  زوانی  هەورامان
ئارۆ دید٘ە و  دۆس  باسێوشا  کریا
دید٘ەی  وات به  دڵ   ئاواتم   بڕیا
دەروون پەشێوەن پەی ساتێ دید٘ار
مەر   جه  داڵانی  وینووت  به قەرار
سڵام   سەد٘   سڵام   ئازیزی  گیانی
وەشەویسەکەو     گرد٘    هەورامانی

پێشکەش بە مامۆسا هومایون موحەممەدنژادی شاعێرو نویسەروو هەورامانی

# ئەحسەن  قادرپوور(داڵانی)

جەمێنێ یارێ  

سڵام مەجلێسوو  شیرین کەلامان
 
حۆرمەتووگردی بەرزەن جە  لامان
 
دیارەن  جۆشان  هێممەتوو  دڵا
 
 جەمەن  قەتارەو  گوڵزاروو  گوڵا
 
ئانە ئۆستادێ و  قەدٚیم  یارێنێ
 
پەی وەڵاتیما  گرد  خەم وارێنێ
 
ڕۆشن  ویرێنێ   و   کەلام  نگینێ
 
فەرهەنگ پەروەر و قەڵەم ڕەنگینێ
 
 
یارێ   وریاینێ   پەی   فەرهەنگیما
 
پەی زوانووئەدٚای و ڕەسموو بەرگیما
 
 
فەرزەن خزمەتوو  خاکوو وەڵاتی
 
هەر چننە  تاوی  پاو  دەسەڵاتی
 
 
هەرپێوە گەشەن مەجلێسوو یارا
 
کەرا   خزمەتوو    خاکوو  نازارا
 
 
با بۆ  قەواڵە  ڕەنج  و  زەحمەتی
 
گم نەبۆ  ڕەسموو خاکوو حۆرمەتی
 
 
دەس و  قەڵەموو  ئۆستادا  گردی
 
 من ماچش کەروو پێسەو شاگردی
 
 
مەبارەکتابۆ ئۆستادگیان سەرساڵ و ئەرەمەرزیاو مۆئەسێسەو هانەبەرچەمی قەڵەمەکەتا گەشتەربۆ پەی خزمەت بە زوان و فەرهەنگەکەیما

#عوسمان ڕەحیمی  هەجیجی

ڕۆڵەی دڵسۆزی ماوای هەورامان
خەمەوەرەکەی فەرهەنگ و زوان

مایەی شانازی هەورامی زوان
زحمەت کێشەکە نیشتەی مەریوان

بە یارد٘ی خود٘ای ئەچی مەحاڵە
هانەبەرچەمت بی  بە   نۆ ساڵە

هانەبەرچەمت هەوارگەو دڵان
بەرەت ئاوەڵای  ناسک خیاڵان

پەی هەر چوار  بەشی هەورامانما
بیەن حەر پێسەو بێشکەو لانکەما

لابەرۆ جە دڵ ئێش و  درد  و خەم
پێسەو وەهاری بەرزی کۆڕی مریەم

موحەممەدنژاد یاڕب هەورامان
نەبڕیۆ چەنەش هۆمایون نامان

سەیوان پەڕ بە دڵ پێسەو گۆازی
مامۆسام  پەنەت  کەروو  شانازی

 
#سەیوان ئێبراهیمی(گوازی)

[Forwarded from احسان کرمی]
سڵام و حورمەت.
یا خودٚا بەردەوام بی کاکە هومایۆن گیان.مانیایت ئەوەسەیای بۆ یا ڕەببین.بە سەربەرزی و سڵامەتی مەنی و ژیوی.
[Forwarded from Najih Gulpy]
سڵام کاک هومایون گیان خاسنی  توٙ ،  ئومیدەوارەنا ساق و سڵامەت بی
مبارەک بایی ساڵڕوٙ ئەرەمەرزیای  پەلیانەو هەورامان هانەبەرچەمیت وەنە کەروو،
هەورامان هانە بەرچەم یانەو گردیما بیەن بە بیٛ جیاوازی ، من هەمیشە  هەوڵمدان بە پاو توانایم  سەردانو ئی پەلیانە هەورامیە زەریفەیە بکەروو ، نزیکۆ  بابەتەکیٛم وانانەو ،   تا حەزکەری پەلیانیٛوی هەورامیانەو پەی خزمەت زوانو فەرهەنگو هەورامانی هەرمانەش کەردیٛنە ..... سەرکەوتەی  سەرمڕە پەی پەلیانەو هەورامان هانە بەرچەمی ،، هەر وەش و سڵامەت بی کاک هومایون .
[Forwarded from کورش یوسفی]
دەست وەش بۆ کاک مەریوان پەی ئەرەنیای ئی بابەتەیە.
دەسوەشی کاک هومایونی ئازیزیچ کەروو پەی درێژەدای بە خزمەتەکاش بە زوانوو فەرهەنگوو هەورامانی جە ڕاو پەلیانەو هانە بەرچەمی و جە کۆرو بەرنامە کانە و...
مانیایت ئەوەسەیاش شونیەو بۆ.نموونەت فرە بۆ.

[Forwarded from سیوان ابراهیمی گواز]
سڵام مامۆسا گیان پەڕ بە دڵ پیرۆزبایت چنە مەکەروو بە بونەو ساڵیادوو پەلیانەو هەورامان هانە بەرچەمی

[Forwarded from اخدر ناصر]
سڵام مامۆسا گیان پیرۆزباییت.چنه که روو به بونه و ساڵیادوو هه ورامان هانه به رچه می
سڵامه تی و سه رکه وته یت ئاره زووما





طبقه بندی: فرهنگی و هنری، اجتماعی، ادبیات/شعر، تاریخ، اخبار، جفرافیا، زوانی هه‌ورامی، شهرها و روستاهای هورامان، ده‌گاو زاوه‌ری/روستای دز‌آور، تصاویرومناظرطبیعی وتاریخی، دینی ومذهبی، نوشتارهای همایون محمدنژاد، هومایون موحەممەدنژاد، عه‌بدوڵڵا حه‌بیبی، کوورش یوسفی(ئاریا)، شۆرش عه‌زیزی/"ئاوات"، دوکتور ناجح گوڵپی، سەیوان ئێبراهیمی(گوازی)، عوسمان ڕەحیمی هەجیجی، میلاد یوسفی، سەفووەت ئەمیری(کۆچەر)، هاشم موحەممەدی (بێدڵ)، فەرید زاوەری، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه(نۆتشه)-زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس شبک(شه‌به‌ک)-سنجار-کاکه‌یی-یارسان-ساور-نودیجه-زازا-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،وبلاگ هه‌ورامان هانه‌به‌رچه‌م ۹ساله شد(په‌لیانه‌و هه‌ورامان هانه‌به‌رچه‌می بی به ۹ساڵێ)،
دنبالک ها: کاناڵەو "چەمەڕا"ی، قه‌ڵه‌موو هه‌ورامانی، کتابخانه‌هورامان،کتێبخانه‌وهه‌ورامانی، یانه‌وکتێبووهه‌ورامانی، پایگاه خبری نوریاو،
نوشته شده در تاریخ جمعه 6 بهمن 1396 توسط همایون محمدنژاد
.: Weblog Themes By Abdollah Habibi :.