کەلەبەروو شێعرا(۳٤)
‍    
هەورامان و وەهار

هەورامانەکەم گلێنەو  چەمام
ڕۆشناو دڵیم  بەرکەرۆ خەمام

وەشەن نەسیمت وەشەن گوڵزارت
دڵگیرەن  ماوای  قەۮیم   هەوارت

بە باڵای شەرمین وەنەوشەو  باخات
بە نەخشوو وەروێ بەرزوو سەرشاخات

شاۮەن قەڵوەز و  قرمەو شەتاوات
کەمەرا و کەمەر کاوۆ  سەرکاوات

هەردەن گوڵزارەن باخەن بۆیسانەن
خاکە ن حەیاتی  نەسڵی  ئێنسانەن

سە یرو گوڵزاراوو  کۆ هەورامانی
خاستەرەن جە گرد دەواو دەرمانی

گردش نموونەی سێفاتی  خوۮان
گوراڵان هەر یۆ ڕەنگ و بۆیو مەۮان

ئانە خلقەتوو    پەروەردگارین
مڵک و  ژیوائی گرد گیاندارین

پارێزنەش قەۮر وحورمەتش بەرزەن
سەروو گردیمان  واجب و  فەرزەن

#عوسمان ڕەحیمی هەجیجی

‍ ‍ وەختێ شێعرەت پەی مواچوو عەزرەتێ مەگنانێ گۆ
من سەراپا بوو چەمێو، هیچی مەوینوو بیجگە تۆ

پێسە سیگاریمەنی،گرد ڕۆیە واچوو لات بەرو
تا وەشی، یا خەمیە مەی گێڵونە بەش بێزونەتۆ

هۆ هەسارێ  ئاسێمانیم، هەر مەیاوونەت  پەنە
تف بە عەشقی وێش مزانۆ هەر مەیاڤۆ و هەر مەنۆ

خەیرەشا پەی من نەبێ شێعرێ جێگەم ئی مەردێمە 
چەپڵێ پەی شێعرێم کۆوانێ و زامەکێم مەگنانێ سۆ

شێعرە بەخشەم کەمیە بێ ئێنسافیەن هیچت نەبۆ
سەروەش و مەستم کەری، بی بە شەراوو و ئابێجۆ

من چەنی شێعرێم مژیوو، شێعرە هەر ئەجیۆ ژیان
گا پەڕەن ڕاسی و سێداقەت، گا پەڕەن فێڵ و درۆ

هەمتەری نیمەو شەوێ کەوتانێ ویرت دیدەکێم
بێ وتەی ئێشەو لێواوە، هەمتەری ئاماوە ڕۆ

چننە‌‌ سه‌خته‌ن ئه‌ر نەیاوۆ یۆ بە ئازیزەو دڵیش
ناعێلاجی بەی و چەنی دیواری بگنۆ گۆفتێگۆ

#پەرویز  بابایی       
‍ 
هیچ وەخت جە مەرگی مەبیدێ هەراس
ئینە هەقێوەن پەرەی جن و ناس

بۆ بە مێمانما ئارۆ بۆ سەوای
هەتا هەتایەن مەکریۆ دەوای

وێ کۆشتە و بڕیەی بێ سوودەن بێ سوود
 مشیۆم مەرگش بۆ هەرچی هەن مەوجوود

پەی قەبووڵ کەردەی قانوونوو مەرگی
پەی ڕۆیە یاوای خەزانوو بەرگی

گردش گێڵۆوە پەی مەژگوو وێما
پەی قەبووڵ کەردەی جیەووەڵ کە دیما

کێ تاواش بەرشۆ ئەچی قانوونی
ڕۆیەیچ فەنا بۆ کورەو زەمینی

#شاهۆ مەعازی

بیه‌ی 
نه‌سریه‌ ڕوته‌ن تا یاوای
شێعره‌
یانی نه‌بیه‌ی
هه‌ر جاریه‌ به‌ ڕه‌وایه‌تیه‌ دلێ وێشه‌نه‌ مه‌وانۆته‌وه‌.

ئیسه‌یچ زاڕۆڵه‌ییم
دلێ دوچه‌رخیه‌نه‌ مه‌گره‌وۆ که‌ نه‌بێم.
وریا-ی سه‌ره‌که‌وی هامساما
گرد ڕۆیه‌ سوارت که‌رێ
و
بێ به‌زه‌یی
قله‌کات 
قژه‌کات
جه‌ من دزێ .
‍     
#مەهدی ئەبری



طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، عوسمان ڕەحیمی(مورید)، په‌رویز بابایی، شاهۆ مەعازی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(۳٤)،
نوشته شده در تاریخ شنبه 8 اردیبهشت 1397 توسط همایون محمدنژاد
.: Weblog Themes By Abdollah Habibi :.