کەلەبەروو شێعرا(٤۱)

‍ ‍ ‍پاکی وەشەن

وەسیەتەن  کاکە وەسیەتەن  ڕۆڵە

پەی  ژیوا و عمریت  بە  فکر  گێڵە

عیبادٚەتوو خود٘ای کەرە  بە عادٚەت

جە خاسی یاوە ،  پایەی سەعادٚەت

بە   تانە   دڵوو     کەسی    نەماڕی

جە   مەرام  پاکی  دڵیت     نەواڕی

هیچ    نیەن  دنیای   خەم   پۆنەشنیای

وەشبەختی ئینەن پەی هەر دوێ  دنیای

#عوسمان ڕەحیمی هەجیجی

هەرچی ئارەزوون وزدێش پا لارە
تەنیا متاوا دڵتا تەکنارە

مەژگی قوڵ مد٘ا چەنی ڕەوانی
فێروو درۆی کەرا پاکی زوانی

مد٘ا تاوێڵت ژیوای هیچ و پووچ
بە کوڵیە عێلموە تۆ کەرینە لووچ

هەر بە تەمەنا تا ئاخر نەفەس
ئارەزووی بێ بەر بۆ بە تاکە کەس

وەی وڵەگێجانێ مەژگینێ ئینە
واقعیەتی تۆ بە چەمات وینە

تەنیا عەمەڵەن یاونۆت بە پایە
ئارەزوو پەی تۆ نیەنش سایە
#‍ شاهۆ مەعازی
‍ زەمانە  یاڕەب  شەو   نەکەرین  ڕۆ
حاکم  تا بە کەی، ئینە ڕەویەش بۆ!
نە  جای  ئەلهێلال  ئەلوەداع  واچۆ
هەژار تا بە کەی وەی تەور  بساچۆ!
کامین    زوانەن   ،  کەرۆ    ڕۆڵەڕۆ
یاڕەبی پەی تۆ  ، جە  دەم   نەگێڵۆ؟
#فێـــــراق

‍ ‍ بێ‌وەفا هەی بێ‌بەقا! قەوڵ و قەرارت ویرتەن
مەیلەکەی ناحەزکوش و بێ قین و قارت ویرتەن؟!

خەم نەیارێ لەنجە بنمانۆ نەکوو ناکاوە بەی
تیرە دەی دڵش و کەرینەش دەردەدارت ویرتەن؟!

شەرتە ئانێ بێ نەدٚەی مەیلت کەس و هەم ناکەسی
تا ئەبەد بانێ بە وێڵ و بێقەرارت ویرتەن؟!

یۆ بە مەکر و یۆ هەڕە و بووڵاوە یۆ قیراوە بێ
کەردەشا دیدەم نەوینوو ڕۆجیارت ویرتەن؟!

تۆ جە زمسان و خەزان و هامنی هاگات نەبێ
هەر یەرت من کەردە بێ وێنەی وەهارت ویرتەن؟!

بێ‌وەفا جەوساوە ویرت شیوە بەی مەردەن دڵم
مەردەلۆقەی بێ‌کەفەن هەم بێ‌مەزارت ویرتەن؟!

تازە ئاما عاڵەمش کەردەن سەر و ئاغا وەنەت
ئیسە ئادەی کۆنەیاری کەس‌نەیارت ویرتەن؟!

#جەماڵ ـ قادرپوور     



طبقه بندی: فرهنگی و هنری، اجتماعی، اخبار، جفرافیا، شهرها و روستاهای هورامان، عوسمان ڕەحیمی(مورید)، جەواد حەمزه (فێراق)، شاهۆ مەعازی، زوانی هه‌ورامی، جەماڵ قادرپوور،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٤۱)،
نوشته شده در تاریخ چهارشنبه 2 خرداد 1397 توسط همایون محمدنژاد
.: Weblog Themes By Abdollah Habibi :.