‍کەلەبەروو شێعرا(٤٤)

جەوری نەفامان  ،  مەڪێشان ژیران
حەیفەن وەیتەور بۆ، هەورامی زوان

گاە وەخت نەزانێ ،بە تەبعی تاڵش
ئارەقی   شەرم  ،   ماڵۆ  هاممـاڵش

فەرماوان  پیرێ  ، شیرین  شەڪەرێ
یەک زاناش وەسەن ،سەد٘ بێ‌هۆنەرێ

#فێراق

هێجـران
سەوگەند بە ئەحەد،جە هێجرانی تۆ
شەق بەردەن کاسەی تەوانای دووری

ئێنسافت جە کۆن، سزام تا  بە کەی
بڕیان تان و پووی عەبای  سەبووری؟

چەوساوە    دڵم   بی    دڵبەستەی   تۆ
دڵ   نەد٘ان   بە کەس،بینای دوو دیدەم

مەر  سەرای گوڵکۆ ، خاک بشارۆن  دڵ
نیەن غەیر جە  تۆ   ئەی   بەرگوزیدەم

#فێراق
تابەکی دادم دهم برکعبه گریان دل؟
وای برمن دورگشتم ازدل ویران دل،،

در عذاب سردوسخت ونالە فرقان جان،،
جغدشب اهنگ،چراچنگ میزند دامان دل؟

کس ندیدم تاکند دردم دوای عاجلی،،
دوست آن باشدکند درمان این نالان دل،،

گرچە این دنیاهمە زایندە دردو غم است،،
درد من ویران کندشبهای بی سامان دل،،

دردمن از دوری وهجروفغان نی(نیست) یارمن،،
بی ثباتی خیزد از دریای بی جولان دل،،

سوزسرمای دی وبهمن کشد،جان از تنم،،
حس نکردە جان بهاری، درطی سالان دل،،

تابەکی اشکم بشوید پهنه رخسارمن،،
سان چل چشمە براید از ته خالان دل،،

گر بماند عمر راخادم شوم در دهر تو،،
تاکە درمانش کنی،دردان بی درمان دل،،

ای خدا یاری دە این گمراە، زار بی ریا،،
تابە کی اشکش چوسیل ریزدبه سر دامان دل،،

#نەسرین ئەحمەدی
شنەی دڵ
چوار ستونو یانه‌ی مێڕیان
و
گردو قورسایی ئی سرمیچیه‌ نشته‌ن سه‌رو سه‌ره‌یم
ئای مه‌ژگم
نۆوافن یۆوه‌ دوێ
کۆدۆئین یه‌رێ چوار
ئای مه‌ژگم
نمه‌تاوو بسپاروش به‌ ماره‌کاو سه‌رو شانه‌و زه‌حاکی
په‌شته‌و ئی گردو ساڵایچوه‌
ماره‌تووله‌کاو ده‌سو موسای به‌ چل منێ هه‌نگوێنوه‌ په‌یم هه‌زم نه‌کریای
ئای مه‌ژگم
هه‌ر به‌ریه‌م که‌ردوه‌
سه‌د سێوه‌رێم گێجه‌نه‌شه‌نه‌ جیا ئاستێ
ئه‌وه‌گێڵاینه‌ پاچه‌قلێم واردێ
گه‌ڕه‌م که‌رده‌
گه‌ڕه‌تا که‌رده‌
گه‌ڕه‌شا په‌نه‌ دایمێ
گردو ئاواته‌کاما واو له‌مێن
زه‌مان قسره‌ن
قسره‌ن
قسره‌ن.
ئی شه‌وێ پیس ویروسیه‌نه‌
موسا
کۆدۆ...نۆو...
ماررررررررررر
ویندۆز پڕا .

#مه‌هدی ئه‌بری
کڵەی چەمامەن گەردێ پاڵای تۆ
دەسا ڪەرەم ڪەر،ئەر قابلم بۆ

دەش  بە شەماڵی  با  بارۆش وە لام
چەمم چەمەڕان،بە سەرگەردتت بام

#سوهراب مورادنیا(سیاوکام)

ئەمن ئاواره

ئەمن عاشقی ..دێوانه و  بێ عار
ئەمن دڵسۆچیای... .وامەنەی دیار

ئەمن ئاواره......‌...... ئەمن   بێچاره
ئەمن  عاشقی....    یەخه سەدپاره

ئەم گوم و ناپەیدا ،  ئەم بێ شۆنەنان
دایێم پەرێشان....چوون مەجنوونەنان

ئەمن چوون خەزان.....بەرگم  رێزنان
دیدەی ئەسرینم..... وه مەرگ دۆزنان

ئەمن نەکەردەن....دەوای دەرد ئەمن
ئەمن گوریزان........بیەن سەرد ئەمن

ئەمن دەردەدارجەرگەی مەی نۆشان
ئەمن جەفاکێش....کۆی  جەفاکێشان

ئەمن وامەنەی.........مانگان و ساڵان
ئەمن   تانەبار.....‌  جەمعی هامماڵان

ئەمن توومارێ....رەنج و دەردەنان
ئەمن گیرواردەی...نام و  نەنگەنان

ئەمن نەتیجەی........بەدی   ئەماڵم
دایێم بەدحاڵ و........دەروون زوخالڵم

وه باخ ڕۆزگار......‌خاروخەس به وێم
وه ناو کەنووله هەر بێ کەس به وێم

ئەمن شەرمەندەی قەومان وخوێشان
مایەی هەر تانه و.......نەنگ و نامشان

ئەمن پەرێشان...غەریب و مەهجوور
دوور جه یاران و...ئەسیر و رەنجوور

چوون هەوری وەهار.چەمم گریانەن
دڵم تانەبار..........‌.‌‌..‌..... خار و خەسانەن

تانەی  هەوماڵم........ئاور  دان  ماڵم
قامتم ورد کەرد.......چوون پیر زاڵم

ئەمن   بێچاره........ئەمن   ئاخر  شەر
وه باخ ڕۆزگار.....  ئەمن دەر وه  دەر

کەرمەلا راندەی...... کەنووله و پەریان
خەسته و نائومید......غوربەتی شاران

#کەرەمەلا ئەمیری(ک الف یاس)
‍ ئازیز!     ها     نزیک     بەره    جەژنانەن 

مانگەی   سەرفێترەی    موستەحەققانەن

ئێمەیچ موستەحەق چوون موستەحەققان

نەکەریم   بێ  بەش   جه   سەرفێترەتان

جەو    بەیانی    زەرد    باخی    سینەتان

خەیرجه کۆڵمی گەش به وێنەی شەمتان

جه و دەم و لێوی غونچەی نەو  ڕەستان

یام گەردەنی   بەرز   کەڵ  مل  شێوەتان

جەو سیمای بێگەرد مانگی چواردەتان

به   جا     باوەره   فەریزەی    ئێحسان

کەرەشان  خەڵات   پەی   جەژنانەمان

ئێحیاش  کەرەوه   دڵەکەی   مەردەمان

ناسر چوون مێسکین چەم  ئێنتێزارەن

به   تەمای  گێرتەی جەژنانەی    یارەن

#ناسر ئەخدەر / ڕەمەزانوو ۱۳۹۷

‍      
‍     




طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، جەواد حەمزه (فێراق)، سوهراب مورادنیا(سیاوکام)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،‍کەلەبەروو شێعرا(٤٤)،
نوشته شده در تاریخ شنبه 19 خرداد 1397 توسط همایون محمدنژاد
.: Weblog Themes By Abdollah Habibi :.