‍کەلەبەروو شێعرا(٤٥)
یـانەو   پیــری

دیواروو   یانەو لەشیم    شەق    بەردەن
خشت وهارەقەش جە هەم جیا ڪەردەن

تێمانەش وڕا   و ڪاگڵش تەپـــــــــــان
حەماڵش  مێڕیان ،  نامیان سەر  بەران

گێڕیان چوارچۆ،   دەروازەو  یانەیم
دارێش مێڕیاینێ ،سرمەو  هێوانەیم

یەغدانوو جلێم ،بیەن ی اگێ خەما
باڵاخانەم بیەن ، فەرشوو حەسرەتا

خەم پڕان تاقوو تەرواڵـــەو  یانەیـم
زەخم و زۆخ جای زەڕ،لوان دلێ خەزانەیم

دار و هەلوڪو ،  ڪـەڵەڪ و  پاسارم
باد٘یقۆژ پەرێش ، بیەن  نەجـجـــــارم

وارانی شۆرتەن ، بانوو  پشتیـــــرمڴ

بۆرانوو خەما ،هیچ ناست جە ویرم

مێڕیان  دەلاقە  و  بەرەو   لاشیپــان
حەڵقەڕێز پڕچیان ،یانەم بیەن وێران

هارەێ هارەڪڕم،ڪەل و ڪۆر بیەن
پەنجەی هارەگیر، هێزش سەر شیەن

چرای‌لامپام بێ‌ نوور،فتێڵەش تەمام
یە‌ ڕەفتی پیرین ،   بڕیان  وە   باڵام

نەوژەنش مەحاڵ، واد٘ەش نەمەنەن
سەرشی جوانیم ، نەوبەی  پیریمەن

جە ناوەخت ئاما ،   هێزو  هازم  بەرد
یانەش ڪەرد ڪاول ،هەناسانم سەرد

مەڵهەمی پیری ،  مەر سەرای گوڵڪــۆ
وەر نە پەرێ ڪـەس ،نەوژەن  نمەبـــۆ

  1394 /7 /13   **** 
#فێراق

بێقەراری دڵ

کەردەنم یا ڕەب عەزموو  یانەو تۆ
با بەروو سوجدەی شوکرانه جه نۆ

با بەو وێم کەروو فێدای خاکی  یار
گێڵوو جه دەورت سەد هەزاران جار

وێم کەروو قوربان جه سەحرای  مەنا
سەر کێشوو به سەنگ بەرزەکۆی حەرا

به پا تەی کەروو چوون مەجنوونی وێڵ
جه ویرم بشۆ   قەوم   و  کەس و  خێڵ

دڵ  جه دڵ  بڕیۆ حەیران  بۆ  جه  کۆ
بەش قەرار  گیرۆ   جه   مەنزڵگاو   تۆ

بسپاروو     دڵ    و    ڕۆح  و   ڕەوانم
به   دڵ   هاوار   بۆ   ئێقرار   به  زوانم

چوون کەردم عەزمی دیداری ڕەسووڵ
گوناحم    بەخشی   تەوافم    قەبووڵ

هەر    وێت    ئاگانی   به    ڕازی   دڵم
به داخی   دەروون  سەختی  موشکڵم

یائەڵڵا!    زانی    به    قەزا   و   قەدەر
تۆ نەبیت  قەسەم ، فەقەت یەک نەزەر

#نەسرین ئەحمەدی
شنەی دڵ

تاڵە تاڵەی   پەلک    لە ژیر سایەی پەڵک

سفید   کەردم   بە  فەرموودەی  خەڵک

ئەژمارام کەوکەب هەر سات و هەر کات

بەڵام   تۆ   نامای    یاری    دوور  وەڵات

بێ رەحمی گەردوون کارێش پێم کەردەن

وەش مەبۆ  زامش  تا  وە  رۆی   مەردەن

سەهلی     ژیوایم    وزۆ      وەرە   چەم

ئاخرش   سۆچنۆت هەر بە وێنەی  شەم

فەرمایێش گەردوون گرد کەرووشان  یاد

رەنجی  چن    ساڵەم گرد  دانم    وە  باد

هەر دوێ چەمانم   حوکم   کەم کەردەن

شەرتەن کەرووت یاد تا وە رۆی مەردەن

قەسەم     بە تیری هەر  دووی  چەمانت

خێڵخانەی    خەفەت    گردی   خەمانت

بە گرد ئێش و دەرد کە دڵ هەن جە یاد

خاتری     تاڵت      کەروونە    بە    شاد

 #ئایدا  خەندانی




طبقه بندی: فرهنگی و هنری، اجتماعی، ادبیات/شعر، زوانی هه‌ورامی، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،‍کەلەبەروو شێعرا(٤٥)،
نوشته شده در تاریخ دوشنبه 21 خرداد 1397 توسط همایون محمدنژاد
.: Weblog Themes By Abdollah Habibi :.