کەلەبەروو شێعرا(٥۱)

نازەنین!نەقشت زەریفا وەرنەدٚەی زڵفت وەنەش
مەر مەزانی مانگە گیریا عاڵەمێ  زانۆ پەنەش!

ئافەرین بەدری تەمامم یارەکەی شیرینی من
ڕوومەتی پان و زەریفت ئاسمان گوم بۆ چەنەش

#عەباس غەریبی 

Sarkawt Azizi:

لامەسەب 
تا بیخ بیخ بیخ، بیخ بێخوو
 پێشام ئێشات وجارووە
............
ئەر پوورەت دا
قرۆڵوو دارو جەسەیمەنە 
شانێ تەنی.....؟!
شێعرێوەنی 
ئازیارەو 
.......
مووسقیێوی
......
هەڵبجێوی
......
شەرابێوی تاڵی
...... 
بیسمیللا
......
بی بی سی
.....
گرتەیوە دەسوو ساوە سوورەکاو لۆبنانی 
پالامنەو 
زەهابی تاکوو گۆلەو وڕای
ڕێک ئەولاتەرو مەککەی
حینجێ 
ئەلفباو حیزی زیاتەر، عەشقی نەزۆک
ب،ێ،ت،ۆ،م
ژانێوەی ژنیانا
.......
بۆ مجێەمەنە 
.......
وەڵاتوو تاسەیتەنا
کەفاوەنسەروو
لیتەو مارەیی ئەدایت پەی .....
‍#سەرکەوت عەزیزی
(نەبەز،هەورامی)
7وگەلاوێژو 97ی
یەرێ،یەرێ کەموو نیمە شەوێ

زام
زام سەروو زامی ئەندامم  زامەن
تۆ کۆنە سەیاد٘ ،عەشقی من خامەن

دڵی بێ گەردم تۆ بیەی جەردەش
تۆش کەرد بە لوقمان ،زامی نەسرەفتەش

یەک عان بە عێشوەی دید٘ەی خومارت
دڵی خام خیاڵ بی گرفتارت

ئەر سزای دڵەی  عاشقان ئینەن 
متەی پەیاپەی هەرسی ونینەن

تێخت کەر دەوان پەرێ زامداریم 
پەی بەند بەند بڕیەی زامانی کاریم

با کەس پێسەو من دڵ نەد٘ەو بە کەس
دڵەی بێگەردان، نەبوو بە قەقنەس

هەر چن دڵی من تۆ بڕیت بە تێخ
تان و پووی ئازام ئاردت بەرد جە بێخ

تێخی ئازارت جیا مەنەن جە زام
نەزانام بە تێخ، تۆ  مەد٘ەی جەزام
#جەواد(فێراق)
قەڵەم 

قەڵەم گێرتم دەس دەردم بژارۆ
بە  ئاوی  دیدە   خەمان   بد٘ارۆ

واتم بە قەڵەم وەیڵان بە چوون لەیڵ
دڵ ئامان بە سۆ دەروون کەردەن کەیڵ

وێت برمانە چوون مەجنوون جە سەر کۆ
خەمی    دەروونم    بنویسە     جە     نۆ

قەڵەم بنویسە  نەک  بە  دەستی   من
نەک بە مەرەکەف و جەوهەری ڕەنگین

بە ئاه  بنویسە  دەستم     زەبوونەن
مەرکەفی تۆیچ هوون جە دەروونەن

بنویسە با دڵ دەردە دڵ کەرۆ
بە ئاوی دیدە خاک بە گڵ کەرۆ

قەڵەم ئامانەن هەناسم بڕیان
پرووسکەی ئاور جە جەسەم نریان

پاسە بنویسە دڵ خرۆش کەرۆ
چوون هانەی تەقا دیدە جۆش کەرۆ

قەڵەم بە گیانت بڕیان تەوانم
ناتەمام مەنەن شێعری شەوانم

پڕووزیان باڵی وشەی بێ تەخسیر
چوون بڕیان دەنگی بوڵبوڵ و نەچیر

هۆنیا: شنەی دڵ



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، عەباس غەریبی، سه‌رکه‌وت عه‌زیزی(نه‌به‌ز)، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٥۱)،
نوشته شده در تاریخ شنبه 6 مرداد 1397 توسط همایون محمدنژاد
.: Weblog Themes By Abdollah Habibi :.