فەتە لوان مەراسموو مۆعەڕەفی رەئیسی پەی شاری:کاکەوەلی فەتاحی
واتم مەلە ، پەی چێشی ملی ، بە تۆ چێش ، تۆ سەروو سیریەنی یا بنەو پیازی.ئاخۆر تۆ کەس هەرت پەنە مەبینۆوە، کەس مەواچۆ چکۆوە مەی و پەی کۆگەی ملی ، ئاخۆر تۆ هیچکەس هیچ حەسابێوت پەی مەکەرۆ کۆگە ملی.ئانا ملیچ دەی بزانوو مانیای زیاتەرو زەڕخەرج کەردٚەی زیاتەر چێش قازانچ کەری.هەر ماچۆ ملوو.وەشا. گردٚ کەس ملۆ.تەنانەت سەلتێچ بەرای بەرێ،ناستم.واتم:«تۆ کۆڕەنی هیچت وەنە مەگۆنجیۆ.بەڵام سەلتێ نمەیو .بەیچ من نمازوو! کناچێ پەی ئایاگا مەشیۆ!»
سەرەتا نەئێشنوو لوا وئاماوە و کاشف بە عەمەڵ ئاما من ڕاسم وات.مانیای زیاتەر هیچش پەی نەمەنەبێ.هاڵی و پەتی. بەڵام خۆ ئادٚ وێش نەماڕێوە.واچێ:«هەم وەش بێ و هەم وەش نەبێ. وەش بێ چوون ژەنوو پیا پێوەرە نیشتەبێرە. گڕدٚ کەس دیێ پەی گردٚ کەسی تا نا بە مەرامەو تانا بێ مەرام.!»                                        
   ماچۆ:«من ژەنێوێ سڵام کەردٚا وجوابم داوە » 
ئنە وەش ماچۆ:« سڵام پدرام جان».
واتم :«ئانەچەنیم مشناسی ؟بەڵام من پدرام نیێنا ؛ فەتەنا!»
ماچۆ:«بوەخشە ئیشتیبام گێرتەبێنی.»
واتم:«دەی قەیدٚوو چێشی کەرۆ.سڵام سڵاموو خودٚایا»
واتم :«فەتەنا؛کۆڕوو مام عەبەی.دیپلۆمی ناقس؛ خەڵکوو...»
گۆشش نەدٚانی پەنە.هەر نەمدٚرا. دوێ پێش بێنێ دوێتەرش قەرزێ کەردٚێ ئەجۆم لوا پدرامی بێزۆوە!.ئنە زەریفە و باڵا بەرزە بێ. تەقەو پاڵەیاش ڕوێوڕا لوێ.لچێچش سوورێ کەردٚێ بێنێ ئەجێ چارە چەقیلێنە.ئانە ناموو نیشانش بۆ ناخوونیچش سەوزێ بێنێ.»
ئەرێ واڵێ گیان سەرینا تا وەڵینا دنیا هەر چیمنە بیەن .ئێمە وەختوو وێش  سەیکەو چنێ بێنمێ و ئیسەیچە بە لەونێوتەر هەر سەیکەوچنێنمێ.باروو ئێمە هەرچل منا ئێدٚ رەئیس بۆ یا ئادٚ بە من چێش ؛ بە تۆ چێش.
ماچۆ واتشا بە بارۆڵی :«زەماوندٚەنە با بلمدێ»
بارۆڵ ماچۆ:«دەی بە من و تۆ چێش؟»
واتشا:«دەی زەماوندٚەو براو تۆنە»
ماچۆ:«دەی بە شمە چێش!»
بە ڕاسی فەتەگیان ئانا تۆ لوای مەراسم و ساندیس و کەیکێ وێچت واردٚ.ئانا کیسەتەنە نەزاناشا و یۆیچت ئاردٚەو پەی سەلتێ.دەی ڕۆڵە گیان خۆ پانەیە دەوڵەمەندٚ مەبی!تەقی بۆ ڕەئیس یام نەقی بە من و تۆ چێش.هەورامیا بە من چێش؟سۆرانیا بە تۆ چێش؟چەمەڕاسەکەم.چی مەلی چەنی تاتەیت چوار کۆڵێ بەری.ماچۆ ئەچی ڕوانە سەخت  مەگێرا .بە کیلوو ماری.بەڵام هۆشت بۆ تەماعە نەگێرۆت؛کۆڵی قۆرس هۆرنەگێری ئاها واتەنشا تەماعەی زیادٚێ ...پیای دڕۆ.
هۆرزدێ ژەنا. لابەردێ وێرەگاما پەنە بی ئانا وەرپڕا با کەرمێش بەهەشت بلمدێ یانە چێوێو وەش کەرمێ پەی وێرەگای. ماچۆ:«درۆ و ڕاسی قەرارا ئێشەو مانگەیچ گێریۆ!»با سەوای وێرەگا نەقڵوو مانگ گێریایتا پەی کەروو کەچەنی ئا ساڵە و ئا شەوە گردٚیما خەریک بێ زاڵەترەکێ بیمێ.

      وەلی فەتاحی
97/5/5




طبقه بندی: فرهنگی و هنری، اجتماعی، ادبیات/شعر، زوانی هه‌ورامی، وەلی فەتاحی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،فەتە لوان مەراسموو مۆعەڕەفی رەئیسی پەی شاری:کاکەوەلی فەتاحی،
نوشته شده در تاریخ دوشنبه 8 مرداد 1397 توسط همایون محمدنژاد
.: Weblog Themes By Abdollah Habibi :.