کەلەبەروو شێعرا(٥۱)پەی مەرگوو واڵێ کۆچکەردێما

خەم بیەن مێمانوو هەرزەڵگاو ژیوای

               ڕێزای... ڕێزۆ....

         گەڵاوشکەو هەرزەلێچ

           خەزانش یاوان ، 

                         و 
               
                  وارای....  وارۆ....

           تاقە تاقانێ یانەو تاتەیم

             ئیسە زانام 

        هەرزەلە ، وشکەگەڵایێش

                 وێش ئەرمانێ

            نادیاری سەوزێ یانەی

                مەگەر ئێتر

         کۆڕپەچنوور و بەرزەڵنگ

                هەوار پێچاوە 

                     و 

           چنی ڕەنگەوپاییزی

         
           کێل و گوڵکۆ ڕاویارێ 

                   مەرزناره!!

مەگەر نمەزانی!

         ئێساڵ زەردی خەزانی  

              زووتەر جە پاری

      دلێ بەرەو هەوارگاو ژیوایما،

          وێش ئەرمانا ......؟!
        
     #هومایون موحەممەدنژاد


خەم

نە  خەمم سانا  و  نە گێڵانیش  پەی
بەڵام هەرخەمەن زوو مەیۆ پەی پەی

خەم وارا پەرێم  بە خەم  ڕژیانی
دنیانە   چەنی     خەما     گژیانی

دڵ  جە مەینەتا  هەر نەسەیاوە
کێشە و ماجەرام  هەر نە بڕیاوە

هەرچن گێڵانی شۆنەو شاۮیرە
خەم ئاما جواب چا لای واریرە

واتم ئەی خەمە چی واز نماری
ئێۮ تەمام مەبۆ کۆڵێوتەر ماری

یەکجار  پۆشانت  یانەی گەۮاییم
بە خەم پیرت کەرد عمروو دنیاییم

زۆخاوم  کەیلەن نە تۆتۆی دڵدا
جاگیرەن نە تۆی باخەکەی گوڵدا

عاسی بیەنان جە دەردوو خەمی
فوارەش بەستەن ئەسرینووچەمی

بەرشیەیم  نیەن  دەسوو  خەماوە
بە خەمی  کۆنە  سەرەم    نەنیاوە

پاسە  مەزانۆ  هەر من  هەنانی
بەئاخ و داخێ  پیرش  کەردانی

گاوگەرەم بەستەن پەی خەرمانی خەم
هەرچن مەهاڕووش چەنەش مەبۆ کەم

هەر گیسای  ناسش  وەڵین  کۆنە بۆ
یۆتەر  هۆرمۮۆ    کۆنەت   ویرنە بۆ


ئوستاد ئازیزم برای وەشەویس
شەریکوو  خەمیتەنا ئینجاریچە
خود٘اعەفوەش کەرۆ خەموو ئاخریت 
بۆ

#عوسمان ڕەحیمی  هەجیجی
جە دنیای فانی، کۆچت کەرد واڵێم
دەروونیچ پەنگیان ، هەناسێ کاڵێم

چەمێچت قووجنە، جە دنیە  لوای
ئاستێمێت جیای، تا دما ڕو سەوای

ئەلوەدای ئاخر، کەردت جە دۆسان
ورد و گولالە  و  عەوام  و  خاسان

بارەگات بەست و لوای چی دنیە
دڵوو نازارا  ،  گرد  پەی  تۆ  کنیە

داخەو دووری تۆ، قەد مەلۆ جە یاد٘
هەی داد هەی بێداد، مەر کەروو فەریاد٘

بایەقوش واناش،  جە  سەروو یانەیت
خاکی تەم بڕش، وست سەروو شانەیت

بەش  یانەو قەبرێت ،  نوورانی تەر بۆ
بەهەشتوو چێر پایت، رووحانی تەر بۆ

چا گێرە ئارام، ڕەوانت بۆ شاد٘
چێگەیچ هەمیشە، ئێمە کەرمێت یاد٘

#فەرید زاوەری

خـــەم

نەزانام  پەی  چێش سەرکەلکت گێرتەن 
مەگەر جە خوێشان کەست نەمــەردەن؟!

خەم کۆست گنۆ پەی وەخت نەشناسیت
هارە لەتار  بی ،  پەی وەختی  بازیــــــت 

#جەواد (فێـــــــــــــراق)

‍       
‍       
     



طبقه بندی: فرهنگی و هنری، اجتماعی، ادبیات/شعر، زوانی هه‌ورامی، ده‌گاو زاوه‌ری/روستای دز‌آور، نوشتارهای همایون محمدنژاد، هومایون موحەممەدنژاد، فەرید زاوەری، عوسمان ڕەحیمی(مورید)، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٥۱)پەی مەرگوو واڵێ کۆچکەردێما،
نوشته شده در تاریخ سه شنبه 23 مرداد 1397 توسط همایون محمدنژاد
.: Weblog Themes By Abdollah Habibi :.