کەلەبەروو شێعرا(٥۷)

پێشکەش بە دڵە شێعراویەکەو کاک مۆمنی یەزدانبەخشی
 

 پەرسانێ چەنەم، ئەرێ چەنی بی شاعێر
وەڵا کە مەوۆ دڵت  ونی، بی شاعێر
؟

زاڕۆت وینان کە وەخت و گاوەڵکێشەن
سەد جارێ مەبۆ بلی و گنی، بی شاعێر

سەد لایوە وەری ترێشتێ، وێژەن بەخشی
ئەر بینە بە دارێوە وەنی، بی شاعێر

خۆ شێعرە مەکریۆ کۆڵ کەسێوەیچ، واچۆش
ئادەی مزەنەش ئەگەر هەنی، بی شاعێر

مشیۆ شەکەرو و دەم وەشەسیاکێت بی و
هەم ژەحرێ بدەی بە دۆژمنی، بی شاعێر

ئی ڕایە فرەن، سلووکی عێرفانیش هەن
بڕیەینە ئیتر جە "تۆ"  و "من"ی، بی شاعێر

شیرین نمەبۆ زوان و شێعرێ، ئاسان
فرهادێوە بی، کەشی کەنی، بی شاعێر

تاڵی و غەزەڵێ، جە وێشۆ نەویەن شیرین
نۆقڵێوە بە نامێ مۆمنی، بی شاعێر

#پەرویزبابایی

 (هەنگوو وەفای)

چەمت   چلچــــــــرای   شەوەزنگی دڵ
من هەنگوو وەفای،تۆ چوون سوورەگوڵ

بامەس بوون وە مەی شەهدی دیدٚارت
گـەردئەفشان  ڪەروو گوڵ و گوڵزارت

دڵ تەژنەو وەفای، تۆ بەختەواران
وارە  بە  سارای دڵدا چوون جاران

با سارای دەروون ڪەیلێ وەفات بۆ
من  هەنا  گیان
ێو  سەدٚجار فیدات بۆ

وەشەسیایی تــــۆ نە دڵدا بێ شۆن
هەرچێ بواچوو لایێق وەسفوو تۆن

هـەر نەفەسێوەت مەسیحا شێوەن
مەڵهەمێ پەی زام ئەی دڵەی لێوەن

هـەر وایێ  بەیۆ لاو یانەو تۆوە
عەترئامێز وە بۆو ئاسانەو تۆوە

شامـــــــەنەوازەن  پەی  دەماخوو دڵ
وەشتەرەن جەلام جە بۆی عەتری گوڵ

ڕایەحەش هەنگی ڕۆح ئارام کەرۆ
پەژارەی   دووری   نە   دڵ  لابەرۆ

بە وێنەی زاخاو ماڵۆ ژەنگی دڵ
لابەرۆ  کامڵ  ئێش و ژان و چڵ

چەوساوە باڵاو واڵاو تۆم دیەن
دڵمەنە  یاگیۆ پەی ئەغیار نیەن

بیەنی  تارووپۆی  شێعری ئاڕەفتەم
ساڕێژت ڪەردەن زامی نەسرەفتەم

بـــۆرێ  با  پێوە  خەڵوەتێ  سازمێ
سای سەرای مەینەت وە تەنیابازمێ

بلمێ یاگـــــێوە دوور جە مەینەت بۆ
فارێغ جە ڕەنج ودەردو حەسرەت بۆ
------------٭٭٭٭٭-------------
ڕاڪەوتوو ۱۳۹۷٫٤٫۲۲ کۆچی ڕۆجیاری
#سوهراب مورادنیا(سیاوکام)




طبقه بندی: فرهنگی و هنری، اجتماعی، ادبیات/شعر، زوانی هه‌ورامی، په‌رویز بابایی، موحەممەدمۆمن یه‌زدانبه‌خش، سوهراب مورادنیا(سیاوکام)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٥۷)،
نوشته شده در تاریخ شنبه 17 شهریور 1397 توسط همایون محمدنژاد
.: Weblog Themes By Abdollah Habibi :.