کەلەبەروو شێعرا(٥۸)

 
هانیه‌ما نه‌د٘ا
به‌ره‌ بژه‌نمێنه‌ سه‌رو ڕۆجیاری
یان
ئاوه‌و سوبحی وزمێنه‌ ده‌ره‌ره‌.
مێزه‌ریه‌ چه‌ناکه‌ چاک به‌ وه‌رمیه‌ خه‌ره‌فنایمێش.
داخه‌کێم
چه‌ شله‌ شه‌ویه‌ما شیا نه‌ ده‌س
و
نه‌گوشاما.
ئیسه‌یچ
تا دنیا دنیان
با هه‌ر په‌رسانه‌و ده‌سه‌کامانه‌
سه‌روه‌شی حه‌ماقه‌تیما
ته‌نیا دڵوه‌شی ئه‌وه‌مه‌نیمان بۆنه‌.
#مه‌هدی ئه‌بری

پایێز

وەڵاتی پۆشاش ڕەنگوو ماتەمی
هەزارڕەنگ بیەن خەڵاتووچەمی

سەربەرزان ماتەم هەوارێ چوڵێ
خەزانش  ڕێزان  باخەکەو  دوڵێ

هەراو زەمزەمەو کەپر  و  کەوێڵی
چۆڵ و هۆڵ بیەن هەوارگەوخێڵی

ڕێزان نە تۆی خاک گوراڵەی ڕەنگی
کەشی  پۆشانش   مات و بێدەنگی

باخەکاو دەرەی زەردیشان جۆشان
بەرزو سەرهەردا سیاویش  پۆشان

سوەیل ڕەنگاوڕەنگ وستەن نە چەمدا
خەزانان چین چین  ڕێزان  بە  هەمدا

خێزانەو  جە نۆ  ڕەشەواو کاوێ
خەزانی پۆشان  سەرچەمەو ئاوێ

#عوسمان ڕەحیمی هەجیجی
‍        

توبیەی سمفونیەیوەو من جە دەنگێنە مەنا
تۆبیەی نەقاشیەیوەو من جە ڕەنگێنە مەنا

توبە سەرپۆشێوە سوورو من بە عابایێ شڕەۆ
دلێ بەرەو شێعرێوەنە پاڵوو قۆڵەنگێنە مەنا

من بیا هەمرازوو هەوری تۆبیەی تاجەوگۆڵی
بێ سەمەر پی وێرگا ناڵەو تفنگێنە مەنا

نەک بلی من شێت وهاروو دیمەنووهانەی نەبو
تازە بێ تۆ وەشیە کام هێلیانە هەنگینە مەنا

میاچەماو دەردانە ئێشەو هەرسی کۆنیم دەێ بەرۆ
تا سەحەر پی مەینەتۆ سینەو سەرنگێنە مەنا

هەی هەی وئامان هەی ئامان تۆ لوای وبێ نەسیب
من سەروو تاشێۆە داخا بەرزەڵنگێنە مەنا

هەرنەبی قسمەت تەوافوو حەزرتوو زۆلفات کەروو
عۆمرێ ساقم پەی نەمەن ئاواتوو زەنگێنە مەنا

#فەرید  عەباسی

کوچه باران است، امشب را بمان!
دل پریشان است، امشب را بمان!

این حوالی چشم های آسمان
ابرِ گریان است، امشب را بمان!

جاده مه آلود و بی تو پای عشق
سخت لرزان است، امشب را بمان!

این هوای سُربیِ مَغموم باز
فکرِ بوران است، امشب را بمان!

باز توفانی به پا شد در دلم
دل که ویران است، امشب را بمان!

چار فصلِ خاطراتِ کوچه باغ
برگ ریزان است، امشب را بمان!

نم نمِ باران و این فنجانِ چای
سهمِ ایوان است، امشب را بمان!

سوزِ سردی می وزد در خاطرم
ماهِ آبان است، امشب را بمان!

#مهری_حسینی
-----٭٭٭٭-----
کۆڵان وارانەن، ئێشەویچ مانە!
دڵ پەرێشانەن، ئێشەویچ مانه!

چی دەور و بەرنە چەماوئاسمانی
هەورێ گریانەن، ئێشەویچ مانە!

جادٚە تەم و مژ و بێ تۆ پاو عەشقی
بێ شۆ لەرزانەن، ئێشەویچ مانه!

ئی کەش و هەواو سروی و خەمبارە
مەیل وە بۆرانەن، ئێشەویچ مانە!

واوەی تۆفانێ خێزیا دڵمنە
دڵ خۆ وێرانەن، ئێشەویچ مانە!

چوار وەرزوو ویروو کۆڵانە باخی
گەڵاخەزانەن، ئێشەویچ مانە!

نم نمەو وارانی و ئی پیاڵە چایە
بەشی هەیوانەن، ئێشەویچ مانە!

سۆڵەو سەرمایێ شنیۆ خیاڵمنە
مانگە خەزانەن، ئێشەویچ مانە!

"مێهر"(سیاوکام)مەسی واتەی تۆن
واتەت مەیخانەن، ئێشەویچ مانە!

هۆرگێڵنای بە هەورامی
#سۆهراب مورادنیا(سیاوکام)
ڕاکەوتوو ۱۳۹۷٫۷٫۷ کۆچی ڕۆجیاری
موناجاتێ چەنی پەروەردگاری

دوعاو نزام بێ چوون گــــوناهباران
چەم  نمەی  واران  دڵ   پەشیـمانی 

هەگبەکــــەو کۆڵیم نیمەو ناتەمام 
تاســـــەو دیداروو تۆ تــــاوشدانی 

مەد٘یە  نەکـــــردەی نالایــــەقوو من
بد٘یە ئادڵی  لاوتـــــۆش  ئــــــاردانی 

روەم نیــــەنە تۆشــــــەم کــەرۆوە
چوون فرەم کەردەن چەنیت نادانی

وەلێ مزان و ســـۆزت  بێ پــایان 
روو بە یانەو  تۆ پــەوکای ئامــانی 

هــەتا سۆزوو تۆ من  بەدەس ناروو
نمــەو دمـــــــــــاوە  بە دڵ گـــرانی 

مزانوو کـــــە تۆی شای بڵند مەقام
پەی هــــەگبەو کۆڵوو من نەمردانی 

وەلێ سەوقـــاتی  وەشـــەسیایین 
ئەر دۆس پەنەش بۆ کەرۆ سەردانی 

منچ سەوقاتیم تەنیا حــــوببوو تۆن
قەبووڵ فەرماوە  کـــــە دێر ئامانی 

نەفسی ئەمـــمارەیم  لاڕا بــەردانی 
ئەجیام ڕاس ماچۆ چــەنیش لوانی

وەختێ کــــــە زانام  ڕا بەر مەکەرۆ 
واتم  ئینێنە  ڕاو ســــــــــەرگەردانی 

ئیسە کــــــــــەوتەنا ڕا  ڕاسەکێ تۆ
کەرەم خاترەو مانگــــــەو غوفرانی 

              #یاوەر هەورامی

‍ ‍ سایه‌اَت جا مانده

                           نامق هورامى

1
بیا و دست تنهایی‌اَم را بگیر
کور است خیابان .

2
برگ دیوانه‌ست
به فصل خزان آغوش را رها میکند ..

3
سینه‌اَت را نگذار آفتابی شود
تا دَهَن اَنار آب نیفتد ...

4
آواز غمگینی‌ست راه
به گوش‌اَت نمی‌رسد ...

5
تنهایی‌اَم را هر بار تکانده باشی
محاصره‌ام کرده‌اند ... دختران

6
در عجله‌های رفتن
جاماند ... سایه‌اَت.

7
باز کن چشمانت را
ویار می‌کنم، ماه را

.........

ترجمه: حسین شیربیگی

‍    



طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، موحەممەدره‌شید ئه‌مینی، فەرید عەباسی(فەراز)، عوسمان ڕەحیمی(مورید)،
برچسب ها::هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-نوسود-تخت-ژاورود-پاوه-نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس -شبک(شه‌به‌ک)-سنجار-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژاد،سه‌فه‌ره‌کێ گالیوێری،وه‌سیه‌ت په‌ی مه‌زهه‌ری،یانەوخەما،کەلەبەروو شێعرا(٥۸)،
نوشته شده در تاریخ جمعه 30 شهریور 1397 توسط همایون محمدنژاد
.: Weblog Themes By Abdollah Habibi :.