کەلەبەروو شێعرا(٦۱)

‍ لالۆی هەورامی وەش سیما و وەش پۆش
ڕەسم و یاساو وێت  ،  نەکەرد  فەرامۆش

تۆ   بیەنی   هێمـــــا  پەی هەورامــــــانی 
لالۆی  وەش سیرەت ،  یاخود٘ا  هەر مانی

فەرەنجیت پۆشان ، دەسکردوو دەسیت 
کەردەنت ڕەسم   پەی قەوم   و کەسیت

پەیــــــام  و دەرست لاو ئێـــــمە یـــــاوا
واجـــــبا مسمێـش یانـــــەت   بۆ  ئـــاوا
 
             #سورەییا  خدری


بێ دەنگیم

ئێمشەو چ ماتەن یانەو بێدەنگیم
هاوارش بەرزەن شێعرەو دڵتەنگیم

پاییز سەرسامەن جە زەردی ڕەنگیم
دڵ چوون لەشکری بازەندەی جەنگیم

پێسەو ئاسیاو ئاو کەوتە سەنگیم
پڕووزەش بەرزەن قاورمەو جەرگیم

بێ مەیلیت بەد٘تەر جە زوڵمی زاڵم
بیەن  وە  باعێس  زەردی  جەماڵم

سا ئازیز بەزەییت بەیۆ بە حاڵم
وە  دڵەی  سۆتەی  سیا زۆخاڵم

قەسەم بە  دانای  ئاگا  بە حاڵم
جە دووریت هامدەم هەناسە کاڵم

#سەیوان ئێبراهیمی

 دڵ 
دڵ بەندەن بەو ناز عێشوەی چەمانت
پەی  ساڕێژی   زام   گێرتەن  دامانت
سا بەڵ بەو نیگای ساڕێژ  کەری  زام
پێچۆ   دەوارش  ، غەم  و  هێجرانت

یاخێر دڵ بە تیر، جەهەندەی دڵ بڕ
لەت کەر بە بێ باک، گرد ئازام کەر سڕ
با کەم وە تەمای  نازی  دید٘ەت  بۆ
دڵ چوون دەمدەمن، گڕ مەد٘ەو وە گڕ

ێـــــــراق


وەسڵوو یاری خەیاڵێوەن پێسەو گوڵی پاڵوو خاری
تاقوو چەمام بێ تاقەتەن تەقان جە هێجرانوو یاری

بێ عاریەن بێ نەوایین خەفەتەن پەی دڵی مانیایم
سۆماو دیدەیم تار و لێڵەن پێسەو شەواو بێ قەراری

بیەن عادەت خەفەت وشین پێچ واردەیم جە زاموو دەردا
تەماشایەن پەرێ مانگەی هەرسیم خۆڕ خۆڕ گنارە واری

پەردە لا دە ئەی شۆخ و شەنگ ئەی مانگەکێ شەوەو چواردەیم
هەورە سیاوێ تا کەی کۆ کۆ جەمێ باوە کەرا قاری

دەوە نیشان ڕوومەتی جوان پەریزادە ئەی حووریەکێم
دەک قوربانەت شیرین شێوە ئەی مەستی شەوگاری تاری

بیەنا کزۆڵ و بێقەرار چۆکێم هۆرداێ تاکوو سەحەر
ڕەحمێ کەرە بۆرێ بەرە ئی نەماموو نەووەهاری

ه‌تا_عه‌لیپوور

‍  ‍ سەوزه پاییزیەنە
    وەشەویسیت چرۆش ئاستەرە دڵیم

    بەڵام

    نەماڕاشا پەنجێت دەس و دیموو لاملەکام

نەپیچیا لاولاوو زڵفام باڵاو پەنجەکاتەرە

    ئاخ!

  کاڵ زەردێ بیێ حەزەکێم
           
             پاییزیەنه
 وەهار بێنا پەی غونچەو خۆوەیت            

ئیسە

پاییز کەیلەن جە تۆ و
من
سەرڕێزەنا جە پاییزی

#مەهوەش_درۆستکار


‍ (باران)

واران ڕەحمەتوو پەروەردگارین
ئامیانوو هانەوچەمەو جۆبارین

شمشاڵی بەسۆز وەرشاڵوو شوانین
مــــۆسیقاو ڕۆحی پەرێ ئینسانین

چن وەشەن وارایش ئارام جەشەوڐا
وەرنە بەربەیان نەشیـــــــرین خەوڐا

چن وەشەن خرمەو شەوە وارانی
ئامێتـــــــــە چەنی خشەوخەزانی

خەزان خشەخش کنیۆ نە داران
هامــــڕابۆ چەنی وارای نۆواران

بــــە وارای واران زەمین نمناك بۆ
موزەییەن بە فەیزحەی ئەفلاك بۆ

کام سازوسەنتوور،کام چەنگ ودیوان؟
یاوان بەنەوای ڕۆح ئەفــــــزای واران

وەختێ نەوپاییـــــــز زمین بۆنمناك
ڪام عەتریاوان وەبۆی عەتری خاك؟
-----------٭٭٭٭٭٭-----------
#سوهراب مورادنیا      



طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، سەیوان ئێبراهیمی(گوازی)، سوهراب مورادنیا(سیاوکام)، مەهوەش درۆستکار، عەتا عەلی پوور،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(٦۱)،
نوشته شده در تاریخ پنجشنبه 3 آبان 1397 توسط همایون محمدنژاد
.: Weblog Themes By Abdollah Habibi :.