ساتێ وەشما بۆ، هەی هوو تا سەوای!
چەرخ چەنی گێڵۆ، مامەڵەو خود٘ای؟/سوبحان ئەمینی


عاد٘ەتوو ئەوساو دەگایاو هەورامانی، ماچا زمسان بۆ و دەگێوە هەورامانینە و وەروو بەرەو مزگینە، جەماعەتێ پێوەرە قسێ کەرا و سەرگوزەشتێ گێڵناوە. 

یۆشا ماچۆ: "ساڵێشا وەهار بێ، چەنی کاکەیم لوایمێ کەشەنە پەی هەلچا. 
ئێند٘ە زوو لوایمێ، هەڵای شەبەق نەدەمنابێش بڕما دا سەروو کەشی! 
ئا ڕوە تا دمای عەسری، گرد٘وو کەشیما دا قاچێوە، بەڵام چەمما بە چەرمای هەلچێ نەکەوت!
وەلحاسڵ جە کەشی ناهمێد٘ێ بیەیمێ و واتم: کاکە! خود٘ای کەرد٘ێ قیراوە، لا بەرە با بلمێوە، خۆ سۆیما بیۆ و ئاوەو قاچاما ئاما ئاند٘ە گێڵایمێ! 
داخیێنە تەمەو کەشیما بڕیە و ڕوو بە یانە ئەواگێڵێ بیەیمێوە.
قۆرەتی خود٘ای! ڕەوتوو ڕێنە کەوتانێ ملوو هەلچێرە، هەلچەو چێشی عەقڵ نەگێرێش هەلچی بۆ! چەمە لێوەی گێرتا و باوڕ نەکەرێنا هەلچی بۆ! باوڕ مەکەروو وەڵینا تا دماینا کەسی هەلچی چانێش دیێ بۆ! 
چڕیم کاکەیم و واتم کاکە بۆ بزانە چێشم ئێستەنۆ؟! کاکەم ئاما، وەشیێنە نەزانێ چێش کەرۆ! 
کاکەم ماچۆ با کەنمێش. منیچ واتم مانیەنمێ و خواینە با نەختێ مانیایما سەیۆوە. هەرویما چێرشەنە وتیمی، یۆیما چێروو باڵێشەنە و ئەویچما چێروو ئەو باڵیشەنە، خاس مانیایما سیاوە! ئیجا هورستیمێوە و بە کارد٘ی و تەوەرزین ئەنجەن ئەنجەنەما کەرد٘ە و کەرد٘ەما دلێ دوێ گڵێمە گەورا و بە وەرێسە نیشتێمێ تەمووشاوە و بە هەزار حاڵ و ناڵێ جا تاواما بارمێشۆ!!"

ماچۆ یۆتەر بێ ئانەی واچۆ حاڵێ یا سەود٘ێ،  قسەکێش دەمۆ ئەسا و واتش: "هەتیم! ساڵێشا تاتەم پاڵوو پەڵێ چنارانە پیازیش کەرد٘ێ بێنێ. ئا ساڵە، هەم ساڵەش وەشە بێ، هەم وەهارش تەڕ بێ! قۆرەتی خود٘ای! پیازێ قەوەتی عالشا بێ و دوێ یەرێ گەزێ داشا سەروو چنارارە!!"
ماچۆ ئەویچ کەرد٘شۆ جواب و واتش: "نەسە، ڕیشەت بڕیۆ کەم دروێ دە، دروێ دە، یۆ باوڕش پەنە کەرۆ!"
ماچۆ ئاد٘یچ وێش لێڵ نەکەرد٘ و سەروو وێ واتش: 
"عمەر! قورئانێ -بسم الله- هیم وەنە کەرد٘ەن ئا هەلچێ شمە ئێستێنۆ، تەنیا پا پیازاو تاتەیمە سوورە کریۆوە!!"



سوبحان ئەمینی

۱۷؍۱۰؍۱۳۹۷ ک.ڕ

هەورامان هانەبەرچەم

برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ساتێ وەشما بۆ،هەی هوو تا سەوای! چەرخ چەنی گێڵۆ،مامەڵەو خود٘ای؟/سوبحان ئەمینی،
نوشته شده در تاریخ سه شنبه 18 دی 1397 توسط همایون محمدنژاد
.: Weblog Themes By Abdollah Habibi :.