کەلەبەروو شێعرا(۱۱٤)


ئەگەر ساڵێ چەنی من بۆ خیاڵوو ناسک ئەندامەی
گوڵێ مزیا بە باڵاشەو گنۆ تەختوو دلێ جامەی

سەراپا دیمەنوو وەروێ هەراسان بۆ بە هاناوێ
ئەگەر بازا لچی بنیەو لچوو مانگەو دڵ ئارامەی

هەناروو بێ کەسێ ئانا دەمش دڕیارە پەی بەختێ
کەسێ چی بڕ مەد٘ۆ ئێگە خجڵیۆ خزمەتوو تامەی؟!

هەناسەو سێبەرەو عەشقی نمەی ویروو جەنابیشا
قەتارەی گوڵ بەدەم ئامەی ولی ڕەحمێوە تۆ بەر نامەی

کیانانم سەروو شاخەی پەپوولەو ئارەزووی بارا
خنیکیان ئارەزوو وەسڵی ئیتر کێ یاوۆ ئەنجامەی

چناروو هەرکەسی نزما بیەن یاگێ قەل و داڵی
شوکر بۆ پەی هەناروو من جە پا مەگنۆ بە لاسامەی

جە کاروو ڕۆزگاری من سەرەم سڕ مەن کە دیم ئارۆ
زیا بێ پرتەقاڵەی تش دلێ قاپوو دڵوو وامەی !

#فەرید عەباسی
سەبووری عەزایم، شەراوو ڕۆحی
مانگەو شەوانیم، هەسارەو سۆحی

ئەنیس تاقەت، تاڵی و تەنیایی
فرستادەی فەرد، توحفەی خودٚایی

دڵ کەردەن مورید ڕەفتی دڵبەریت
فید٘ای ڕەفت و ڕاز کۆچ و سەفەریت

خاڵی هێندئاسای گۆشەی لەبانت
فید٘ای ئەو خاڵ و عێشوەی چەمانت

جار جار بە عێشوە و گاە ئیشارەی چەم
بوانەم تاوێ بەڵ یاوم بۆ کەم

قولاپی شێوەت گیرەن جە ئازام
ئازیز ئەرواحم، کەم بدٚەر سزام

#جه‌واد حەمزە(فێراق)



برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،
نوشته شده در تاریخ جمعه 1 شهریور 1398 توسط همایون محمدنژاد
.: Weblog Themes By Abdollah Habibi :.