ڕاو یانەی گم نەکەرمێ/سەعدوڵڵا_خوونخام (شەهریار)

هیزی شەوێ ڕاو یانەکەیمانم گم کەرد. بە جیاتی ئانەی بلونێوە پەی یانەی سەرەم دلێو کوجیەوە تاریکێنە بەر ئاورد.وەختێو هیچ خشتێوە ئاشنام نە ئێستوە،هەراسان جە کوجیە تەنگ و تاریکەکێنە، بەرشیانی و وێم یاونا سەرو خیابانی.

ئینە کە بنیادم ڕاو یانەیش گمە بکەرۆ گرەوەش هەن؟ نە نیەنش. بەڵام دەی خۆ هەقێقەتش هەن. 


خەریکەنان جە بارەو وێمەو  قسێ مەکەرو. نە جە هامساکەیموە و نە ئنسانە دورەکان. ئەمن گرفتارو دنیایوەنەنان کە ئنسانەکاش بە زیننەی مەردێنێ، تەنیا جەنازێنێ و مەلان ڕانە. مەگرەوان و مەخوان و مەگێڵان دەورو وێشانە.

 شەوانە وەرمێ مەوینو کە چەنی ئێمە جە وێمان دور مەوزانێوە، ئەچا چێوانە کە هەنێما و بیێنێمان. گەرەکشانە جە وێت جیاوەت بکەران.
ماچان: تۆنمەبۆ ئنسانو باوەڕەکانو وێت ببی، مەشیۆ ئا چێوە ببی کە ئێمە مەواچمێش و ئێمە گەرەکمانە.

خەریکێنێ عادەتمان مەدان بە مەرگێوە، کە هیشتای فرەش مەنەن بەینە سۆراخەمان. عادەتمان مەدان بە پیری، دڵ مەردەی، بێ هۆویەتی، نە مەزانمێ کێنمێ؟ و نە مەزانمێ پەی چێشی مەژیومێ. 

ئێمە جە جوانینە پیرێشان کەردیمێ، جوانە مەرگێ و دڵ مەردێشان کەردیمێ. جە وێمان بڕیەیمێشان و کەردیمێشان بە ئینسان هایوەتەر و بەشەرانێوەتەر، بیەیمێ بە پەیکەرێوە تەر و جە نەوعێوە کە وێشان حەزش پەنە مەکەران.

ئێمە کەلیمە دڵتەنگەکانمان، مو بە مو، دلێو ڕەگانمانە حێس کەردەن، پەوکای هەمیشەی سەخت گیانی و تەونین بیەی، بیەن بەشێوە جە وێمان و ژیوایمان.

هەر ئیسە مدرمێرە و بدەیمێوە وێمارە. تەماشایوە بکەرمێ، پانەیرە کە بیێنمێ و حەز مەکەرمێ بیمێ. کێ مەزانۆ. شایەد سەواڕۆ، سیاوی دوربیەنە مەدار بەسیاکەو سەرو خیابانی ئێمەش نیشانە دا.

#سەعدوڵڵا_خوونخام (شەهریار)


برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،ڕاو یانەی گم نەکەرمێ/سەعدوڵڵا_خوونخام (شەهریار)،
نوشته شده در تاریخ یکشنبه 10 آذر 1398 توسط همایون محمدنژاد
.: Weblog Themes By Abdollah Habibi :.