کەلەبەروو شێعرا(۱۳۳)

بە نیم نێگایێو دامیش نیاوە
چن گەزێش پیما و لاش کەردەو لاوە

دیش دڵ شکارەن نێگا نە ڕاش بەند
ڕاسەڕاش گرتە و هێور جە ڕاوە

شەکەرپاشش کەرد خەتەو دیای پەیش
بە ناز و ڕەوتی ژەرەژ ئاساوە

حەزم عادەتیا وێڵ بی نە دووش دڵ
چرۆ جنوونی سەوز بی حەیاوە!

ئیسە هەواسم شەو و ڕۆ وێڵا
بیەن کەشیکچی و مدران وە پاوە

بەینە و بویەرۆ چەم کەرۆ شارۆ
لار و لەنجەیوە جەو سەرە ڕاوە

سەباخەیرێوە، وات و واچەیوە
گونایێو خێزیۆ بە چن خەتاوە!

چنگ پێکۆ عەشق نە جەرگ و دڵ دا
تا چەرخ خولەش بەی جیێ نەباوە

ڕۆحما بار کەرۆ لەشوو هەنگەری
جە دوێ جەسێنە بێ خەم سەیاوە

#شارۆ

شمشێری جەهرەن ئەو کەمەی ئەبرۆ
چوون حەرەس مدران نە پێشانی تۆ

قاتڵی ئەغیار ئەر بەی کەرۆ بۆ
قەساوو پەنجیە سەر بدٚەو لیمۆ

ددٚان کێشوو دەمیەن ئەر کوڵمت گەزۆ
نەشتەروو چەمیەن وە لاوە بدٚیۆ

تاکەی ئەو شمشێر نە پێشانیت بۆ ؟
پەی فێراق بیەن بۆڕەندەی بەدٚخۆ

تۆ شای دڵداران ڕەحمی خێرت بۆ
دڵ کەردەن مەنزڵ، ئاخ و داخ و ڕۆ

جەواد
 فێـــــــراق
۲٦؍٨؍۹٨

‍ تاسەو من و تۆ بە دووریش  بەسەن
کام گیان ئازیزتەر جە ماران گەسەن؟

ئەر  فێراق  نەبۆ   کێ   وەسڵ  سازۆ
کۆن حوسن عەینەین ئەر دەماخ بازۆ؟؟

#حامی غەریبی
ڕۆڵەو ئەدەبی

مایەو شانازیم  ڕۆڵەو ئەدەبی
نگین و یانەو   عەقڵ و نەسەبی

ڕۆشن ویرەنی ئاگاو زەمانەی
کەماڵیت بڕیەن یاگۆ بەهانەی

دیارەن عەقڵیت بارش گەوهەرەن
ئێنسانیەتت جە حەدٚ  ئەو دەرەن

مەستەن دڵ بە کام کەلامی گەرمیت
بە  زوانی  شیرین  ئارام  و  نەرمیت

نمرە  تۆ  بەردەن جە ئێنزیباتی
شیرین تەرەن جە شاخەو نەباتی

ئەدەب وحورمەت حسمەتیچ پێوە
وەشت  وناران   ئوستادی  شێوە

ڕاو فکر و فامیت تێکەڵ کەردێنە
جە مێهرەبانی بەشەت  بەردێنە

ڕەحمەت ئا یانەی پەروەردەش کەردی
ئاوەو شعووریش وەش پنە وەردی

چن وەشەن جوان  ئاواتە واس بۆ
عەزمی ئێنسانیش پەی ڕاگەی  ڕاس بۆ

سەربەرزی ژیوی جە پەناو خودٚایت
ڕەحمەتەو  ڕۆحوو تاتەی و هەم ئەدٚایت

#عوسمان ڕەحیمی هەجیجی


برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۳۳)،
نوشته شده در تاریخ دوشنبه 11 آذر 1398 توسط همایون محمدنژاد
.: Weblog Themes By Abdollah Habibi :.