کەلەبەروو شێعرا(۱٤٨)

بە هەرچێویە گرەگاو باوەڕیتانەن ، قەسەم
تەنیا دڵوەشیم  ویریە جە شێعرەو دوێ چەما بێ.
یادگایە تا ئەودەسو سەبای
وەهمش مەوانی ، بوانە
باوڕش مەزانی ، بزانە
ئەرێ تەنیا دوێ چەمێ.
کارم بە بارو کەسیوە نەبێ
بەڵام سیەکام جە هەواو ئەئی وەرزە نەگبەتیە هۆرمەلوشانێ
چێش کەروو 
ئەر هەناسەم بوەو بەنزینی مەدەو
ئەر سەرو سفرەیمەوە قەواڵەی وشک  هەیبەتو باتۆمیەنە قەپێ مەشانۆنە کاکیلەیم.
ئەر هەرەسەو شەرمساری قارەمانە قەڵبەکاو تەتەی ،شێعرەو شاعرە ڕەزیلەکانە تا بندەرەو کفری مەهاڕۆم.
ئەر گەمەو پەهپادەکا و موشکەکانە چەکەرەو ئاشیلەکا مەدەمیانە و مامەڵێ مەکریانە......
ئێمەیچ چێرو پایانە..............
نا 
کارم بە بارو کەسیوە نەبێ
هەڵای تەم و لێڵی بێتینی چەمەکامەنە ،دوێ چەمێ چەودەسوە کەرێناوە چەم.
ئارۆ
ئارۆ
تاکو ئارۆ
گەڕیە گەورێنە ئینکار کریایمێ
پووش تانێ مەدەونە سۆکیم.
هەننامەکام جفت گرسای و دلێبەرەو ئینسانینە زەننۆڵێوە مەڕیانی
سەرەم هۆربڕنا
دوە چەمەکێ بیەبێنێ بە دوێ داڵانێ تاریک و خۆفناکێ ،دەمشان دڕیرە 
تا بنەو شەرمساری تاریخی 
تا ئەودیمو مەرگی 
قوتشا دانی.

#مەهدی ئەبری

دڵ چننە پەرسۆ لەیلەکێم مەیل و دڵت چی ئاس جیا؟
تۆنی هەراڵەو باخەکەیم بۆ سەرچڵت چی ئاس جیا؟

گردوو شەوێ مجیۆ دڵم، یەڵداو خیاڵوو بێکەسی
ئازیزەکێم گەرمی دڵی قوڵبەقوڵت چی ئاس جیا؟

شاروو غەریوی چێش کەری قاڵاو موانۆ لالەزار
شێعر و عەرووزم وێتەنی دەی بوڵبوڵت چی ئاس جیا؟

وشکا چەمەو ئاواتەکام بۆرێ هەراڵەو حەسرەتام
خاکوو ئەوینی و ئارەزووی پەڕحاسڵت چی ئاس جیا؟

کەپرەو هەواروو خاترا هەرچی دیا نەویەی دیار
یانەم دەمێو کاول بیەن سەرمەنزڵت چی ئاس جیا؟

زەردا بزەو زەردی لوای، سەردەن دەمەو چۆڵی دڵی
هەو لەیلەکێم جەرگی برێژیا و وڵوڵت چی ئاس جیا؟

نام و نێشانوو تۆ مەنەن یانەو خیاڵوو بێکەسی
شێت و هەراس و بێ خەوەر ناغافڵت چی ئاس جیا؟  

#فه‌یسه‌ڵ هێدایه‌تی

ئیشششش 
جە بۆساری بوەو هەناسەیت
تنیاینیوە مەحاڵەرە 
کەی واز ماری؟

ئاورایی شەکەت،
هەناسێ گرگر،
تاسوو قوماروو ژیوای
جاڕەتەرە مەتلیۆ

تۆبە
لەفزش بە تێخت مەترەکۆ

شەوەزەنگەو بێ‌باوڕینە
بیەنی
زامنوو تلۆعوو باوڕی ..

وەرزیە تاڵ
گۆرزانینە و زۆرانەو ڕەگەزا
ئەستەم بژناسی
عەسڵوو فەرع 
ددٚانێ چەخماخ مەشانا

فێڵی
گاڵتەجاڕەو ئەسپیرە
فێروو یۆغرەی مەکەرا
و
تۆیچ هەراڵەت
 کۆڵانەش ئاخنیەنە و
چەکت
بە بارووتوو ئازادی مەپژمۆ
تا
خڵەتیۆ چەم .

هەزار لیرێ ئوسمانی
شەوەو قوماریت دۆڕیای 
هەرتا
ڕەگەز ڕەگش فڕیۆ و
تۆیچ
ئاسمانوە بیاوی  بە کام ...!

من و ویریە
پەزێرەی هەزارپینەیچ
هەر سات
شوکری مارمێ ماوە
تا ڕێزۆڵێ
کەرمێ ئامیانوو کاکیلا .... !

#جه‌واد فێراق

ئیشششش 
جە بۆساری بوەو هەناسەیت
تنیاینیوە مەحاڵەرە 
کەی واز ماری؟

ئاورایی شەکەت،
هەناسێ گرگر،
تاسوو قوماروو ژیوای
جاڕەتەرە مەتلیۆ

تۆبە
لەفزش بە تێخت مەترەکۆ

شەوەزەنگەو بێ‌باوڕینە
بیەنی
زامنوو تلۆعوو باوڕی ..

وەرزیە تاڵ
گۆرزانینە و زۆرانەو ڕەگەزا
ئەستەم بژناسی
عەسڵوو فەرع 
ددٚانێ چەخماخ مەشانا

فێڵی
گاڵتەجاڕەو ئەسپیرە
فێروو یۆغرەی مەکەرا
و
تۆیچ هەراڵەت
 کۆڵانەش ئاخنیەنە و
چەکت
بە بارووتوو ئازادی مەپژمۆ
تا
خڵەتیۆ چەم .

هەزار لیرێ ئوسمانی
شەوەو قوماریت دۆڕیای 
هەرتا
ڕەگەز ڕەگش فڕیۆ و
تۆیچ
ئاسمانوە بیاوی  بە کام ...!

من و ویریە
پەزێرەی هەزارپینەیچ
هەر سات
شوکری مارمێ ماوە
تا ڕێزۆڵێ
کەرمێ ئامیانوو کاکیلا .... !

#جه‌واد فێراق

نازار نازەنین ڕۆشنایی چەمان

ڕوح و دڵ و گیان سانات چەنەمان

قیبلەم عەشقوو تۆ نه دڵ جا گێرتەن

عەقڵ و فام و هۆش نه دەسم سەندەن

ئایێروو عەشقیت گڕ دان جەسەمان

کەردەن به قەقنەس ڕەگ و ڕیشەمان

مەجنوون ئاسایی وێڵ و سەرگەردان

زامدار خەمبار مات و پەرێشان

هووناوان نه چەم مەیان چوون واران

ئاه و ناڵەمەن چوون شەو بێدٚاران

ڕای نەجات بەندەن بینایی چەمان

ها وەختەن نەفەس بڕیۆ جه لامان

ئازیز با وەس بۆ جەور و جەفاتان

بەزەئیت بەیۆ به دڵەی بەسەزوان

زانات چێشت کەرد شای شێوه وەشان!

پێکانێت به تیر پا چەمه مەسان

کەرەم کەر وەفات پەی شێفای زامان

سۆدان وه جەرگم نیەنشا دەرمان

وەر نه به گیانت ئازیزتەر جه گیان

"ناسر" فاتێحەو مەنەو وێش وانان

#ناسر ئەخدەر




طبقه بندی: فرهنگی و هنری، ادبیات/شعر، زوانی هه‌ورامی، مه‌هدی ئه‌بری(هه‌ورام)، میرزامەجید عەدەمی و فەیسەڵ هێدایەتی، جەواد حەمزه (فێراق)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٤٨)،
نوشته شده در تاریخ سه شنبه 24 دی 1398 توسط همایون محمدنژاد
.: Weblog Themes By Abdollah Habibi :.