کەلەبەروو شێعرا(۱٥۰)


چەمەو شێعرێم مەحاڵەن بگنۆ چیرو سێوەرو ژیری
بە شێتی سەر وەشەن شاعێر، دڵم کەم بووزە ئەو چیری

جە عەقڵ و مەنتێق و ژیری، نە بارم هەن نە ئاگاهی
چەمم بگنۆ بە هەر کامی مەڤۆمان جەنگ و دەرگیری

جە شێخیم ئەژنەوی وااش سەرو پیری مەڤۆ دۆست
بە جوانی پێسە کوشتانیت، هەڕەم تەوقەو سەرەو پیری

قەڵادۆشانو شێعرێمۆ چەمت مگنۆ بە بەرزایی
دڵت پەی چێشی وەش کەردەن بە ساراییو سەرەوچیری

چەمم نەگنۆ پەنەت شێعرێم پێسەو وێم ناوەشێ مگنا
ئیتر دەرمان و دەردێمان مەگەر ژوانو یەکانگیری

هەسارێو شێعرێ مگنا ڕا، چەنەم وەرمی مسانانێ
مەلۆ، تۆزێوە ڕەحمت بۆ، بە دێوانێوە زەنجیری

#پەرویز  بابایی

کافرو 
گەبروو یەهوودی چەماتەنا

مۆسڵمان

لاقەراخوو شەرعەیتەرە
نگاهێ....!!

#جەواد/فێــــــــراق


قەسەم
،،
قەسەم بە یادٚی، هێجرانی یاران
سەختا غەریوی،جە گۆشەی شاران

بە وەفا و سەفای دڵداران قەسەم
بە هەڵسی دیدٚە، چوون واران قەسەم

بە وەنەوشەی چەم، وەهاران قەسەم
بە عەتروو گوڵی، گوڵزاران قەسەم

بە نوورو ورچەی هەساران قەسەم
بە  مانگەشەوێ  شەوگاران قەسەم

بە سایە و سەیوەر،نساران قەسەم
بە وەرەتاوی ،کۆساران قەسەم

بە  نازاری ناز، نازاران قەسەم
بە زەرق و بەرقی ،بازاران قەسەم

بە ئەشق و بەشقی ڕەشماران قەسەم
بە دڵەی ئاشق بیماران قەسەم

بە چارەی ناچار بێچاران قەسەم
بە ناڵە و نرکەی خەمباران قەسەم

قەسەم پا کەسەی، هەر وێش ساقییەن
ئەشقت تا ئەبەدٚ، جە دڵ باقییەن

دڵ جە فێراقت ،نیەنش قەرار
هەواری ئەشقت ، هۆرش دان دەوار

دڵ هەر سات یادٚی ،تۆش هەن جە خەیاڵ
چەم چەمەڕای تۆن، یاری پڕ جەماڵ

#موحەممەد خدری (ئەدیب)

چەنی ئۆمێدی وەزوورە لاتا
چەمەڕانا
    ڕوێوە مێ

یاگەپاو هەر پووتینێوەنە
                سەوزیۆ گوڵێوە

#شارۆ
۹۸/۱۰/۲

من و خەیاڵش  خەڵوەتما  ڪەردٚەن
مەحاڵەن حزوور تا وە ڕۆی مەردٚەن

ئێقباڵ شێویان  وێنەی  ڕای وەساڵ
ئەوسەرش لای لەیل،ئی سەر سیاچاڵ

جە دوور بەر مەیۆ   بە  خەرمانەوە
جار جار وەر وەروو، بە حەیرمانەوە

دڵوەشیم ئانەن  سۆچوو  بە ئەشقش
سەرمایەم تیشڪێ جە سۆمای مەشقش

ئازادٚ بۆ  ڕۆحم جە  ماددە و  فەڵەڪ
پێچ واردٚەن نە چەرخ هەزاران ڪەڵەڪ

گێڵۆ   جە   باخش  نیشۆ   هەیوانە
نووشۆ و  بگێرۆ    مەی   و   پیمانە

سەروەش بۆ دایێم ، یاوۆ بە مەستی
دوور بۆ جە دەروون هووناوی هەستی

#حامی غەریبی

جوانەمەرگ ساتێ بە کلوو چەمی
بە عێشوە ماڕەش یەغڐانوو خەمی

من تیرەو لۆمەی پێکانش دیڐەم
بە چففە کەرەم هەمڕازوو دەمی

جەواد
فێراق



طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، بێهرووز موحەممەدپوور(شارۆ)، په‌رویز بابایی، موحەممەد خدری(ئەدیب)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٥۰)،
نوشته شده در تاریخ جمعه 4 بهمن 1398 توسط همایون محمدنژاد
.: Weblog Themes By Abdollah Habibi :.