کەلەبەروو شێعرا(۱۷۱)


               وەشڵەی

وەشڵەی بە ئەو دڵ دڵدارش تۆنی
وەشڵەی بە ئەو ڕا ڕێبوارش تۆنی

وەشڵەی بەو دید٘ە دید٘ارش تۆنی
وەشڵەی زوانەی هاوارش تۆنی

وەشڵەی خەمبارەی خەم وەرش تۆنی
وەشڵەی بەو شەوان شەوچەرەش تۆنی

وەشڵەی بەو دڵە نامی تۆش جە تۆن
وەشڵەی بەو فکرە گرد هۆشش جە تۆن

وەشڵەی ،،سەیاد٘،،یچ دایم کەرۆت یاد٘
غەیر تۆ نەوەرۆ وە لای کەس فەریاد٘

  #باقی شەفێعی(سەیاد٘)


ماچا وەهارەن   قۆمپە لۆ   زیان
چی وەهار ئێساڵ جە جاران جیان؟

شاد٘ی نەوەش و مەیلی لەیل سەرد٘ەن
داخۆ چێش وەشیش پی دەرد٘ە بەرد٘ەن؟

دەی خۆ گوراڵی چوون جاری جاران
پەی چێر پای  پاڵاش ، وێشا  وناران

بەڕەزا جە ڪۆ وەنەوشە جە باخ
سوورەهەراڵە و شمڵی بە دەماخ

شەوبۆی لانسار ، شەقایق، نەرگس
هەراڵەبرەیمە وێش و دید٘ەی مەس

ڪۆڕاڵە ماسیل ، بۆژانە و چنوور
پیاڵەو مەی و نەی چەنی سەنتوور

جە گەرمی ئەشقی، ڕەوان وەرواوان
نازاران  موژەی   دید٘ەشا   ساوان

دڵ و ڕۆح و گیان  ئاماد٘ەی تیرەن
چ فەرقی فەقیر یا خەیر وەزیرەن؟

چەمان گرد٘ ماتڵ  دید٘ەی سوەیلین
ڪەی وەهارف ەسڵ دووری و بێ مەیلین؟!

وەشڵەی پاڪەسی دڵش وەهارەن
مەتڵی لەنجە و  ویساڵی  یارەن

#حامی غەریبی

ناسکە لادێ و  وەرزەی بەهاری 
سەفای سەیرانگای باخ و هەواری

سەیری کوردەماڵ نە پای ئێلاخی 
هاری بەفراو و بەڕەزای شاخی 

بەهار و هەوار خەوی ڕەش دوار
سەحەر و قاسپەی کەوی پای کۆسار

#ئەکرەم  وەلەدبەیگی



طبقه بندی: فرهنگی و هنری، ادبیات/شعر، زوانی هه‌ورامی، باقی شه‌فێعی، حامی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۷۱)،
نوشته شده در تاریخ جمعه 8 فروردین 1399 توسط همایون محمدنژاد
.: Weblog Themes By Abdollah Habibi :.