کەلەبەروو شێعرا(۱۷٨)

بێ شۆڵە کەوتا چۆڵەنا ئی وێرەگا مەترازیۆ
تا نەینە دەرمانم کەری جەور و جەفا مەترازیۆ

جەژنەو پەڵەو مانگە شەوێ بێ جل چەنی تاوو بلوو
بێ ڕۆجیاری کوشتەنا ئیش و بەڵا مەترازیۆ

قاپوو دڵیشا بەردەنا من بێ دڵ و روو زەردەنا
ئی شەممە مێمانێم هەنێ چی شەممەتا مەترازیۆ

من پەی وەهاری مەردەنا،تو حەر جە زمسانی مشی
سەردی چەماومانگە شەوێ ئارۆ و سەوا مەترازیۆ

مەنزوور ئەگەر شەککەر نیا دڵ چی بەرۆ تاموو لچا
تا تۆ هەنی و ئی قەننە هەن تاموو لچا مەترازیۆ

ئاشفتە بازارێوە هەن ماچا کە ماڵوو بێ کەسین
پەی بێ کسێوە پێسە من ئی خانەگا مەترازێۆ!

شەوگار ئەگەر ڕەحمش نەمەن خۆ ڕۆجیار هێشتا مەنەن
تاریکەڕاو ئی عەشقیه چی تۆ خودٚا مەترازیۆ ؟!

#فەرید_عەباسی ‍             

ئەدٚای پیرە

ئەدٚایوە پیرە جە یانەو پیرا
تاقمەو مەجلێسوو دڵە زویرا

ئەدٚای بێ نازە جە تاسەباری
پەی خەبەرنگار بە گرەوە و زاری

چوون شاخەی نەبات کەلامش واز کەرد
هەناسەی کاڵش جە دەروون ویەرد

گردیما  دیما و وە لامان یاوا
جە دڵتەنگی وێش پێسەش فەرماوا

ئاخ وەشڵەی عەمرم گێڵای دماوە
کوڕێوم بیایا جە سەر دنیاوە

بە شۆتوو تووتەی گەورەم کەردایا
تا بۆوەو ڕەحموو وەفایش بەردایا

فامایاش قەدٚروو ئەدٚا و تاتەو وێش
ئی زەجر و جەفا کەم بدٚایا  پێش

بەش بۆ بە عێبرەت واتەو ئا ئەدٚای
یادٚ گێرمێ ڕەحم و دەسوورو خودٚای

 #عوسمان ڕەحیمی هەجێجی

سەروو ماچێت ئەگەر قاچێم بڕانێ
كەوایم پێسەو گجی یۆسۆی دڕانێ

لکانێ ئا دەم و خاڵی بە وەڵڵا
مەکنیۆم دەم هەتا قازی چڕانێ
 
شەرابی ساڵە حەوتا ئا دەموو تۆ
بە یەک گوڵمش خەمێ من گرۮ پڕانێ

بەزەیم مێ پا هەناره‌ نەو ڕەسارە
ئەسیروو چێروو ئا پەڕوە شڕانێ

گڵۆپوو عەمرەکەیما ئا چەمێنێ
هەتا مەحشەر خوۮایا هەر گڕانێ

کە تڵفا ئی دڵوو "سەعدی" نەوازش!
سەروو تڵفێ  هەزار کاخێ   وڕانێ
   
#سەعدی_غەریبی

قماروو چەماتەنە
تاسەی ئاڵۆز
سەبرش دۆڕنا
و
لۆمە 
عەباو حەسرەتاش
بڕیە خەڵات
تا
هەناروو وەشەویسی
زۆقموو
بێ‌مەیلینە 
ترەکۆ و
زوانوو عاڐەتا
چەکەرەو
ئەشقیەتەری
پڕووکنۆ !.!

#جەواد/ فێــــــراق ۳۰؍۱؍۹۹

ڕوێو جە ڕوا ئەدٚالە پیرێ
قسێوە دڵشەنە ئەی گوڵوێش گێرێ

هەناسێ داخێ جە کانوو دڵی
هەرسیش پڕایرە هەر پێسه بڵی

دوعاش ئینێ بێ دەرگای خودٚاوە
واتش ئاخ جوانیم ئامایا دماوە

کوڕێوم بیایا جوانی نۆ وەختەی
گەورەم کەردایا بە شۆتوو تووتەی

وەفادار بیایا پەی ڕەنجوو ئەدٚای
نەک پێسەو ئەمن کەرداشا جیای

ئینە شش مانگێن نەدیەنم بە چەم
دووری دیدٚاریش بیەن پەژارە و خەم

دەخێلەن "بێشۆن" وەفارار بی تۆ
ئەگەر بلی باری بە کۆڵ کەش و کۆ

هیشتار مەتاوی ساتێوە وەرمش
قەرەبوو کەریەو پەی تۆ نەکەردش

#فەرەیدوون ڕەشیدی هەجێج
وەڵاتەڪەم

تەوەنیچت وەفادارێنێ

مەبا سەنگەر پەی دژمەنی

مەگەر

ئادژمەنە

جل وبەرگش

وێمانە بیە بۆ

شەڵڵا جل ورازیچما

پیا ژناس لاشاوە بیێ

یا

 تەوەنی پیاژناسێ بیێنێ

شەڵڵا ، شەڵڵا

#حامی غەریبی

سلام وعرض ادب به محضرادیب دانشمندمعلم و شاعروفعال فرهنگی
جناب آقای #همایون_محمدنژاد

این شعررابه شماوتمام هورامی زبانان عزیزتقدیم می کنم.
امیدوارم سالم وتندرست درجبهه فرهنگی همچنان باکاوش وتحقیق وخلق آثارارزشمند ادب وهنرهورامان پیشرو باشیدوکوچکترین ذره ای سیاهی قلب مهربانت رانیازرده باشدوهمچنان به روی ریلهای خوشبختی وسعادت درحرکت باشید

ارادتمندکرم اله امیری ک الف یاس
کرمانشاه شهرستان صحنه بخش دینور
دهستان کندوله روستای پریان
۱۳۹۹/۰۱/۲۹

《بهاران دردینور》

غەم سووزیمانەن،غەم سوزیمانەن
یه جەژنی نەورۆز......پیرۆزیمانەن

غەم سۆچیان و......یه وەشیمانەن
یه مەلهەمێ زام....دل ریشیمانەن

ئێرادەم کەردەن....تا ئاخر وەهار
دەمئ نگیریۆ.........ئارام و قەرار

وەهار وەهارکەم ، وه باخانەوه
رەبەم وه دڵ..... ئێلاخانەوه

وەش ئامای وەهار...بە شار و دیار
قەدەم رەنجەت کەرد....بە قەڵبم نازار

وه قدووم تۆ....خوسەم ئاخر بێ
پەریشان دڵی و......زەجرم ئاخر بێ

باد وەهارێ ، دونیاش گێرته وەر
شکووفا بیەن........گوڵ وه دینەوەر

وه ناو دینەوەر... وەهاران وەشەن
وەهاران وەش و زلیم ئاتەشەن

دینەوەر عەرووس.......تەمام شارانەن
گوڵی  موعەتتەر.......نەو بهارانەن

هەر وه کەرگسار..........تا گەر بیلوار
گوڵ و گوڵزارەن ، ژه وەشی وەهار

جه ئەوەڵ دینەوەر.......تا خود کەنووله
پیاده بلی و....وه چەپەی لاله
واچی:
موارکەن مەردوم......جەژن شادیمان
جەژن نەورۆز و......دڵ ئەفرووزیمان

هاوار ئی هاوار.......مەردوم دینەوەر
وه عێشق ئیوه ، من بیم شوعلەور

من ئاگر گردم ، چوون بەرق وەهار
وه عێشق ئیوه و شەرارەی  نار

عێشقتان نه دڵ........مەردوم دینەوەر
دوچارەن وه من.....تا رۆژ مەحشر

گر سەد گیانم بۆ...هرسەد فەداتان
هاوار دینەوەریل ، مەردوم وه پاتان

دینم دینەوەر..........دین و ئیمانم
سەرەم مەستوو تۆ....ئارامی گیانم

هەرگێز جه عێشقت.دەس هەڵ ناگرم
مەگەر ئا لەحزە ....وه پات بمرم

سەرمایەو شادیم......رۆح و رەوانم
قووت زانوم........دەردت وه گیانم

هەر خودوو دینەوەر...گوڵێ بێ هەمتا
سەر و ماڵەکەم ، وه پات کەم فەدا

خاک دینەوەر....بەهەشت خاوەر
بێ تۆ ناڵانم....هەر شەو تاسەحەر

تەمام دینەوەر.............تا قولەی زران
بە شێعر  کەرمەلا   بیەن   گوڵواران

#کەرمەلا ئەمیری(ک الف یاس)




طبقه بندی: فرهنگی و هنری، اجتماعی، ادبیات/شعر، زوانی هه‌ورامی، جەواد حەمزه (فێراق)، فەرید عەباسی، عوسمان ڕەحیمی(مورید)، حامی غەریبی، سه‌عدی غەریبی، کەرەمەڵڵا ئەمیری(ک الف یاس)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۷٨)،
نوشته شده در تاریخ دوشنبه 1 اردیبهشت 1399 توسط همایون محمدنژاد
.: Weblog Themes By Abdollah Habibi :.