کەلەبەروو شێعرا(۱٨۱)

کۆا هەواڵیە
دڵ
وەویرەو باز کەردەیش نەبۆ

گۆش
حەزش لاویۆ

چەم
وەشیش خاوێر گنۆ

ڕۆح
مەوجەو جەستەیم
کێشۆ وێشەرە

دەنگ
بەرزە پا چڕۆ و
شاڐیم
تەلموورش ماڕۆ و 
سەنتوورش کۆک 

ئاخەکام
بێڕەواج و قەڵب گنارە

وێموو هەواڵ
دەس جە دەس
تڕێقەو وەشیما
قۆڵفوو جەوری
جۆڐە کەرۆ و
پەتەو تاسنای
قەپە کەرۆوە بێشکێ ژیوایرە و
بێ خەم
کەرمێ پێاسە !.!.!

#جەواد ــ حەمزە/ فێـــراق ۱۳؍۲؍۱۳۹۹


یادٚش به‌ خه‌یر ئا دڵبه‌رێ، ئا یانه‌وه‌ی ئاوا که‌رێ
دایم عه‌یاده‌تما که‌رێ، شه‌و تا وه‌ ڕۆ خه‌مما وه‌رێ

په‌رسێ جه‌ حاڵی زاریما، ڕۆشن که‌رێ شه‌وگاریما
زانێ جه‌ به‌زم و باریما، گیان و دڵم داوا که‌رێ

هه‌رکۆ لوێ واچێ په‌نه‌م، تاوێ جیا نه‌گنێ چه‌نه‌م
من عه‌بد و فانووسه‌م سه‌نه‌م، ڕووباره‌کێ پێغه‌مبه‌رێ

ساوێوه‌ کرچ و کاڵه‌ بێ، نه‌خشینه‌ عه‌نبه‌ر خاڵه‌ بێ
عاشق کوشێ باحاڵه‌ بێ، سه‌یدش نه‌یاوێ خه‌نجه‌رێ

نازاره‌ بێ وه‌ختێ خوێ، وه‌ختێ چه‌نی ڕۆحیم دوێ
سه‌ر دێ وه‌نه‌م ئینجا لوێ، ئا شۆخه‌ عاشق په‌روه‌رێ

ئیسه‌ خه‌مینش که‌رده‌نا، چا یارێ من ئازورده‌نا
ئاخۆم بزانۆ مه‌رده‌نا، ئا دڵ جه‌ سه‌نگه‌ ئه‌سمه‌رێ؟

ئانا وه‌هارا پی سه‌ره‌و، یادٚێ جه‌ مه‌جنوونی که‌ره‌و
ڕۆح و دڵ و گیانم به‌ره‌و، با که‌م وزانه‌م سێبه‌رێ

#فه‌رید عه‌باسی
 گەزەندەی دەوران گەستەن سەرتا پام

ژاراوش  یاوان  ئێسخوان  و  ئازام

نه پام هەن پەی چەم نه شەوقی چەمەن

ژیوایم   ئاخ و داخ حەسرەت  و خەمەن

قلیانانی خەم تا   کەی  ساز    کەروون 

شەرابی حەسرەت تاکەی نووش کەروون؟

پای فێرار مەفلووج بێ هێز و لەرزان

ناڵەی مەزڵوومیم  یاوان  وه ئاسمان

چوون ناری پیشیا دەروون پیشیانان

خەستەی غەرق بیەی بەحری خەمانان

دیدەی   خیاڵم     تاریک    و   تارەن

زێهنی شێویام  سەدٚتەرز   خەمبارەن

کەردەن گەردەلوول  ترێشقەی   پیری

تاقەتم   تاقەن   بڕیان  سەبووری

یاڕەب به حورمەت سەروەری زەمان

بکیانه   پەرێم   عێلاج   و  دەرمان

"ناسر" دەردەو  تۆ  نیەنش  دەرمان

مەگەر  به شیفای ڕحیم   و ڕەحمان
Mh

# ناسر ئەخدەر   ۹۹/۲/۱۳



طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، فەرید عەباسی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٨۱)،
نوشته شده در تاریخ یکشنبه 14 اردیبهشت 1399 توسط همایون محمدنژاد
.: Weblog Themes By Abdollah Habibi :.