کەلەبەروو شێعرا(۱٨۲)ڕۆمامۆسای"موعەللێم"ی

ڕۆمامۆسای"معلم"

هە تا نە زانی دێوش زیننە بۆ
هەتا نە زانکار سەر ئەفکەننە بۆ

تا ڕۆی مەنۆ  زۆر و زۆرداری
هەتا کار کریۆ  پەی ئیسیعماری

تاوە ڵاتەکە م نە یاۆو ئاۆات
دەنگ و زاناییش نەلۆ سەماوات

تا چالێش مەنۆ ڕاو سەرفرازی
هەتا نەورازیۆ پارچە و شانازی

هەتا ڕۆڵێما  نەبا چراوی
هەتا دژمەنشا وێش نەوزۆئاوی

تاسازمان میلەل نەۆاچۆ بەیدێ
ڕۆڵێ وەڵاتیم نەبا بە سەیدێ 

هەتا،بان کی مون،کڵاش پا نەبۆ
کام ڕۆن ئاڕوە کەپەی تۆ نەبۆ

تا گردٚوو دنیێ شاهۆی نەژناسۆ
هەتا ناحەزش  سە رەش نەماسۆ

هەتا سنعەتم نامێ نە ۆزۆرە
دەسم فەرشا پەیت پاش بنیەپۆرە

گردٚ ڕوی رۆتا  مامۆسای ئازیز
تا فەسڵ وجەهلی کەری بەپاییز

#حامی-غەریبی
ڕۆ مامۆسای
ـــــــــــــــــــ

تلۆعم
پاڵدامنەو شەرافەتی
و
فریشک کەفتەو جاهێڵی و
وێ،  نەشناس

هەرتا
حەزم بە حۆزوورت ئاوس بی
و
تاقەتت تاوناو
سەبرت پیر
خەت بە خەت و
تەقەڵ تەقەڵ
پەرێ بڕیامانوو جلوو ئاوەزیم

 نەزانیم وەزنایرە و
زاناییت 
کەرد مێڵاکوو مەژگیم.

بابەم
ئاورایی و
تەژنایی لچامش مەڕد (بابا آب داد )
هەرتا 
قەڵەم یاوا پەنجەم

دەلیل و
زەیینی کۆریم
جە کۆڵانەو نۆقسان بیەکا 
تۆ !

پاکۆەکەروو خەتاکام
بە جەوهەروو شەرافەتی
تا
دلێڕاسەو ڕاسیەکا
تۆ !

ئەوەتاویاو میراسیەنی
بێ نام
دەنگت جە ورکەی وارتەر.

بێ خەم بە 
ئارۆ
مەڵهەموو ئازارەکانی 
فەیلەەسووف و 
ژیروو جەبری و هێندسەی
جیاکەروو کەیهانەکا 
تۆنی تۆ
مامۆساڪـــەم !!

جەواد ـ حەمزە
/فێـــــراق ۱۲؍۲؍۹۹




طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، حامی غەریبی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٨۲)ڕۆمامۆسای"موعەللێم"ی،
نوشته شده در تاریخ یکشنبه 14 اردیبهشت 1399 توسط همایون محمدنژاد
.: Weblog Themes By Abdollah Habibi :.