کەلەبەروو شێعرا(۱٨۳)

گوڵ جە سەرگۆنات گرەوش بەردەن
وێت ئاسا ڕوخسار ئارایش ڪەردەن

هەق بیەن مەولای ناسك خیاڵان
بە قیاس  وانۆ  سیمای گــۆراڵان

گەوهەرێ بە ڕووی حەریرێ شانۆ
سیمای  گوڵ بە ڕۆخ ئازیزان زانۆ

گوڵ چوون ڕووی ئازیز نزاکەت پۆشان
وەرواوان چوون سەیل دیدٚەی من جۆشان

منیچ سیماو تۆم تەشبی کەرد بە گوڵ
جە گوڵ شیرینتەر جاگیرنی  نە دڵ

#سوهراب_ مورادنیا
۹۹٫۲٫۲٤کۆچی ڕۆجیاری


جە هۆروەستەو تاریخینە
سایە‌لۆحیم
پەی وەشتەری
قەڵەمش کەرد مشتەکۆڵی
و
ئیتر نانم
نەخزا دلێش
تا حیلا گرت 
بە بارممتە

پایەم پەتی و
ئەوم لاگاز
شۆنپاشەرە
مەر
 مشتەکۆڵی
پاتێ پۆشا !!

دوو جار گەستەی
خەتای خەتان ،،،،،، ؟

کڕڕ کەفتەنا
هێڵێ
حیلا هۆرباروو
تا
زیاڐە بۆ
سنعوو هێڵەلارا 

بێ‌ئاوەزی
حیزیش گریۆ
جە مەجمعەو نانە لەمیم

ئارۆ
خامەی سوورم
کەوەش پۆشان
سیاوش ئاردەن
سەروو خەتەی
پەنجەی حیز و قەڵەمی حیز.

پەوکەی
لەمەو شێعریم
واتێ 
حیزێ مەزۆ 

ئــــــــــــارۆ !.!

#جەواد ـ حەمزە /فێـــراق 




طبقه بندی: فرهنگی و هنری، ادبیات/شعر، زوانی هه‌ورامی، جەواد حەمزه (فێراق)، سوهراب مورادنیا(سیاوکام)،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱٨۳)،
نوشته شده در تاریخ شنبه 27 اردیبهشت 1399 توسط همایون محمدنژاد
.: Weblog Themes By Abdollah Habibi :.