کەلەبەروو شێعرا(۱۹٤)

ئەر نەبۆت نە سەر هەوای مەجازی
پەی وەسڵ دڵبەر نەبۆت گیانبازی

نەی ڕاگوزەردا سەر نەدٚەی وە سەنگ
نەکێشی جەور و چەڵەمە و جەفەنگ

نەبی ئاڕوفتە بە واو بێ مەیلی
سەرەوکۆی هەڕین دڵدار نەشێلی

تەپڵی ڕوسوایت نەزڕیۆ نە عام
نەمانۆ نە لات عەقڵ و هۆش و فام

تا دۆس و دژمەن نەکەران مەنات
نەیاوۆ بە عەرش مەینەت و جەفات

تا سیاو نەبۆ کەردە و ڕزوومەت
ڕوسوا نەبینە و نەکەران لوومەت

نەبینە یاگێ تەشەر و تانەی
نەبێزیەی ئەو لاو خوێش و بێگانەی

مەلینە دیدٚار ئاسانەی مەعبوود
مەکەری بە دڵ شوکرانەی سجوود

چە وەش فەرماوان بێساران ماوا
بەهەشت ماواش بۆ، یانەش بۆ ئاوا

(تا مەجاز نەبۆ حەقیق نمەبۆ)
(حەقێق بێ مەجاز تەحقێق نمەبۆ)

(سیاوکام) ڕاویار ڕای مەجازیەن
بە مەجازی وێش سەدٚ جار ڕازیەن
----------*****----------

#سوهراب_مورادنیا

‍ ‍    ژەرەژە خاڵێ

ژەرەژە خاڵێ کەشی
جار جار موانۆ بە وەشی

دەننووک و پایش سوورێنێ
چەمێش ئەجۆ موورێنێ

خاڵێش سیاوێ و چەرمێنێ
پەلێش گەرمێ و نەرمێنێ

کەمەرا و کەمەر پڕۆ
بە دەنگ ئازاد٘ی چڕۆ

نیشۆ سەیەو نسارا
کەیف کەرۆ چنی یارا

تا واچی زەریفەنە
بە دیمەن تریفەنە

ژەرەژە خاڵێ کەشی
ژیوایش پەڕا جە وەشی

حەیفا کەریش قەفەسی
بازەش گێڵۆ بە مەسی

 فەتحوڵڵا ڕەزایی



طبقه بندی: فرهنگی و هنری، ادبیات/شعر، زوانی هه‌ورامی، سوهراب مورادنیا(سیاوکام)، فه‌تحوڵڵا ڕه‌زایی،
برچسب ها:هه‌ورامان‌هانه‌به‌رچه‌م-کتابخانه‌هورامان،یانه‌وکتێبووهه‌ورامانی-هه‌ورامان-هۆرامان-اورامان-اورامانات-دزآور(زاوه‌ر)-لهون-تخت-ژاورود-پاوه-نوسودـ نودشه (نۆتشه)زرده-پریان-رێژاو(ریجاب)-شریف‌آباد-زاغه-کندوله-گەورەجوـ ته‌وێڵێ-بیاره-ساور-نودیجه-هه‌ڵه‌بجه-خۆرماڵ-مریوان-سروآباد-کرمانشاه-کردستان-دالانی زاوەرـ سنندج-چهارقلعه‌عبدالملکی(زاغمرز-زینوند-حسین‌آباد-امیرآباد)هورامی های شمال ایران)عکس-شبک-سنجارـ باجلان-کاکه‌یی-یارسان-ساور-نودیجه-زازا-زازاکی-قلعه قروه-چورژی-هومایون موحه‌ممه‌دنژادـ سه‌فه‌ره‌کێ گالیوێری ـ وه‌سیه‌ت په‌ی مه‌زهه‌ری ـ یانەوخەما،کەلەبەروو شێعرا(۱۹٤)،
نوشته شده در تاریخ یکشنبه 29 تیر 1399 توسط همایون محمدنژاد
.: Weblog Themes By Abdollah Habibi :.