عەشق و وەشەسیایی ئینسانەکا

نویسکار: ژیار سڵامەتیان

21وو ئارگاو1393ڕۆجیاری -مەریوان

من هەمیشەی کۆششم ئانەنە کە ئاوات و ئارەزوەکام سەروو وەشتەرین چێوانێ بەنا بنیەو کە واقعەن وەشی مذا بە دڵیم و ئەهوەنم کەراوە، بەڵام مەزانوو چی هەر وەخت گەرەکما ئارەزوو کەروو وەشیەکام ملاو، دڵتەنگی مێ یاگێش. شایەد خەتاو ئانەیەنە کە من نەتاوانم خاس ئاوات و ئارەزوەکام بژناسوو یا کوو من ئیشتیبام کەردێنە شایەت  وەشیێ نیا چی دنیانە کە من ئاوات و ئارەزووش پەی کەروو.هەڵبەت شایەتیچ ئاژەو ژیواو من ڕا نەذۆ کە نەیاوو بە وەشیەکاو ژیوای. جار جار گەرەکما بە مەژگ و ویرکەردەیوە ڕاگایێ بێزووە پەی ئاواتەکام تا بیاووشان پنە، بەڵام! هەر جارێ کە ملوو تا ویر کەروە تا بیاوو بە ئاواتەکام ویرم جە کار گنۆ بە جیاتی ئانەیە ئامانجەکەیم نزیکوو وێم وزووە ویروو مەژگم کارێ کەرا کە چنەش دوو گنووە. وێم ماچوو ئاژەو جەسەیم و ژیوایم ڕا مەذۆ بیاوو بە وەشیەکاو ژیوای، بەڵام دڵیچم  هەر ڕوێ هەن سەروو مەرامێوەو دەمێ وەش و دەمێ خراب. هەڵبەت ژیوای هەر ویەرای ویەرۆ، ئانە ئێمەی ئینسانی ویر تەسکەنمێ کە دنیاما گێرتێنە کۆڵێوەو ئەجۆما عەشق هەر سەیارەو زەمینین و ئێتر وەشی و وەشەسیاییێ دلێ ملیاردها ملیارد ستارەو سەیارەی تەرینە وجوودش نیا، من دڵنیانا ڕوێ مێ کە وەرەشێڵە گەرماکەش کەمۆ بۆوەو و  نیمەو گەرماکەیش مذۆ بە ئەو ستارەکا. هەر ئینسانێ ستارێوەش گنۆ کە چنیش بژیوۆ و وەشیەکاو ژیوایش چاگەنە بە گا بارۆ و ئاواتەکاو ژیوایش بیاونۆ لاو دڵدارەکێش. دەی کە پاسنەن من و ئاواتەکام وێما هۆرگێرمێ تا ستارەو ئاواتەکاما ئاژەو ژیوای ئینسانیش چنە وەش بۆ و تا ئا وەختە من هەر ڕوێ ئاواتێ، کەروو تا بە دەس هاڵی نەلوو پەی لاو وەشەسیاکێم.



طبقه بندی: اجتماعی، ادبیات/شعر، زوانی هه‌ورامی، ژیارسڵامه‌تیان،
برچسب ها:هورامان هه‌ورامان‌هانه‌به‌رچه‌م-کتابخانه‌ هورامان؛یانه‌وکتێبووهه‌ورامانی-هه‌ورامان-هۆرامان-اورامان اورامانات-دزآور(زاوه‌ر)-لهون-نوسود-هورامان تخت ژاورود-پاوه-نودشه(نۆتشه)-رێژاو(ریجاب)-کندوله-ته‌وێڵه(طویله)-بیاره-ساور-نودیجه-حلبچه(هه‌له‌بجه)-خۆرماڵ مریوان-سروآباد-کرمانشاه-کردستان-دالانی-ایلام-کامیاران-روانسر-جوانرود-چهارقلعه‌عبدالملکی(زاغمرز-زینوند-حسین‌آباد-امیرآباد) هورامی های شمال ایران)-عکس-شبک(شه‌به‌ک)-سنجار- کاکه‌یی-یارسان-ساور-نودیجه-زازا-زازاکی)-قلعه قروه-چورژی-هانه‌به‌رچه‌م-هۆمایون محه‌مه‌دنژاد،سه‌فه‌ره‌کێ گالیوێری،همایون محمدنژاد،سفرهای گالیوربه هورامی،عەشق و وەشەسیایی ئینسانەکا،ژیار سڵامەتیان،
نوشته شده در تاریخ یکشنبه 21 دی 1393 توسط همایون محمدنژاد
.: Weblog Themes By Abdollah Habibi :.